தக்காளி பருப்பு பச்சடி

வழங்கியவர் : CHITHRA DURAI

தேதி : Sat, 19/08/2006 - 13:53

ஆயத்த நேரம் : 10 நிமிடங்கள்

சமைக்கும் நேரம் : 25 நிமிடங்கள்

பரிமாறும் அளவு : 5 நபர்களுக்கு

தக்காளி – கால் கிலோ

வெங்காயம் – இரண்டு

பச்சை மிளகாய் – ஆறு

துவரம் பருப்பு – நூறு கிராம்

எண்ணெய் – இரண்டு டேபிள் ஸ்பூன்

கடுகு, உளுத்தம் பருப்பு – ஒரு டேபிள் ஸ்பூன்

வரமிளகாய் - இரண்டு

சோம்பு – கால் டீஸ்பூன்

கறிவேப்பிலை – இரண்டு கொத்து

மல்லி இலை – இரண்டு டேபிள் ஸ்பூன்

உப்பு – ஒன்றரை டீஸ்பூன்

அரைக்க:

சோம்பு – அரை டீஸ்பூன்

சீரகம் – அரை டீஸ்பூன்

மஞ்சள் பொடி – அரை டீஸ்பூன்

பூண்டு – ஒரு பல்

பருப்பை இருநூறு மில்லி தண்ணீரில் மலர வேக வைக்கவும். வெங்காயத்தை நீளமாகவும், பச்சை மிளகாயை வாய் பிளந்தும் வைக்கவும்.

தக்காளிகளை சிறிய துண்டுகளாக நறுக்கவும். அரைக்க வைத்துள்ளவற்றை விழுதாக அரைக்கவும்.

அடுப்பில் கடாயை வைத்து ஒரு டேபிள் ஸ்பூன் எண்ணெய் ஊற்றி சோம்பு போட்டு வெடித்ததும் வெங்காயம், பச்சை மிளகாய் சேர்த்து வதக்கவும்.

நன்கு வதங்கியதும் தக்காளி, உப்பு சேர்த்து எண்ணெய் பிரியும் வரை வதக்கவும்.

பிறகு வேக வைத்த பருப்பு, அரைத்த விழுது சேர்த்து மிதமான தீயில் பத்து நிமிடம் கொதிக்க விடவும்.

பிறகு இறக்கி மீதமுள்ள எண்ணெயில் கிள்ளிய வரமிளகாய், கடுகு, உளுத்தம் பருப்பு, கறிவேப்பிலை தாளித்து கொட்டி, மல்லி இலை தூவி மூடவும்.

Note:

இந்தப் பச்சடி சப்பாத்திக்கு தொட்டுக் கொள்ளவும், சாதத்தில் பிசைந்து சாப்பிடவும் மிக நன்றாக இருக்கும்.