தாய்மை எதிர்பார்ப்போர் இழை -- 1

தோழிகளே,
இங்கு தாய்மையடைந்த பெண்களுக்கு பல சந்தேகங்கள் உள்ளன....அதேபோல தாய்மை அடைவதில் தாமதமாகும் பெண்களுக்கும் ஆயிரம் சந்தேகங்கள் உள்ளன.......அதை தனித்தனி இழைகளில்கேட்டு பின்வரும் தோழிகளுக்கு தேட கடினமாக இருக்கும். ஆகவே தாய்மை அடைவதில் சந்தேகம்,கவலை உள்ள பெண்கள் இங்கு பதிவிடலாம்.தங்கள் சந்தேகங்களை தாராலமாக கேட்கலாம்...நான் மட்டுமில்லை,விவரம் தெரிந்த தோழிகள் கண்டிப்பாக பதில் கொடுத்து உதவுவார்கள்.........உங்களுக்கு ஆதரவான நல்ல நட்பாகவும் இருப்பார்கள்..........
"தவறாமல் தயவுசெய்து தமிழில் பதிவுகளிடுங்கள்.."

"தாய்மை எதிர்பார்ப்போர் இழை -- 2" - http://www.arusuvai.com/tamil/node/20607

"தாய்மை எதிர்பார்ப்போர் இழை--3"- http://www.arusuvai.com/tamil/node/21002

"தாய்மை எதிர்பார்ப்போர் இழை -- 4"- http://www.arusuvai.com/tamil/node/26265"

பெண்ணின் உடல்நிலை:
***********************************
குழந்தை பெண்ணாய் பிறக்கும்போதே அதன் சின்னப்பைகளில் 4 லட்சம் முதல் 5 லட்சம் வரை சினைமுட்டைகள் இருக்கிறது. குழந்தை வளர வளர இந்த எண்ணிக்கை குறைந்து 35000 முதல் 45000 ஆக குறைந்து விடுகிறது. மற்றவை சிதைந்து விடுகிறது. இருந்த போதிலும் ஒரு பெண்ணின் வாழ்நாளில் அவளது சினைப்பையில் 450லிருந்து 500 வரையிலான சினை முட்டைதான் முதிர்ச்சி அடைகிறது.
 சினைப்பை அடிவயிற்றில் கர்ப்பப்பையின் இருபுறமும் ஒவ்வொன்றும் இருக்கும். ஒவ்வொரு சினைப்பையும் திராட்சை பழ அளவில் இருக்கும். இச்சினைப்பைகளில் உற்பத்தியாகும் ஹார்மோன்கள் அவள் வாழ்வில் உடலளவிலும், மனதளவிலும் ஏற்படும் மாற்றங்களுக்கு பொறுப்பேற்கிறது.
  சினைப்பையில் உற்பத்தியாகும் பெண்களுக்கே உரிய முக்கியமான ஈஸ்ட்ரோஜன் மற்றும் புரோஜெஸ்டொரோன் எனும் இரு ஹார்மோன்களால்தான் பெண் பருவமடைகிறாள். பருவமடைந்த பின்பு மாதவிடாய் முற்று பெரும் வரை ஒவ்வொரு மாதமும் இந்த ஹார்மோன் உத்தரவுப்படிதான் கருத்தரிப்பதற்கான வாய்ப்பிற்கு தயார் ஆகிறாள்.

ஈஸ்ட்ரோஜன் ஹார்மோன் செயல்பாடு:
********************************************************
 சினைமுட்டையை வெளியிடுவதற்கும், பெண் உடலில் தேவையற்ற முடி வளருவதை (முகத்தில் மீசை, தாடி) தடுக்கவும் குரலில் மாற்றமடைந்து ஆண் குரல் போல் ஆகாமல் இருக்கவும், மாதவிடாய் மாதமாதம் முறையாக வெளியாவதற்கும், விடாய் வெளியான 5வது நாளிலிருந்து 14ஆம் நாள் வரை இச்சுரப்பு அதிகமிருக்கும். சினைப்பையில் கருமுட்டை வளர ஆரம்பிக்கும். 14வது நாள் சினைமுட்டை சினைப்பையிலிருந்து வெளியேறி சினைக்குழாய் வழியே ஆண் மகனின் உயிரணுவை எதிர்பார்த்து தனது பயணத்தை துவங்கும் இந்நாளில் தம்பதியர் இணைவது கர்ப்பதரிப்புக்கு சாத்தியமாகும்.

ப்ரோஜெஸ்ட்ரோன் ஹார்மோன் செயல்பாடு:
****************************************************************
 மாதவிடாய் வெளியான 14வது நாள் முதல் மாதவிடாய் வெளியாகும் நாள் வரை அதிகமாக இருக்கும். எதற்காக என்றால் கர்ப்பப்பையின் உள்ளே உள்ள ஜவ்வு அதிகமானதாக தென்படும். ஒரு வேளை தம்பதியர் ஒன்று கூடி கருத்தரிப்பு ஏற்படும் போது கருவை கர்ப்பப்பை தாங்கிக் கொள்ள ஏதுவாக மெத்தை போல் உட்புறச்சுவரை உருவாக்கவும், கருவாகவில்லை என்றால் உட்புற சுவருக்கு இரத்த ஓட்டம் குறையும். ஹார்மோன் உற்பத்தியும் குறையும். கர்ப்பப்பை உட்புற சுவரில் வந்து உட்கார்ந்த சினைமுட்டை ஆணின் உயிரணு தன்னை வந்து சேராததால் ஏமாற்றம் அடைந்து முதிர்ந்து கர்ப்பப்பை உட்வுற சுவர் சுருங்கி சதையும், இரத்தமுமாக சிலமாற்றங்கள் ஏற்பட்டு உதிர போக்காக வெளியாகும்.

சினைப்பை நீர்கட்டி அறிகுறிகள்
***********************************************
 மாதவிடாய் சுழற்சி மாதமாதம் சீராக இல்லாமல் தாமதமாக வருவது, மூன்று மாதம், இரண்டு மாதம் என தாமதமாக வெளியாதல் போன்ற நிலை இருந்தால் சினைப்பையின் ஹார்மோன் குறைவினால் மாதவிடாய் தாமதம் ஏற்படும். மாதம் ஒரு சினை முட்டையை சினைப்பை விடுவிப்பது இயற்கையான நிகழ்வு.

இந்நிகழ்வில் தடை ஏற்படும் போது சினைப்பையில் சிறு, சிறு, நீர் கட்டி தோன்றி விடுகின்றன. இதை Polycystic ovary disorder (Pcod) என்பர். இதை ஸ்கேன் பரிசோதனை மூலம் கண்டறிந்து அக்குப் பஞ்சர் சிகிச்சையின் மூலம் சரிசெய்யலாம். மேலும் சினைப்பை நீர்கட்டி என்பது நோயல்ல, குறைபாடுதான் சினைமுட்டைகள் வெளிவராத காரணத்தால் உண்டாகும் இந்த பிரச்சனை பல்வேறு வயதிலுள்ள பெண்களை பாதிக்கலாம். அந்தந்த வயதினருக்கு தகுந்தாற்போல. அக்குப்பங்சர், ஹோமியோபதி சிகிச்சை, உடற்பயிற்சி, உடல் எடையை குறைப்பது போன்ற முறைகளை கடை பிடித்தால் கருத்தரிப்பதிலும் குழந்தை பிறப்பதிலும் பிரச்சனை வராமல் தடுக்கலாம். மாதவிடாயை ஒழுங்குபடுத்தலாம்.
சினைப்பை நீர்க்கட்டி இருந்தால் உடல் பருமன் ஏற்படும். மாதவிடாய் ஒழுங்குபடுத்த கொடுக்கப்படும் ஹார்மோன் மாத்திரைகளாலும் உடல் பருமன் அதிகரிக்கும். சினைப்பையில் உற்பத்தியாகும் முக்கிய இரு ஹார்மோன்களின் திருவிளையாடல்களே சினைப்பை நீர்கட்டி உருவாக காரணமாகிறது. சில சமயங்களில் ஒன்றுக்கு மேற்பட்ட சிறுசிறு கட்டிகள் தோன்றக்கக் கூடும்.

உணவு வகை - பழக்கம்
*********************************** 
இறைச்சி வகை தவிர்த்தல் நலம்
 சுரைக்காய், தண்டுக்கீரை, உணவில் சேர்த்தல் நலம்
 மாதுளம்பழம் சினைப்பை, கர்ப்பப்பை குறைபாடுகளை சீராக்க உதவும்.

ரொம்ப தேங்க்ஸ் தனி இழைக்கு...

அன்பை வெளிப்படுத்த யோசிக்காதே. கோபத்தை வெளிப்படுத்துமுன் யோசிக்க மறக்காதே :) - மீனு

சீக்கிரமா வாங்க மீனு நான் வந்துட்டேன் ரேணுராஜ்

அன்பு காட்டி தோற்றவரும் இல்லை கோவப்பட்டு ஜெயித்தவரும் இல்லை

என்றென்றும் அன்புடன்

:-)ரேணுகாதியாகராஜன்

நன்றி தோழி! Renuka Rajasekaran.

என்னை போன்றவங்களுக்காக ஒரு இழை திறந்தமைக்கு! உங்கள் உதவிக்கு நன்றி.

இப்போ நான் ரொம்ப மன கஷ்டத்தில் இருந்தேன். நானே அருசுவை தோழிகளிடம் என் வேதனையை சொல்லலாம் - நு நினைத்து கொண்டிருக்கும் போது உங்க புது இழை பார்த்து மிக்க மகிழ்ச்சி.. மிக்க நன்றி தோழி ரேணுகா...

அன்புடன்,
ரேவதி கண்ணன்.

எனக்கு முன்னாடியே வந்துட்டீங்களா சொல்லமாட்டீங்களா இதல்லாம்

அன்பு காட்டி தோற்றவரும் இல்லை கோவப்பட்டு ஜெயித்தவரும் இல்லை

என்றென்றும் அன்புடன்

:-)ரேணுகாதியாகராஜன்

எனக்கு செக் பண்ணப்ப எந்த பிராபளமும் இல்ல சொல்டாங்க. அப்புறம் ஏன் டைம் ஆகுதுன்னு தெரில...

அன்பை வெளிப்படுத்த யோசிக்காதே. கோபத்தை வெளிப்படுத்துமுன் யோசிக்க மறக்காதே :) - மீனு

நான் அப்பவே வந்து உங்களுக்கு அரட்டை ல அனுப்பிட்டு இருந்தா இங்க தனி இழைல ஓடுது நம்ம மேட்டர்............

அன்பை வெளிப்படுத்த யோசிக்காதே. கோபத்தை வெளிப்படுத்துமுன் யோசிக்க மறக்காதே :) - மீனு

சூப்பர்வ்பா புது இழைக்கு நன்றி
எங்கள்ட கேள்வி கேக்கணும் சொன்னீங்களேபா என்ன கேள்வீ கேளுங்க எல்லார்க்கும் உதவற மாதிரி முக்கியமா உமையாள் போன்றவங்களுக்கு யாரிடமும் பேச முடியாமல் கஷ்டபடுறவங்களுக்கு உதவலாமே

அன்பு காட்டி தோற்றவரும் இல்லை கோவப்பட்டு ஜெயித்தவரும் இல்லை

என்றென்றும் அன்புடன்

:-)ரேணுகாதியாகராஜன்

உமையாள்:
உங்களுக்கு எப்படி சொல்வது.......சில தகவல்களை பொதுதளத்தில் சொல்வதற்கு தயக்கம்தான்.ஆனால் இன்று அனைவருக்கும் அனைத்தும் தெரிந்துள்ளது.......முடிந்தவரை சொல்கிறேன்.......
நீங்கள் சொல்வது போல வஜினாவில் எரிச்சல் இருந்தால் தேங்காய் எண்ணெய் உபயோகிக்கலாம்.வலி இருக்காது........இன்னொன்று நீங்கள் இருவரும் தேவையில்லாமல் பயப்படுகின்றீர்கள் தோழி,ஆம் வெண் திரவம் அதிகம் வருதுன்னு சொல்லியிருக்கீங்க.அது உங்களுக்கு இந்த வலி இல்லாமல் ஈஸியா இருக்கத்தான்.மேலும் முட்டை வெளியாகும் போது அடிவயிரு கொஞ்சம் கனத்தமாதிரி இருக்கும்(பீரியடுக்கு முந்திய தினங்கள்போல)உடல் வெப்பம் அதிகரிக்கும்.இதை ரொம்ப அனுபவித்து தெரிந்து கொள்ளலாம்.
செமன் வெளியேறுவது பற்றி சொல்லியிருந்தீர்கள்.தோழி,ஆணிலிருந்து வெளிவரும் திரவம் அனைத்தும் பெண்ணுள் அடங்குவதில்லைப்ப.உடனே வெளியாகிவிடும்.அதனால் கருபிடிக்கவில்லையோ என எண்ணாதீர்கள்.ஏன்னா ஆணின் திரவத்தில் சுமார் 4முதல்5லட்சம் உயிரணுக்கள் இருக்கும்.அதில் ஒன்றே ஒன்றுதான் பெண்ணின் கரு முட்டையுடன் கூடும்......திரவமொரு சொட்டு உள்ளே போனால்கூட அதில் ஆயிரக்கணக்கான உயிரணுக்கள் பெண்ணில் சென்றுவிடும்.......அதனால் திரவம் வெளியேறுவது ஒரு பிரச்சனையில்லைப்பா.......இது அனைத்துப்பெண்களுக்கும் இருப்பதுதான்......

ரேணு டீச்சர் கேள்வி கேட்க சொல்லுங்க மீனு

அன்பு காட்டி தோற்றவரும் இல்லை கோவப்பட்டு ஜெயித்தவரும் இல்லை

என்றென்றும் அன்புடன்

:-)ரேணுகாதியாகராஜன்

மேலும் சில பதிவுகள்