www.arusuvai.com

செய்முறை

• புளியை நானூறு மிலி தண்ணீரில் ஊற வைத்து வடிகட்டவும்.
• வாழைக்காயில் அடியையும் நுனியையும் லேசாக நறுக்கி விட்டு நீளத்தில் நான்காக பிளந்து அரை அங்குல கணமான துண்டுகளாக குறுக்கில் நறுக்கி தண்ணிரில் போட்டு வைக்கவும். (தோல் நீக்க வேண்டாம்)
• சி. வெங்காயத்தை தோலுரித்து குறுக்கில் இரண்டாக நறுக்கி வைக்கவும்.
• பெ. வெங்காயம் , தக்காளியை நறுக்கவும்.
• கடாயை அடுப்பில் வைத்து ஒரு டேபிள் ஸ்பூன் எண்ணை ஊற்றி பெ. வெங்காயத்தை போட்டு வதக்கி, பின் தக்காளியை சேர்த்து எண்ணை பிரியும் வரை வதக்கி விழுதாக அரைக்கவும்.
• வாணலியை அடுப்பில் வைத்து மீதமுள்ள எண்ணை ஊற்றி சோம்பு, வெந்தயம் தாளித்து சி.வெங்காயம் சேர்த்து நன்கு வதக்கவும்.
• பின் கறிவேப்பிலை போட்டு ஒரு நிமிடம் கழித்து ம. பொடி, மல்லிப் பொடி, மிளகாய்ப் பொடி சேர்த்து வதக்கவும்.
• பொடிகளின் பச்சை வாடை போனதும் உப்பு, அரைத்த விழுது, புளிக் கரைசல் சேர்த்து கொதிக்க விடவும்.
• ஐந்து நிமிடம் கழித்து வாழைக்கய் துண்டுகளைப் போட்டு மேலும் பத்து நிமிடம் கொதிக்கவிட்டு பூண்டு தட்டிப் போடவும்.
• நன்கு கொதித்து கெட்டியானதும் இறக்கவும்.