கத்தரிக்காய் காராமணி காரக்குழம்பு

தேதி: July 12, 2006

பரிமாறும் அளவு:

ஆயத்த நேரம்: 10 நிமிடங்கள்

சமைக்கும் நேரம்: 30 நிமிடங்கள்

மொத்த நேரம்: 40 நிமிடங்கள்

No votes yet

 

கத்தரிக்காய் - 250 கிராம்
காய்ந்த காராமணி பருப்பு - ஒரு கப்
பெரிய வெங்காயம் - ஒன்று
தக்காளி - 2
கருவடாம் - 2 தேக்கரண்டி
புளி - எலுமிச்சை அளவு
கறிவேப்பிலை - 10 இலை
மிளகாய் தூள் - 1 1/2 தேக்கரண்டி
தனியா தூள் - ஒரு தேக்கரண்டி
மஞ்சள் தூள் - 1/4 தேக்கரண்டி
உப்பு - 2 தேக்கரண்டி
எண்ணெய் - 2 தேக்கரண்டி


 

காராமணி பருப்பை வேக வைத்து எடுத்து கொள்ளவும். வெங்காயம், தக்காளி மற்றும் கத்தரிக்காயை பொடியாக நறுக்கி கொள்ளவும்.
ஒரு பெரிய வாணலியில் எண்ணெய் ஊற்றி அதில் கருவடாமை போடவும்.
வெடித்ததும் கறிவேப்பிலை மற்றும் வெங்காயத்தை போட்டு 2 நிமிடம் வதக்கவும்.
அதனுடன் நறுக்கி வைத்துள்ள கத்தரிக்காயை போட்டு 2 நிமிடம் வதக்கவும்.
பிறகு மஞ்சள் தூள், மிளகாய் தூள், தனியா தூள் மற்றும் உப்பு சேர்த்து ஒரு நிமிடம் வதக்கவும்.
தக்காளி சேர்த்து 2 நிமிடம் வதக்கவும். 5 கப் தண்ணீர் ஊற்றி கொதிக்கவிடவும்.
புளியை கெட்டியாக கரைத்து எடுத்து கொள்ளவும்.
கத்தரிக்காய் பாதி வெந்தவுடன் காராமணியை போட்டு, புளிக்கரைசலை ஊற்றவும்.
காய் வெந்தவுடன் இறக்கி வைத்து பரிமாறவும்.


மதியம் சமைத்து இரவு சாப்பிட்டால் சுவையாக இருக்கும். இல்லையென்றால் மறுநாள் சாப்பிட இன்னும் சுவையாக இருக்கும்.

மேலும் சில குறிப்புகள்