சில்லி இட்லி

சில்லி இட்லி

தேதி: July 4, 2006

பரிமாறும் அளவு: 4 நபர்கள்

ஆயத்த நேரம்: 15 நிமிடங்கள்

சமைக்கும் நேரம்: 15 நிமிடங்கள்

மொத்த நேரம்: 30 நிமிடங்கள்

4
Average: 4 (2 votes)

காலையில் செய்த இட்லி மீந்து விட்டால், மாலை அதனையே உப்புமாவாக்கி சாப்பிடுவர். எப்போதும் உப்புமாவாக செய்யாமல் இது போன்ற சில்லி இட்லியாக செய்து சுவைக்கலாம். மீந்து போன இட்லியில்தான் செய்ய வேண்டும் என்ற கட்டாயம் இல்லை. சூடான இட்லியில் கூட செய்யலாம். இட்லி வேண்டாம் என்று அடம்பிடிக்கும் குழந்தைகளும் இதனை விரும்பிச் சாப்பிடும்.

 

இட்லி - 10
தக்காளி - 3
கறிவேப்பிலை - 2 கொத்து
கொத்தமல்லி - 2 கொத்து
சில்லி சிக்கன் மசாலா - 1 மேசைக்கரண்டி
உப்பு - ஒரு தேக்கரண்டி
பெரிய வெங்காயம் - 2
எண்ணெய் - ஒரு மேசைக்கரண்டி


 

இட்லியை வேக வைத்து எடுத்துக் கொள்ளவும். வெங்காயத்தை நீள வாக்கில் நறுக்கிக் கொள்ளவும். தக்காளியை துண்டாக நறுக்கிக் கொள்ளவும்.
தேவையானப் பொருட்கள்
இட்லியை சற்று ஆற வைத்து துண்டுகளாக வெட்டிக் கொள்ளவும்.
இட்லி துண்டங்கள்
வாணலியில் எண்ணெய் விட்டு காய்ந்ததும் நீளவாக்கில் நறுக்கி வைத்துள்ள வெங்காயம் போட்டு 20 விநாடிகள் வதக்கவும்.
வெங்காயம் வதக்கல்
அதன் பிறகு அதில் துண்டுகளாக நறுக்கி வைத்துள்ள தக்காளி போட்டு வதக்கவும். தக்காளியை நன்கு மசித்து விட்டு வேகவிடவும்.
இட்லி மசாலா
அத்துடன் உப்பு, சில்லிப் பவுடர் போட்டு நன்கு கிளறி விட்டு இரண்டு நிமிடங்கள் வேகவிடவும்.
இட்லி மசாலா
பிறகு கறிவேப்பிலை, கொத்தமல்லி மேலே தூவி கிளறவும்.
இட்லி மசாலா
இப்போது துண்டங்களாக்கி வைத்துள்ள இட்லியை போட்டு கிளறி விடவும். மசாலா இட்லியில் சேரும்படி பிரட்டி விடவும்.
சுமார் ஒரு நிமிடம் வேகவிட்டு, மசாலா இட்லியில் இறங்கியுள்ளதா என்று ருசி பார்த்து, இறக்கி, அலங்கரித்துப் பரிமாறவும்.
சில்லி இட்லி

இதனை செய்து காட்டியவர் திருமதி. லெஷ்மி கலைசெல்வன் அவர்கள். இட்லி வேக வைத்து எடுப்பதுதான் சற்று நேரம் எடுக்கும். மற்றவை சுமார் 15 நிமிடங்களுக்குள் முடிந்து விடும்.


உறுப்பினரது அண்மைக் குறிப்புகள்

இணையான குறிப்புகள்


Comments

லக்ஷ்மி அக்கா சில்லி இட்லி ரொம்ப நல்லாஇருக்கு