கவிதை தொகுப்பு - பூங்காற்று, சங்கீதா கவிதைகள்

<div class="recipebox">

<div class="leftbox">
<div class="kavihead" align="left"><b> வாட்டம் ஏன் </b></div>

வாழ்க்கைப் பயணத்தில் வாடியிருக்கும்
சின்னப் பெண்ணே!
வானில் வெண்மதி தேய்ந்தாலும்
வளர்பிறையாகும் ஒரு நாளில்.

நதியின் வளைவுகளில் ஒரு கதை
அலையின் மோதலில் புது நடை
மழையின் தூறலில் நவ சுரம்
தேடித்தெரிந்திடு விடை உண்டு.

தென்றலின் தழுவலில் ஒரு சுகம்
பூக்களின் அழகினில் தனிவிதம்
குயிலின் குரலில் இன்னிசை
இயற்கையின் பரிசை உணர்ந்திடு.

பயணம் பாதை மாறிவிட்டால்
மேதையாகிட முடியாது
பேதை நெஞ்சின் துயரங்களின்
வதைகளை நீயும் கலைந்து விடு.

இன்னல்கள் இம்சைகள்
இல்லாமல் வாழ்வில்
இன்பங்கள் என்பது
இல்லையம்மா...
இன்றுடன் நீயும் புதுப்பெண்ணாய்
உலா வந்திடு உந்தன் துயர் நீங்கும்.

- பூங்காற்று

</div>

<div class="rightbox">
<div class="kavihead" align="left"><b> ப்ரியமானவளே.............! </b></div>

காலங்கள் தந்த
காயங்கள் சொல்ல
ஆறுதல் கிடைத்தது உன்னிடமிருந்து.

விழிநீர் மெல்ல
கன்னம் நனைத்த போது
உந்தன் விரல் நீண்டது
அதை துடைத்துச் செல்ல.

சோகத்தில் நானும்
வாடிநின்ற போது
தோள் சாய்த்துக்கொண்டாய்
நட்பு கானம் பாடி.

நான் அழுத போது நீ உன்
இன்பம் மறந்தாய்,
நான் சிரித்த போது நீ உன்
துன்பம் மறந்தாய்.

அழகிய நட்பின் வரலாறு
அப்படியே இருக்க
நானும் நீயும் இருவேறு திசைகளில்..........
ஆனாலும் இருவர் நினைவுகளும்
என்றும் ஒரே திசையில்..............

- பூங்காற்று

</div>
<div class="spacer">&nbsp;</div>
</div>

<div class="recipebox">

<div class="leftbox">
<div class="kavihead" align="left"><b> சில பொழுதாவது...........</b></div>

வறுமையின் கோரப்பிணியை
வல்ல இறையோனே தீர்த்து வைப்பாய்!

குடிசையில் வாழும் மாந்தர்
குறைகளைப் போக்கி வைப்பாய்!

பசியிலே கதறும் மழலை
பசிப்பிணி தீர்த்து வைப்பாய்!

உடையது இல்லா சிறுவர்
உடலினை காத்து நிற்பாய்!

படிப்பதற்கு வசதியற்ற
பாலகர்களை உயர்த்தி வைப்பாய்!

சிரிப்பதற்கு ஏழை வாழ்வில்
சில பொழுதாவது தோன்ற வைப்பாய்.

- பூங்காற்று
</div>

<div class="rightbox">
<div class="kavihead" align="left"><b> வெட்கம் </b></div>

சத்தமில்லாமல்
வந்துபோகும்
என்
வெட்கத்தை,
மிச்சமில்லாமல்
உறிஞ்சிகொள்கிறது
உன்
"மீசை முடிகள் ".....

<b> கரம் கொடு காதலா.....</b>
ஏனோ
உன்னை
பார்க்கும் போதெல்லாம்....
உன்
விரலிடுக்கில்
ஒளிந்து கொள்ள
துடிக்குது
என் விரல்கள்...
உன் கரம் தருவாயா?....
என் விரல் பிடிப்பாயா?.....

- சங்கீதா செந்தில்
</div>
<div class="spacer">&nbsp;</div>
</div>

<div class="recipebox">

<div class="leftbox">
<div class="kavihead" align="left"><b> ஃபேஸ்புக் </b></div>

நான் படித்த கவிதையை
நீயும் படிக்கிறாய் ....
நான் ரசித்த ஓவியத்தை
நீயும் ரசிக்கிறாய் .....
நான் சிரிக்கும் போது
நீயும் சிரிக்கிறாய் ....
நானும்
தெரிந்து கொண்டேன்
நம் ரசனைகள்
ஒத்து போகின்றன
facebook உதவியால் ....

<b> மழை...</b>
மழையே....
நீ
போனபின்னும்
கண்ணீர்
வடிக்க
என்னை போல,
இந்த
இலைகளும்
காதலிகளாய்...

- சங்கீதா செந்தில்
</div>

<div class="rightbox">
<div class="kavihead" align="left"><b> "காதல் மழை"</b></div>

உன்
பார்வை
மின்னல் வெட்ட ,
என் இதயமெல்லாம்
இடி முழங்க ,
வியர்வையாய்
துளிர்கிறது
"காதல் மழை"

<b> வியாபாரம்</b>

தாமரை
இலைகள்
சத்தமில்லாமல்
விற்றுக்கொண்டிருக்கின்றன ....
மழை நீர்
முத்துக்களை
சூரியனுக்கு ......

- சங்கீதா செந்தில்

</div>
<div class="spacer">&nbsp;</div>
</div>
<div class="recipebox">

<div class="leftbox">
<div class="kavihead" align="left"><b> மீசை </b></div>

சிவப்பு
ரோஜாவாய்
உன்
இதழ்கள் .....
அதை
காவல் காக்கும்
முட்களாய்
உன்
"மீசை ".........

- சங்கீதா செந்தில்
</div>

<div class="rightbox">
<div class="kavihead" align="left"><b>"ச்சீ".. </b></div>

உன்
உதடுகள்
அடிக்கடி
உச்சரிக்கும்
இரண்டெழுத்து
கவிதை
"ச்சீ".......

- சங்கீதா செந்தில்
</div>
<div class="spacer">&nbsp;</div>
</div>

Comments

பூங்காற்று இன்றுதான் முதல் முறையா உங்க கவிதைகள் படிக்கிறேன். நல்லா இருக்கு :) வாழ்த்துக்கள்

சங்கீதா வழக்கம் போல சின்ன சின்ன கவிதைகள்ல நிறைய பிரியத்த வெளிக்காட்டிருக்கீங்க :) படிக்க சந்தோஷமா இருக்கு.. வாழ்த்துக்கள்

KEEP SMILING ALWAYS :-)

என் கவிதைகளை வெளியிட்ட அட்மின் அவர்களுக்கு அன்பார்ந்த நன்றிகள்.
கவிதையைப்படித்து முதல் ஆளாய் வந்து கருத்து சொன்ன நாகாராம் உங்களுக்கும் என் நன்றிகள்

நிச்சயமாக தர்மம் இறைவனின் கோபத்தை தணித்து விடும் .தீய மரண்த்தைத் தடுத்து விடும்.

எனது கவிதையை வெளியிட்ட அட்மின் அவர்களுக்கு ,என் மனமார்ந்த நன்றிகள்......

பூங்காற்று கவிதைகள் அழகாக உள்ளன...////விழிநீர் மெல்ல
கன்னம் நனைத்த போது
உந்தன் விரல் நீண்டது
அதை துடைத்துச் செல்ல/// எனக்கு பிடித்த வரிகள்......வாழ்த்துக்கள் பூங்காற்று.....

"Piranthathu vazhvatharkaga, vazhvathu anbirkaga"

உங்க கருத்துக்கும் ,உங்க அன்பிற்க்கும் என் மனமார்ந்த நன்றிகள் நாகா ராம்......

"Piranthathu vazhvatharkaga, vazhvathu anbirkaga"

அன்பு பூங்காற்று,

சமூகத்தின் மீது உங்களுக்கு இருக்கும் அன்பான அக்கறை, உங்கள் கவிதைகளில் நயமாக வெளிப்பட்டிருக்கிறது.

பாராட்டுக்கள், வாழ்த்துக்கள்!!

அன்பு சங்கீ செந்தில்

வழக்கம் போலவே சுருக்கமான, பளிச் கவிதைகள்!

பாராட்டுக்கள், வாழ்த்துக்கள்

அன்புடன்

சீதாலஷ்மி

சீதாலக்‌ஷ்மி அம்மா உங்கள் அன்பான பாராட்டுக்களுக்கு என் பணிவான நன்றிகள்.

நிச்சயமாக தர்மம் இறைவனின் கோபத்தை தணித்து விடும் .தீய மரண்த்தைத் தடுத்து விடும்.

//நான் அழுத போது நீ உன்
இன்பம் மறந்தாய்,
நான் சிரித்த போது நீ உன்
துன்பம் மறந்தாய்.//

நட்பின் நெருக்கத்தை மிக அழகாக உணர்த்திய வரிகள். வாழ்த்துக்கள் பூங்காற்று

வாழ்க்கை வாழ்வதற்கே! இல்லாததை, கிடைக்காததை நினைத்து ஏங்கி வீணடிப்பதற்கு அல்ல!

சங்கீதா, மெல்லிய காதல் உணர்வுகளை சுருங்கிய வரிகளில் அருமையாக வெளிப்படுத்தியிருக்கீங்க. வாழ்த்துக்கள்

வாழ்க்கை வாழ்வதற்கே! இல்லாததை, கிடைக்காததை நினைத்து ஏங்கி வீணடிப்பதற்கு அல்ல!

கவிசிவா உண்ர்வுபூர்வமான உங்கள் பாராடுக்களுக்கு என் அன்பார்ந்த நன்றி, நட்பு என்றால் அப்படித்தான் இருக்க வேண்டும் நான் அப்படித்தான் இருக்கிறேன். என் தோழிக்காக நான் சோகத்தை மறைது சிரிக்க முயன்றாலும் கண்டுபிடித்து விடுவால். சுகம் சோகம் எல்லாம் பகிர்ந்து வாழ்வதுதான் உண்மை நட்பு அது எனக்கு கிடைத்திருப்பதில் மிக சந்தோசப்படுகிறேன்.

நிச்சயமாக தர்மம் இறைவனின் கோபத்தை தணித்து விடும் .தீய மரண்த்தைத் தடுத்து விடும்.

ஹாய் பூங்காற்று,

அழகான மூன்று கவிதைகள்,பாராட்டுக்கள் பூங்காற்று.

சில பொழுதாவது,கவிதையில் உங்கள் சமூக அக்கறை வெளிப்படுகிறது தோழி.

//இன்னல்கள் இம்சைகள்
இல்லாமல் வாழ்வில்
இன்பங்கள் என்பது
இல்லையம்மா...//

உண்மையான வரிகள்,அருமையா எழுதியிருக்கீங்க பூங்காற்று.

ப்ரியமானவளே,அழகான ஒரு நட்பை சிறப்பாக சொல்லியிருக்கீங்க,பாராட்டுக்கள்.

///நானும் நீயும் இருவேறு திசைகளில்..........
ஆனாலும் இருவர் நினைவுகளும்
என்றும் ஒரே திசையில்///

நான் மிகவும் ரசித்த வரிகள்,பாராட்டுக்கள் தோழி.

அன்புடன்
நித்திலா

ஹாய் சங்கீ,

எப்படி இருக்கீங்க?சமையலிலும் அசத்த ஆரம்பிச்சுட்டீங்களா,உங்க குறிப்பு

பார்த்தேன்,வாழ்த்துக்கள்டா.

அழகான நட்சத்திரங்களை கோர்த்தது போல் ஒரு கவிதை தொகுப்பு,ஒவ்வொரு

கவிதையும் ஒவ்வொரு வகையில் அழகு சங்கீ,பாராட்டுக்கள் சங்கீ.

//மழையே....
நீ
போனபின்னும்
கண்ணீர்
வடிக்க
என்னை போல,
இந்த
இலைகளும்
காதலிகளாய்...// ரொம்ப அழகா எழுதியிருக்கீங்க சங்கீ,ரசித்து படித்தேன்.

//தாமரை
இலைகள்
சத்தமில்லாமல்
விற்றுக்கொண்டிருக்கின்றன ....
மழை நீர்
முத்துக்களை
சூரியனுக்கு// வியாபாரம்,கவிதையும் அழகாயிருக்குடா,எனக்கு பிடித்த கவிதைகள் இவை சங்கீ.

வாழ்த்துக்களும்,பாராட்டுக்களும் சங்கீ.

அன்புடன்
நித்திலா

தோழி நித்திலா உங்களுக்கு கவிதையில் உள்ள ஈடுபாடு உங்கள் வரிகளில் தெரிகின்றது,,,,,,,,,உங்கல் பாராட்டுக்களுக்கு மிக்க நன்றி, உங்கள் கவிதைகளையும் நீண்ட நாட்களாய் காணவில்லை. எதிர்பார்த்திருக்கிறோம் அனுப்பி வையுங்கள்.

நிச்சயமாக தர்மம் இறைவனின் கோபத்தை தணித்து விடும் .தீய மரண்த்தைத் தடுத்து விடும்.

//மழையே....
நீ
போனபின்னும்
கண்ணீர்
வடிக்க
என்னை போல,
இந்த
இலைகளும்
காதலிகளாய்..........சங்கீதாஇந்த வரிகள் எனக்கும் மிகவும் பிடித்த வரிகள்.
சொட்டுச்சொட்டாய் அன்பை அழகாய் சொல்லியிருக்கீங்க.

நிச்சயமாக தர்மம் இறைவனின் கோபத்தை தணித்து விடும் .தீய மரண்த்தைத் தடுத்து விடும்.

பூங்காற்று இரண்டு கவிதைகளும் மிக அருமை வாழ்த்துக்கள்
பிரியமானவளே எனக்கு ரொம்ப பிடிச்சதுப்பா எல்லா வரிகளும் :)

சங்கீ உங்க கவிதைகள் அனைத்தும் மிக அருமை வாழ்த்துக்கள்.

நட்புடன்,
சுவர்ணா விஜயகுமார் :)

இதுவும் கடந்து போகும்.

ஸ்வர்ணா உங்க அன்பான வாழ்த்துக்களுக்கு நன்றிகள். நல்ல தோழி அமைவதும் வரம்தான் என் தோழி எனக்கு அப்படி அமைஞ்சிருக்கா அவளுக்காக எழுதியதுதான், நட்பின் நினைவுகள் என்றும் சுகம்தான், “பிரிந்து போன காதலை கேட்டால் கனவில் கூட ரண்மாய் கொல்லும் பிரிந்து போன நட்பைக்கேட்டால் பசுமையான கதைகள் சொல்லும்,” பாடல் வரி சரியா தெரியல்ல.

நிச்சயமாக தர்மம் இறைவனின் கோபத்தை தணித்து விடும் .தீய மரண்த்தைத் தடுத்து விடும்.

really beautiful

உங்க கருத்துக்கு மிக மிக நன்றி சீதாலஷ்மி...

கவி சிவா உங்க கருத்துக்கு மிக்க நன்றி பா...

அன்புத்தோழி நித்திலா,
நான் நல்ல இருக்கேன் பா...நீங்க எப்படி இருக்கிங்க...என் முதல் சமையல் குறிப்பு வந்தது... பார்த்தீங்களா? ரொம்ப நன்றி பா...

கவிதையை ரசித்ததோடு இல்லாமல் அதை குறிப்பிட்டு பாராட்டியமைக்கு மிக்க நன்றி....

பூங்காற்று,
உங்க ரசனைக்கும்,கருத்துக்கும் மிக்க நன்றிப்பா...

ஸ்வர்ணா
உங்க வாழ்த்துக்கு மிக்க நன்றி பா....

"Piranthathu vazhvatharkaga, vazhvathu anbirkaga"

உங்க கருத்துக்கு மிக்க நன்றி பா...

"Piranthathu vazhvatharkaga, vazhvathu anbirkaga"

பூங்காற்று உங்க கவிதைகள் அருமையா இருக்கு..பிரியமானவளே ரொம்ப பிடிச்சிருக்கு நிஜமாவே நீங்க நட்பணி பக்கமா

வாழ்த்துக்கள்..பூங்காற்று

சங்கீதா,உங்க கவிதைகள் அத்தனையும் அழகு..மழையும் காதல் மழையும் எனக்கு மிகவும் பிடித்தது..
வாழ்த்துக்கள் சங்கீதா

புரியாத பிரியம் பிரியும் போது புரியும்.

உங்க பாராட்டுக்களுக்கு மிக நன்றி. ஆமா நான் எப்பவும் நட்புக் கூட்டணிதான்.

நிச்சயமாக தர்மம் இறைவனின் கோபத்தை தணித்து விடும் .தீய மரண்த்தைத் தடுத்து விடும்.

Sangeetha unga kavithaigal arumaiyaga ulathu.

சுமதி உங்கள் வாழ்த்துக்கு மிக்க நன்றி ....

"Piranthathu vazhvatharkaga, vazhvathu anbirkaga"