பூரி - கிழங்கு குருமா

பூரி கிழங்கு குருமா

தேதி: June 23, 2006

பரிமாறும் அளவு: 4 நபர்கள்

ஆயத்த நேரம்: 15 நிமிடங்கள்

சமைக்கும் நேரம்: 20 நிமிடங்கள்

மொத்த நேரம்: 35 நிமிடங்கள்

4
Average: 3.9 (28 votes)

பெரும்பாலும் காலை நேரச் சிற்றுண்டியாக தயாரிக்கப்படும் பூரி, தமிழகம் மட்டுமல்லாது, ஏறக்குறைய இந்தியா முழுவதிலும் பிரசித்திப் பெற்றது. தயாரிப்பதும் மிக எளிது. சப்பாத்திக்கு மாவு பிசைந்து ஊற வைப்பது போல் இதற்கு செய்யவேண்டிய அவசியமில்லை. மாவு பிசைந்தவுடன் பூரிகளாக தேய்த்து பொரித்து எடுக்கலாம்.

கோதுமை மாவைப் பயன்படுத்திதான் இல்லங்களில் பூரிகள் தயாரிக்கப்படுகின்றன. பெரும்பாலான உணவுவிடுதிகளில் மைதா கொண்டு பூரி தயாரிப்பார்கள். பார்வைக்கு சற்று வெண்மையாகவும், நன்கு புஸ்ஸென்று உப்பி வருவதாலும் மைதாவினைப் பயன்படுத்துகின்றனர். சற்று மொறுமொறுப்பாகவும் இருக்கும். நீண்ட நேரத்திற்கு நமத்துப் போகாமல் இருக்கும். இதனால்தான் மைதா பயன்படுத்துகின்றனர்.

இங்கே கொடுக்கப்பட்டுள்ள பூரியும் மைதா கொண்டு செய்யப்பட்டதுதான். கோதுமை மாவும் சிறிது சேர்க்கப்பட்டுள்ளது. இதையே நீங்கள் மைதா அளவிற்கு கோதுமைமாவும், கோதுமைமாவு அளவிற்கு மைதாவும் எடுத்துக் கொண்டு செய்யலாம்.

 

பூரிக்கு தேவையானவை

மைதா - 2 கப்
கோதுமை மாவு - அரை கப்
உப்பு - அரைத் தேக்கரண்டி
சோடா உப்பு - ஒரு சிட்டிகை
நல்லெண்ணெய் - ஒரு தேக்கரண்டி
<b>பூரிக்கிழங்கு செய்ய தேவையானவை</b>
உருளைக்கிழங்கு - 3
பெரிய வெங்காயம் - 2
காரட் - 2
பச்சை மிளகாய் - 3
கறிவேப்பிலை - ஒரு கொத்து
இஞ்சி - ஒரு அங்குல துண்டு
மஞ்சள்தூள் - அரைத் தேக்கரண்டி
கடலைப் பருப்பு - ஒன்றரை மேசைக்கரண்டி
கடுகு - அரை தேக்கரண்டி
கடலைமாவு - 2 தேக்கரண்டி
கல் உப்பு - ஒரு தேக்கரண்டி


 

மைதா, கோதுமை மாவு இரண்டையும் ஒன்றாய் சேர்த்து, சலித்து ஒரு பாத்திரத்தில் எடுத்துக் கொள்ளவும். ஒரு கப் தண்ணீரில் உப்பு, சோடா உப்பு இரண்டையும் கலந்து மாவில் ஊற்றி நன்கு பிசையவும். ஓரளவிற்கு பதமாக பிசைந்தவுடன் நல்லெண்ணெய் ஊற்றி மீண்டும் நன்கு பிசைந்து கொள்ளவும்.
பூரி மாவு
பிசைந்த மாவினை சிறு சிறு உருண்டைகளாக உருட்டிக் கொள்ளவும். பிறகு அவற்றை அப்பள வடிவில் தேய்த்துக் கொள்ளவும். மிகவும் தடிமனாகவும், மிகவும் மெல்லியதாகவும் இல்லாமல் சற்று நடுத்தர அளவில் தேய்க்கவும்.
பூரி மாவு
வாணலியில் எண்ணெய் ஊற்றி காய்ந்ததும் ஒவ்வொன்றாய் அதில் போட்டு வேக வைத்து எடுக்கவும்.
பூரி பொரித்தல்
இருபுறமும் திருப்பிப் போட்டு சற்று பொன்னிறம் வந்தவுடன் எடுத்து விடவும். நீண்ட நேரம் வேக வைத்தால் சிவந்து போய்விடும். சற்று வெண்ணிறமாக இருக்கையிலேயே எடுத்து எண்ணெய் வடியவிட வேண்டும்.
பூரி பொரித்தல்
உருளைக்கிழங்கினை துண்டுகளாக நறுக்கி வேகவைத்து எடுக்கவும். அதனை தோலுரித்து, கைகளால் மசித்து வைத்துக் கொள்ளவும். காரட்டை பொடியாக நறுக்கிக் கொள்ளவும்.
கிழங்கு
வாணலியில் ஒரு மேசைக்கரண்டி எண்ணெய் ஊற்றி கடுகு, கடலைப்பருப்பு போட்டு சற்று சிவந்ததும், இஞ்சி, வெங்காயம், காரட், கறிவேப்பிலை, கீறின பச்சை மிளகாய் போட்டு வதக்கவும்.
வதக்குதல்
விரும்புகின்றவர்கள் வெங்காயம் வதக்கும் போது கூடவே ஒரு தக்காளியை நறுக்கிப் போட்டு வதக்கிக் கொள்ளலாம். இப்போது வாணலியில் ஒன்றரைக் கப் தண்ணீர் ஊற்றி சற்று நேரம் வேகவிடவும். காய்கள் சற்று வேக வேண்டும்.
பூரி மசாலா
பின்னர் அதில் மசித்து வைத்துள்ள உருளைக்கிழங்கினைச் சேர்த்து, மஞ்சள் தூளையும் போட்டுக் கிளறி வேகவிடவும். உப்பு சேர்க்கவும்.
மசித்த உருளை
கிழங்கு நன்கு வெந்தவுடன் குருமா சற்று சுண்டி இருக்க வேண்டும். இல்லாத பட்சத்தில் கடலை மாவினை நீரில் கரைத்து சேர்த்துக் கொள்ளலாம்.
பூரி கிழங்கு மசாலா
குருமா நீர்த்து இருக்குமாயின் அரை கப் தண்ணீரில் கடலைமாவினை கரைத்து ஊற்றவும். மேலும் சிறிது நேரம் கொதிக்கவேண்டும்.
பூரி கிழங்கு மசாலா
குருமா கொதித்து சற்று கெட்டியானதும் இறக்கவும்.
பூரி கிழங்கு குருமா
இந்த கிழங்கு குருமா பூரியுடன் சேர்த்து சாப்பிடச் சுவையானது. பூரி என்றாலே உருளைக்கிழங்கு குருமாதான் (பூரிக் குருமா) என்று சொல்லுகின்ற அளவிற்கு, காலம் காலமாக இரண்டும் இணைபிரியாத ஜோடிகள்.
பூரி கிழங்கு குருமா

இந்த குறிப்பினை நமக்காக வழங்கியவர் செல்வி. ஸ்ரீதுர்கா.


உறுப்பினரது அண்மைக் குறிப்புகள்

இணையான குறிப்புகள்


Comments

The photos are very clear and also well optimized. Just takes few seconds to load all the pictures. I am having big trouble here in Office, after you introduced the "yaarum samaikkalam" section. Everyday I need to translate and give the recipe to one of my colleagues from Andra. Please launch the english version of arusuvai ASAP.

கோதுமையில் பூரி செய்யும்போது இப்படி புஸ்ஸென்று வருவதில்லை. எண்ணெய்யில் வேகும் போது வந்தாலும், எடுத்து தட்டில் வைத்தவுடன் அமுங்கி விடும். கடைகளில் மட்டும் எப்படி நாள் முழுவதும் பூரி அமுங்காமல் அப்படியே இருக்கிறது என்ற ஆச்சரியப்பட்டு இருக்கின்றேன்.

laxmi

கடைகளில் செய்யும் போது சிறிது ரவை மற்றும் மைதா கலப்பார்கள் எனவே அவை புஸ்ஸென்று வரும் நீங்களும் இந்த முறையை try பண்ணுங்கள்

laxsel

Hi,

Tried out the above dish and my family loved it very much. Adding tomato & carrot is indeed a new idea; You have tons of recipes to try, so, have to start one by one.

BTW, a few days back, asked for the sweet recipe makkan para, can u do the needful??

Thanks and Bye.

தங்களை அறுசுவையில் அங்கத்தினராக இணைத்துக் கொண்டமைக்கு மிக்க நன்றி. உங்களது "மக்கன் பாரா" (தமிழில் நான் எழுதியுள்ளது சரியா?) குறிப்பிற்கான விண்ணப்பத்திற்கு, பதில் அளிக்கும் வகையில் நான் ஒரு விண்ணப்பம் வைத்தேன்.

உங்களது கேள்வியை மன்றத்தில் பதியுமாறு வேண்டுகோள் விடுத்தேன். சிரமம் பாராமல் அதனை செய்யவும். என்னிடம் குறிப்பு இருந்திருந்தால் அன்றே கொடுத்து உதவியிருப்பேன்(அந்தப் பெயரைக் கூட கேள்விப்பட்டது இல்லை). இல்லாத காரணத்தால் உதவமுடியவில்லை. மன்றத்தில் பலரும் பதில் அளிக்கும் வாய்ப்பு உள்ளதால், உங்களுக்கு அங்கே விடை கிடைக்கலாம்.

Dear Rama,
I think you are talking about makkan peda. It is famous in North arcot dist. I will give that recipe you try and tell me your opinion.
P.s:(I never tried though)
Prepare kova from full fat milk.If it is about 250gms add 4tbls of maida to it and need well.Make pingpong size balls.Stuff this with some chopped nuts (cashew,almond) and vellari(cucumber)seeds and deep fry in oil of your choice.It should be darker brown.Fry in sloww fire.Oil shouldn't be very hot.
Then soak it in sugar syrup(one string consistency).
Hope you will like this.

The made this poori and kizhangu some time during last week. It was very very nice. My family simply loved it.

Sangeetha!

பூரி-கிழங்கு குருமா செய்து பார்த்தேன்.உருளைகிழங்கு,கேரட்டுடன் பட்டாணியும் சேர்த்துக் கொண்டேன்.குருமா மிகவும் சுவையாக இருந்தது.நன்றி.

I had prepared this recipe. Came out was really good. Thank U.

இன்று பூரி - கிழங்கு குருமா செய்தோம். சுவை (அறுசுவை) மிகவும் நன்றாக இருந்தது. மிக்க நன்றி.

tried it last night and it came out really good.Thanks so much for recipe!

பூரி கிழங்கு குருமா செய்தேன்.சுவை அருமை.நன்றி
சுதாஸ்ரீ

sudhasri

புரி குருமா அருமை. மிக்க நன்ரி

ரேகா

ரேகா

This is excellent. I really liked it. I told my sisters to cook and they also liked it very much.. this is exactly like restaurant poori and kuruma. Whenever I go to Indian restaurant I order for poori. I’m tired of piddu. Bcoz we eat poori and kuruma at the restaurants only. tis is something different for us to try.

ரொம்ப ரொம்ப நன்றி துர்க்கா . குர்மா செய்வது இலகுவாக இருத்து அனால் உங்க ரெசிபி தேடித்தேடி அப்பா அதற்கு நல்ல பயன் கடையில் சாப்பிடும் குர்மா போலவே வந்தது எனக்கே நம்ப முடியலமா தக்காளி சேர்த்தேன் கடலைமா தேவைபடல..நன்றி நன்றி நன்றி

பூரி கிழங்கு வீட்டில் செய்து பார்த்தேன். ஹோட்டலின் சுவை போல் இருந்தது. நன்றி.

seythu paarthuvittu solkireen.

Very nice recepe

துர்கா மேம் உங்க‌ பூரி குருமா ரெசிபி செய்தேன் சுவை சூப்பர்ர்ர்... குறிப்பினை வழங்கியதற்கு ரொம்ப‌ நன்றி!

வாழ்க்கை முடிவற்ற வாய்ப்புகளை கொண்டது!!!!