அசோகா

அசோகா

தேதி: June 17, 2006

பரிமாறும் அளவு: 4 members

ஆயத்த நேரம்: 10 நிமிடங்கள்

சமைக்கும் நேரம்: 25 நிமிடங்கள்

மொத்த நேரம்: 35 நிமிடங்கள்

5
Average: 4.7 (7 votes)

இந்த சிறப்பு பகுதியின் முதல் குறிப்பு என்பதால் ஒரு இனிப்புடன் ஆரம்பிக்கலாம். இன்று அனைத்து இல்லத்து விசேஷங்களிலும் காலை உணவில் தவறாது இடம் பெறும் இனிப்பு இது. மன்னர் அசோகர் மிகவும் விரும்பிச் சாப்பிட்ட உணவு என்பதால் அவரது பெயரையே இதற்கு வைத்து விட்டனர் என்று கப்ஸா விட ஆசையாக இருக்கின்றது. பெயர்க்காரணம் தெரியாவிடினும், பிரசித்திக்கான காரணம் தெரியும். அல்வா போல் இது விரைவில் திகட்டி விடுவதில்லை. நாக்கில் ஒட்டிக் கொண்டு சிரமப்படுத்துவதும் இல்லை. எளிதாய் கரைந்து விடும். செய்வது மிகவும் எளிது. அல்வா கிண்ட கொஞ்சம் அனுபவம் தேவை. இதற்கு அது அவசியமில்லை. முயன்று பாருங்கள். நீங்களும் உணர்வீர்கள்.

 

சம்பா கோதுமை மாவு - ஒரு கப்
முந்திரி - 10
நெய் - கால் கப்
சீனி - 3 கப்
கிராம்பு - 4
ஏலக்காய் - 5
டால்டா (வனஸ்பதி) - ஒன்றரை கப்
பால் - கால் லிட்டர்


 

மேலே கொடுக்கப்பட்டுள்ள பொருட்கள் அனைத்தையும் தயாராய் எடுத்து வைத்துக் கொள்ளவும். சம்பா கோதுமை மாவினை பயன்படுத்தினால்தான் சுவை நன்றாக இருக்கும். இல்லாதபட்சத்தில் சாதா கோதுமை மாவை பயன்படுத்தலாம். பாலை காய்த்து வைத்துக் கொள்ளவும்.
தேவையானப் பொருட்கள்
ஏலக்காய்தான் நல்ல மணம் சேர்க்கும். 5 என்பது போதுமானது. விருப்பம் இல்லாதவர்கள் குறைத்துக் கொள்ளலாம். ஏலக்காயை நுணுக்கிக் கொள்ளவும்.
தேவையானப் பொருட்கள்
சற்று அடிக்கனமான தாவா அல்லது பானில் டால்டாவை மட்டும் கொட்டி, உருகியதும் கிராம்பு போட்டு பொரியவிடவும்.
டால்டா உருக்குதல்
பிறகு அதில் கோதுமை மாவினைக் கொட்டி சுமார் 30 விநாடிகள் கிளறவும். நீண்ட நேரம் கிளறத் தேவையில்லை. மாவு வாசனை வரும் வரை, அதாவது அரை நிமிடம் கிளறினால் போதுமானது.
மாவு கிளறுதல்
அதில் காய்த்து வைத்துள்ள பாலை ஊற்றி மேலும் கிளறி சற்று நேரம் வேக விடவும்.
பால் ஊற்றுதல்
மாவு வெந்து, தள தளவென்று கொப்பளிப்பது போன்று வரும் போது அதில் சீனியைச் சேர்த்து நன்கு கிளறிவிடவும்.
சீனி சேர்த்தல்
பின்னர் கலர் பொடியை 2 மேசைக்கரண்டி அளவு நீரில் கரைத்து மாவில் ஊற்றிக் கிளறவும். சிவப்பு வண்ணம் மாவு முழுவதும் சேரும் படி கிளறவும்.
வண்ணம் சேர்த்தல்
மற்றொரு அடுப்பில் வாணலியை வைத்து அதில் நெய் முழுவதும் ஊற்றி, முந்திரியை கொட்டி வறுத்து எடுக்கவும். வறுத்த முந்திரியை நெய்யுடன் அசோகாவில் கொட்டவும். நுணுக்கி வைத்துள்ள ஏலக்காயையும் சேர்த்து நன்கு கிளறவும்.
முந்திரி, நெய்
எல்லாம் சேர்ந்து நன்கு வெந்து, நெய் வெளிவரும் நேரம் இறக்கி விடவும்.
அசோகா
மேலே முந்திரி தூவி அலங்கரித்துப் பரிமாறவும். இது மிகவும் எளிதாய் செய்யக்கூடிய அதீத சுவையான அசோகா.
அசோகா

பொதுவாக அசோகாவில் பாசிப்பருப்பினை சேர்ப்பார்கள். இது பாசிப்பருப்பு இல்லாமல் செய்யப்படும் சுலப முறை அசோகா. சுமார் 15 நிமிடங்களில் செய்து முடித்துவிடக்கூடிய இந்த அசோகாவினை, நான்கு அல்லது ஐந்து நபர்கள் திருப்தியாக சாப்பிடலாம்.


உறுப்பினரது அண்மைக் குறிப்புகள்

இணையான குறிப்புகள்


Comments

இதை..இதை... இதை.... இதைத்தான் நான் எதிர்பார்த்தேன்.. கலக்கிட்டீங்க தலைவா..

I believe, arusuvai.com is the first indian site to provide step by step, illustrated recipes. Good work. Keep it up. It is very useful for me.

பாபு அண்ணனுக்கு,
யாரும் சமைக்கலாம் பகுதி அட்டகாசம்! இதுவரை நான் பார்த்த சமையல் தளங்களிலேயே மிக சுவாரஸ்யமான ஒரு சமையல் தளம் உங்களுடையது! இந்த "யாரும் சமைக்கலாம்" தான் இதற்கு மேலும் அழகூட்டுகிறது.மிக்க நன்றி! உங்களின் முயற்சிகளுக்கு வாழ்த்துக்கள்!

Very interesting and useful section. Can you publish Chicken Briyani recipe with photos? Thanks in advance.

சகோதரி அஸ்மா அவர்களுக்கும், வாழ்த்திய அனைவருக்கும் எனது மனமார்ந்த நன்றி. இந்தப் பகுதி சிறப்பாய் அமைய அரும்பாடுபட்டு கொண்டிருக்கும் என்னுடைய குழுவினருக்குதான் அனைத்துப் பாராட்டுகளும் செல்லும்.

மோகன் அவர்களுக்கு, நீங்கள் கேட்ட சிக்கன் பிரியாணி எங்களது பட்டியலில் உள்ளது. குறிப்புகள் தினமும் ஒன்றாக, வரிசையாய் வருமாறு ப்ரொகிராம் செய்யப்பட்டுள்ளது. சிக்கன் பிரியாணி விரைவில் வரும்.

இதை மைதா மாவில் செய்யலாமா