ப்ளாஸ்டிக் எக் ஷெல் ஃபிலக்ரி ஆர்னமெண்ட்

தேதி: June 17, 2013

5
Average: 4.8 (12 votes)

வேலையின் போது மெல்லிய தூசு வரும். மாஸ்க் அணிவது நல்லது. வேலை செய்யும் மேற்பரப்பில் பழைய டவலை விரித்துக் கொண்டால் விழும் தூசை பறக்கவிடாமல் பிடித்துக் கொள்ளும். பிறகு மடித்து வெளியே எடுத்துச் சென்று தட்டிவிடலாம். பொறுமையாக, கவனமாகச் செய்யவேண்டிய வேலை. சற்று கவனம் பிசகினாலும் முட்டை ஓடு மட்டுமல்லாமல் கையும் கெட்டுவிடும். சப்தமும் கொஞ்சம் இருக்கும். இடையூறு இல்லாத, முக்கியமாகக் குழந்தைகள் இல்லாத ஒரு இடத்தில் வசதியாக அமர்ந்துகொண்டு வேலையை ஆரம்பிக்கவும். முக்கியமாக டூல் ஓட்டின் மேல் இருக்கும்போது ஓட்டின் பிடியை விட்டுவிடக் கூடாது. இடைக்கிடையே டூலுக்கு ஓய்வு கொடுக்க வேண்டும். இல்லாவிட்டால் சூடு அதிகரித்து மோட்டார் கெட்டுப்போய்விடும். அதிர்வினால் கை களைத்துவிடும். இடையில் ஓய்வு எடுப்பது நல்லது.

 

ப்ளாஸ்டிக் முட்டை - ஒன்று
என்க்ரேவிங் டூல் கிட் (Engraving Tool Kit)
அரம் - சிறிய செட்
மெக்கானிகல் பென்சில் (2B)
அப் ஐ பெய்ல் (Up Eye Bail) - ஒன்று
ஃபேஸ் மாஸ்க் (Face Mask)
பாக்கிங் ஸ்பாஞ்ச் பாட் (Packing Sponge Pad)

 

ப்ளாஸ்டிக் எக் ஷெல்லில் ஃபிலக்ரி ஆர்னமெண்ட் செய்வதற்கு தேவையான பொருட்களை தயாராக எடுத்து வைக்கவும். ஸ்பாஞ்ச் பாட் முட்டையை நினைத்தது போல பிடித்துக்கொள்ள உதவும். அதே வேளை தூசும் பறக்காமல் இருக்கும். ப்ளாஸ்டிக் முட்டை வாங்கும் போது அனேகமான முட்டையின் முனைகளில் துவாரங்கள் இருக்கும். இல்லாவிட்டால் ஆரம்பத்திலேயே பெய்ல் வைக்கவென ஒரு துளை செய்துகொள்ளவும்.
ஓட்டின் ஒடுங்கிய பகுதியில் சிறிதாக நான்கு இதழ்கள் கொண்ட பூ ஒன்று வரையவும்.
மீதி ஓட்டில் விரும்பியவாறு பூக்கள் இலைகளை வரைந்து கொள்ளவும். ஸ்டென்சில் வரைவது போல ஒவ்வொரு பகுதியும் இணைக்காமல் தனித்தனியாக வரையவேண்டும்.
இதழ்களைவிடச் சிறிதான அளவு ட்ரில் பிட்டைத் தெரிந்துகொண்டு துளைகள் செய்து எடுக்கவும்.
இலைகளுக்கு, சரியான இடங்களைத் தெரிந்து சிறிய பிட் கொண்டு துளை செய்யவும்.
கோள வடிவ டிப் (Sphere Shape Tip) பயன்படுத்தி ஒவ்வொரு துளையையும் தேவையான அளவுக்குப் பெரிதாக்கிக் கொள்ளவும். டூலின் சுழற்சி இயக்கம் துளைகளைப் பெரிதாக்கித் தரும். அழுத்தம் கொடுக்க வேண்டாம்.
இந்த நிலையில் துளைகளை தேவையைவிட சற்று சிறிதாகவே வைத்துக்கொள்ளவும். இலைக்கான துளைகளை பெரிதாக்கவும். முடியுமானால் இணைத்துக்கொள்ளவும்.
இதழ்களின் அகலம் குறைந்த பகுதிகளை முக்கோண அரம் கொண்டு அழகுபடுத்தவும்; அகலமான பகுதிகளை அரை வட்ட வடிவ அரம் கொண்டு தேய்க்கவும்.
இலைகளின் வளைந்த பகுதிகளை உருளை வடிவ அரம் கொண்டு பெரிதாக்கவும். இலை முனையை கூர்முனை டிப் கொண்டு சரிசெய்து, முக்கோண அரம் கொண்டு தேய்க்கவும்.
என்க்ரேவிங் டிப் கொண்டு, கூர்முனைப் பக்கம் வெட்டிய பூவைச் சுற்றி இரண்டு கோடுகள் கொண்ட பெரிய பூ வரையவும்.
கோடுகள் நடுவே உள்ள மேல்பூச்சை மட்டும் கவனமாகச் சுரண்டி எடுக்கவும்.
பூக்களின் அடியில் மீதி உள்ள இடத்தில் நீளமான இலைகள் சுரண்டவும். பூக்கள்தான் பிரதானம்; அவற்றின் அழகு கெட்டுவிடாத விதமாகப் பார்த்து வைக்கவும்.
முட்டையின் அகலமான பகுதியில் காட்டியுள்ளபடி மேலும் நான்கு இலைகள் சுரண்டிக்கொள்ளவும். விரும்பினால் மீதி இடத்தில் சிறு புள்ளிகள் இட்டு நிரப்பலாம்.
ஓடும் நீரில் ஓட்டை அலம்பி, உலர்ந்த பின் துளையில் 'அப் ஐ பெய்ல்' வைத்து இறுக்கவும். (இந்த மாடல் பெய்லுக்கு கொழுக்கி முட்கள் போன்ற அமைப்பு இருப்பதால் க்ளூ செய்யத் தேவையில்லை. ஸ்க்ரூ வகை பெய்லாக இருந்தாலும் ஒட்டத் தேவையிராது. வேறு மாடல் பெய்லானால் சூப்பர் க்ளூ வைத்து ஒட்டிவிடவும்).
அழகிய ப்ளாஸ்டிக் எக் ஷெல் ஃபிலக்ரி ஆர்னமெண்ட் (Plastic Eggshell Filigree Ornament) தயார்.

உறுப்பினரது அண்மைக் குறிப்புகள்

மேலும் சில கைவினைகள்


Comments

ரொம்ப அழகு & அருமைங்க, வாழ்த்துக்கள் :-)

நட்புடன்
குணா

வழக்கம் போல அசத்தலான வேலை :)

துணிந்தவர் தோற்றதில்லை!!
தயங்கியவர் வென்றதில்லை!!

அன்புடன்,
வனிதா

சூப்பர்... இந்தளவுக்கு பொறுமையா,அழகா செய்ய என்னால முடியாது ,செய்து எனக்கு அனுப்பிருங்க ;)

Kalai

ரொம்ப ரொம்ப ரொம்ப அழகு வாழ்த்துக்கள்

வாவ் .. ரொம்பவும் கச்சிதமா செய்திருக்கீங்க இமா வாழ்த்துக்கள்

ரொம்ப அழகா செய்து இருக்கீங்க சூப்பர்ரா இருக்கு வாழ்த்துக்கள்

மிகவும் அழகாக இருக்கிறது இந்த பிளாஸ்டிக் ஏகக் ஆக்லாந்து இல் வங்கு வாங்க முடியும் என்று சொல்கின்றீர்களா

இமாம்மா சூப்பர். ரொம்ப ரொம்ப அழகா இருக்கு.

வாழ்க்கை வாழ்வதற்கே! இல்லாததை, கிடைக்காததை நினைத்து ஏங்கி வீணடிப்பதற்கு அல்ல!

முதலில் பாராட்டுக்கு நன்றி. :-) சஹானாவின் மெஹெந்தி த்ரெட்டில் உங்கள் கேள்வி பார்த்தேன். 2$ Shop பக்கம் போகும்போது பாருங்கள். இரண்டு நிறங்களில் வெவ்வேறு அளவுகளில் கிடைக்கும். சிறிய முட்டைகளானால் ஒரு பாக்கட்டில் $2 க்கு 6 முட்டைகளும் பெரிதானால் குறைந்த எண்ணிக்கையும் இருக்கும்.

‍- இமா க்றிஸ்

குணா, வனி, கலை, தேவி, நிகிலா, Nasreen, கவி - உங்கள் அனைவருக்கும் என் அன்பு நன்றிகள்.

‍- இமா க்றிஸ்