ப்ராக்கலி ஃப்ரிடாட்டா

தேதி: March 6, 2013

பரிமாறும் அளவு:

ஆயத்த நேரம்: 10 நிமிடங்கள்

சமைக்கும் நேரம்: 30 நிமிடங்கள்

மொத்த நேரம்: 40 நிமிடங்கள்

5
Average: 5 (4 votes)

 

ப்ராக்கலி பூக்கள் - 2 கப்
முட்டை - 6
துருவிய சீஸ் - 1/3 கப்
சிகப்பு வெங்காயம் - ஒன்று (நடுத்தர அளவு)
ஆலிவ் எண்ணெய் - 2 தேக்கரண்டி
மிளகுத் தூள் - அரை தேக்கரண்டி
உப்பு - தேவைக்கேற்ப‌


 

வெங்காய‌த்தை பொடியாக‌ ந‌றுக்கி வைக்க‌வும். ப்ராக்க‌லி பூக்க‌ளை சுத்த‌ம் செய்து ஆவியில் வேக‌ வைத்து சிறிய துண்டுகளாக நறுக்கி வைக்கவும். ஒரு பாத்திரத்தில், 4 முட்டைகளை உடைத்து ஊற்றவும். அதனுடன் மற்ற இரண்டு முட்டைகளின் வெள்ளைக்கருவை மட்டும் சேர்த்து சிறிது உப்பு, மிளகுத் தூள் கலந்து அடித்து வைக்கவும்.
ஒரு வாயகன்ற இரும்பு (Cast Iron Skillet) தவாவில் எண்ணெயை விட்டு சூடாக்கவும். வெங்காயம் போட்டு சில நிமிடங்கள் வதக்கவும்.
பின் ப்ராக்கலி துண்டுகளை சேர்த்து வதக்கவும். ஏற்கனவே வெந்திருப்பதால், ப்ராக்கலி சிறிது வதங்கினாலே போதுமானது.
வெங்காயம் மற்றும் ப்ராக்கலி கலவையை பரவலாக வைத்து, அதன் மேல் கலக்கி வைத்திருக்கும் முட்டை கலவையை காய்களின் மேல் முழுவதும் படுமாறு பரவலாக ஊற்றவும்.
அடுப்பை மிதமான தீயில் வைக்கவும். சுமார் ஒரு 5 - 7 நிமிடங்களில், ஓரம் கெட்டியாகவும், நடுவில் கொஞ்சம் நீர்ப்பதமாகவும் இருப்பதுப்போல தெரியும்போது, துருவிய சீஸ் தூவி விடவும். விருப்பப்பட்டால் மேலும் சிறிது மிளகுத் தூள் தூவலாம்.
பின்னர் அவனை ப்ராய்ல் (Broil) செட்டிங்கில் வைத்து, இந்த பேனை அதில் வைத்து, சீஸ் உருகி மேற்பரப்பு கெட்டிப்பட ஆரம்பமாகும் போது வெளியே எடுத்துவிடவும்.
பிறகு துண்டுகள் போட்டு பரிமாறவும். சுவையான ப்ராக்கலி ஃப்ரிடாட்டா (Broccoli Frittata) தயார்.

ஃப்ரிடாட்டா (Frittata) ஒரு இத்தாலியன் உணவு வகையாகும். வழக்கமாக முட்டையுடன் காய்கறிகள், இறைச்சி, சீஸ் சேர்த்து செய்யும் ஒரு வகை தடிமனான ஆம்லெட் வகை இது. ப்ராக்கலியை ஸ்டீம் குக் செய்யும்போது அதிகமாக வேக‌ விடாமல், அளவாக வெந்து அதன் பசுமை நிறம் மாறாமல் இருக்கும்போதே எடுத்துவிடவும். அப்போதுதான் அதன் க்ரிஸ்ப்பினெஸ் போகாமல் சுவையாக இருக்கும். ப்ராய்ல் மோடில் வைத்து எடுக்கும்போது கவனமாக அருகில் இருந்து எடுக்கவும். அவனில் வைத்த ஃப்ரிடாட்டா செட் ஆக மிகச் சில நிமிடங்களே தேவைப்படும்.


உறுப்பினரது அண்மைக் குறிப்புகள்

இணையான குறிப்புகள்


Comments

ஹைய்யா... பேக் வித் ப்ரோக்கலி ;) சூப்பர். குட்டீஸ் ஸ்பெஷல்... அருமையா செய்திருக்கீங்க.

துணிந்தவர் தோற்றதில்லை!!
தயங்கியவர் வென்றதில்லை!!

அன்புடன்,
வனிதா

நல்லா இருக்கு செய்துட்டு சொல்கிறேன்.

(இறைவா!)உன்னையே நாங்கள் வணங்குகிறோம்; உன்னிடமே நாங்கள் உதவியும் தேடுகிறோம்.

சுஸ்ரீ அருமையா இருக்கு குறிப்பு கண்டிப்பா முயற்சிக்கிறேன்....வாழ்த்துக்கள்:)

செயற்கரிய செய்வார் பெரியர் சிறியர்
செயற்கரிய செய்கலா தார். (26)

அன்புடன்
அருள் சிவம்.

விருப்பபட்டியலில் போட்டிருக்கேன். கண்டிப்பா செய்வேன் விரைவில் . ப்ராக்கலி ப்ரியைக்கு வாழ்த்துக்கள்.:-)

சொல்லுக சொல்லிற் பயனுடைய சொல்லற்க
சொல்லிற் பயனிலாச் சொல்.

ஜெயந்தி

நல்ல சத்தான குறிப்பு.நான் கொஞ்சம் பாலும் சேர்த்து ஸ்பினாச் ஃப்ரிடட்டா செய்வேன்.ப்ராக்கலில செய்து பார்கிறேன்.வாழ்த்துக்கள் :)

Kalai

சுஸ்ரீ அக்கா அருமையானா குறிப்பு ரொம்ப அழகா இருக்கு படங்களலாம் ப்ராக்கலி ஃப்ரிடாட்டா நல்ல டிஷ் அக்கா

கனிமொழி -----

விழிகளை காயபடுத்தும் கண்ணீர் வேண்டும் அப்போதுதான் நம் கண்ணீர் துடைக்கும் கரங்கள் யாருடையது என்பது நமக்கு தெரியும்

சுஸ்ரீ மீண்டும் ப்ராக்கலியோட வந்தாச்சா சூப்பர்ங்க ரொம்ப நல்லாருக்கு வாழ்த்துக்கள் :)

நட்புடன்,
சுவர்ணா விஜயகுமார் :)

இதுவும் கடந்து போகும்.

அருமைங்க, எப்பிடி இப்பிடி எல்லாம் அசத்தலான குறிப்பு கண்டு பிடிக்கிறீங்க.. எனக்கு இங்க சலிசா கிடைக்கிறதே ஃப்ரக்கோலி தான், அடுத்த முறை வாங்கினதும் செய்துடரேன்... வாழ்த்துக்கள்...:)

விழுவதெல்லாம் எழுவதற்க்குத்தானே தவிர அழுவதற்காக அல்ல..:)
என்றும் அன்புடன்
சுமி....

இப்படியும் செய்யலாமா ஈசியா இருக்கு பா செய்து பார்க்கிறேன்.. வாழ்த்துக்கள்.

என்றும் அன்புடன்.....

•´ ¸.•*´¨) ¸.•*¨)
(¸.•´ (¸.•* குமாரி ♥♥♥...♪♪♪

சுஸ்ரீ,

சூப்பர் ஹெல்தி..
வாழ்த்துக்கள்

என்றும் அன்புடன்,
கவிதா

நான் செய்து சுவைத்து படம் கூட FB யில் போட்டுவிட்டேன். கலக்கல் சுவை. நன்றி.

சொல்லுக சொல்லிற் பயனுடைய சொல்லற்க
சொல்லிற் பயனிலாச் சொல்.

ஜெயந்தி

செய்தாச்சு ஃப்ரிடாட்டா..நல்ல சுவை.நல்ல குறிப்புக்கு நன்றி.

Kalai

2 times seithaachu superb taste thanks

குறிப்பை வெளியிட்ட‌ அறுசுவை அட்மின் & குழுவிற்கு மிக்க‌ ந‌ன்றி!

தோழிகளே,
வெகுதாம‌த‌மான‌ ந‌ன்றி ந‌விலல். என்ன‌ செய்ய‌?! எப்ப‌டியோ போன 2,3 வாரங்களும் மிகுந்த வேலைப்ப‌ளு, அத‌ன் கார‌ண‌மாக உடனே வ‌ர‌ இய‌ல‌வில்லை. ஹிஹி.. ஹி... அட்ஜ‌ஸ்ட் ப‌ண்ணிக்கோங்க‌... :)

--
வ‌னி,
எப்ப‌வுமே என் குறிப்பில் முத‌ல் ப‌திவு உங்க‌ளோட‌துதான். தேங்க்ஸ் ஃபார் தெ வார்ம் வெல்க‌ம்! :) ஆமாம் வனி, என் வீட்டு குட்டீஸ்க‌ளுக்கும் ரொம்ப‌ பிடித்த‌து, பாராட்டுக்கு ந‌ன்றி!!‍‍

--
முசி,
பாராட்டிற்கு ந‌ன்றி! அப்புற‌ம் செய்து பார்த்திங்க‌ளா?!

--
அருள்,
பாராட்டிற்கும் வாழ்த்துக்க‌ளுக்கும் ந‌ன்றி! செய்துபார்த்தா எப்படி இருந்ததுன்னு சொல்லுங்க‌ அருள்.

அன்புடன்
சுஸ்ரீ

ஜெயந்தி,
விருப்பப்பட்டியலில் சேர்த்திட்டிங்களா, மிக்க மகிழ்ச்சி. பாராட்டிற்கும் ஸ்பெஷல் வாழ்த்துக்க‌ளுக்கும் ரொம்ப ந‌ன்றி! :)

செய்து பார்த்து FB-ல‌யும் போட்டுடிங்க‌ளா?!! (பாருங்க நான் எவ்வளவு ஃபாஸ்ட்! ;‍)) சூப்ப‌ர்,சூப்ப்ப்ர்... கூடியசீக்கிரமே வந்து பார்க்கிறேன். மீண்டும் ந‌ன்றி ஜெயந்தி!

--
க‌லா,
பாராட்டிற்கும், வாழ்த்துக்களுக்கும் மிக்க நன்றி! ஸ்பினாச்ல‌ செய்வ‌தும் ந‌ல்ல‌ ஐடியா. ப்ராக்க‌லி வைத்து செய்துபார்த்து மறக்காம இங்கே வந்து சொன்ன‌த‌ற்கும் ரொம்ப‌ ந‌ன்றி!

அன்புடன்
சுஸ்ரீ

க‌னி
பாராட்டிற்கும் வாழ்த்துக்க‌ளுக்கும் ரொம்ப‌ ந‌ன்றி!

--
சுவ‌ர்ணா
ஆமாங்க‌... அதே அதே! ப்ராக்கலியோடவே வந்திட்டேன்! :) பாராட்டிற்கும் வாழ்த்துக்க‌ளுக்கும் மிக்க‌ ந‌ன்றி!

--
சுமிபாபு
பாராட்டிற்கு ரொம்ப நன்றி! :) இங்கேயும் அதேதான், ப்ராக்க‌லி ந‌ல்லா கிடைக்கும்!! :) அப்புற‌ம் வாங்கினிங்களா?! முடியும்போது செய்துப்பாருங்க‌.

அன்புடன்
சுஸ்ரீ

குமாரி
பாராட்டிற்கும், வாழ்த்துக்களுக்கும் மிக்க‌ ந‌ன்றி! ஆமாம் செய்யலாம், முடியும்போது ட்ரை பண்ணிப்பாருங்க.

--
க‌விதா
பாராட்டிற்கும் வாழ்த்துக்க‌ளுக்கும் ந‌ன்றி!

--
ப‌ர‌கத்
பாராட்டிற்கு மிக்க‌ நன்றி! :) அப்ப‌டியா, இர‌ண்டுமுறை செய்திட்டிங்க‌ளா?! உங்க‌ளுக்கும் டேஸ்ட் பிடித்த‌தில் ரொம்ப‌ சந்தோஷ‌ம். மீண்டும் ந‌ன்றி!

அன்புடன்
சுஸ்ரீ

brocali la puli kulambu senju paarunga... nalla taste kidaikudu...seidu paarthu vittu sollunga