ரவா புளி உப்புமா

தேதி: September 5, 2006

பரிமாறும் அளவு: 6 நபர்களுக்கு

ஆயத்த நேரம்: 10 நிமிடங்கள்

சமைக்கும் நேரம்: 30 நிமிடங்கள்

மொத்த நேரம்: 40 நிமிடங்கள்

No votes yet

 

ரவை - அரை கிலோ
வரமிளகாய் - மூன்று
கடுகு, உளுத்தம் பருப்பு - ஒரு டீஸ்பூன்
கடலைப்பருப்பு - ஒரு டேபிள் ஸ்பூன்
புளி - ஒரு சிறிய எலுமிச்சையளவு
கறிவேப்பிலை - இரண்டு கொத்து
உப்பு - ஒரு டீஸ்பூன்
மஞ்சள் பொடி - அரை டீஸ்பூன்
வறுத்து பொடிக்க:
வெந்தயம் - கால் டீஸ்பூன்
பெருங்காயம் - ஒரு சிட்டிகை


 

வரமிளகாயை கிள்ளி வைக்கவும். வெந்தயம், பெருங்காயத்தை வாசனை வர வறுத்து நன்றாக பொடித்து வைக்கவும்.
புளியை ஊற வைத்து கரைத்து வடிகட்டி முக்கால் லிட்டர் கரைசலாக கரைத்து உப்பு, மஞ்சள் பொடி சேர்த்து கொதிக்க விடவும்.
புளி கொதிக்கும் நேரத்தில் மற்றொரு அடுப்பில் கடாயை வைத்து எண்ணெய் ஊற்றி கடுகு, உளுத்தம் பருப்பு, கடலைப்பருப்பு, கிள்ளிய வரமிளகாய் தாளித்து கறிவேப்பிலை சேர்த்து, ரவையை போட்டு நன்றாக வதக்கவும்.
ரவை நன்றாக வதங்கி வாசனை வந்ததும் அடுப்பை சிம்மில் வைத்து விட்டு கொதிக்கும் புளிக்கரைசலை எடுத்து ஊற்றவும்.
கட்டி தட்டாமல் நன்றாக கிளறி ரவை வெந்ததும் பொடித்து வைத்துள்ள பொடி சேர்த்து இரண்டு நிமிடம் கிளறி இறக்கவும்.


மேலும் சில குறிப்புகள்