ரசகுல்லா
வழங்கியவர் : CHITHRA DURAI
தேதி : ஞாயிறு, 20/08/2006 - 14:34
ஆயத்த நேரம் : 10 நிமிடங்கள்
சமைக்கும் நேரம் : 30 நிமிடங்கள்
பரிமாறும் அளவு :
- பால் – ஒரு லிட்டர்
- சீனி – நானூறு கிராம்
- மைதா – இரண்டு டேபிள் ஸ்பூன்
- ஏலக்காய் – ஐந்து
- ரோஸ் எசன்ஸ் – இரண்டு சொட்டு
- சிறிய எலுமிச்சம்பழம் – ஒன்று
- ஏலக்காயை தோலுரித்து பொடிக்கவும். எலுமிச்சையை நறுக்கி சாறு பிழிந்து வைக்கவும்.
- பாலை அடிகனமான பாத்திரத்தில் ஊற்றி காய்ச்சி கொதிக்க ஆரம்பித்ததும் எலுமிச்சைச்சாறு கலக்கவும்.
- பால் திரிந்ததும் இறக்கி ஒரு துணியில் தண்ணீர் முழுவதையும் வடிகட்டவும்.
- பனீரை தனியாக எடுத்து மைதா, ஏலப்பொடி சேர்த்து கலவை மெதுவாக ஆகும்வரை பிசைந்து, சிறிய சிறிய உருண்டைகளாக உருட்டவும்.
- சீனியில் இரண்டு டம்ளர் (நானூறு மிலி) தண்ணீர் விட்டு கொதிக்க வைக்கவும்.
- பாகு கொதிக்க ஆரம்பித்ததும் உருண்டைகளைப் போட்டு பனிரெண்டு நிமிடங்கள் வேக விடவும் (மூன்று நிமிடங்களுக்கு ஒரு முறை லேசாக தண்ணீர் மேலே தெளிக்கவும்).
- பின் கீழே இறக்கி ரோஸ் எசன்ஸ் கலந்து ஆற வைத்து ஃப்ரிட்ஜில் வைத்து பின் பரிமாறவும்.
- கருத்து தெரிவிக்கஉள்நுழைக அல்லது பெயர்ப்பதிவு செய்க.
- அச்சிடுவதற்கு ஏற்ற பக்கம்
not good