வெல்ல சீடை

தேதி: January 3, 2007

பரிமாறும் அளவு: 9 நபர்களுக்கு

ஆயத்த நேரம்: 10 நிமிடங்கள்

சமைக்கும் நேரம்: 30 நிமிடங்கள்

மொத்த நேரம்: 40 நிமிடங்கள்

No votes yet

 

ஈர அரிசி மாவு : 1டம்ளர்
வெல்லம் :1டம்ளர்
உளுத்தம் மாவு :1மேஜைகரண்டி
வெள்ளை எள் :1தேக்கரண்டி
ஏலக்காய் :3
நெய் :1தேக்கரண்டி
சமையல் எண்ணெய் :200கிராம்


 

ஈர அரிசி மாவு தயாரிக்கும் முறை:
முதலில் தேவையான அளவு பச்சரிசையை தண்ணீரில் சுமார் அரை மணி நேரம் ஊறவைத்து,வடிய விடவேண்டும்.
பிறகு நிழலில் உலர்த்தி காய வைத்து மிஷினில் அரைத்து வைத்துக் கொள்ள வேண்டும்.
அரைத்த மாவை மறுபடியும் ஆறவைத்து எடுத்து வைத்துக் கொள்ளவும். தேவைப்படும் போது உபயோகப் படுத்திக் கொள்ளலாம்.
உளுத்தம் மாவு தயாரிக்கும்முறை:
ஒரு வாணலியில் ¼ டம்ளர் உளுத்தம் பருப்பை சிவக்க வறுத்து பொடி செய்து சலித்து வைத்துக் கொள்ளவும்.
செய் முறை:
ஒரு வாணலியில் ஈரஅரிசி மாவை லேசாக வறுத்துக் கொள்ளவும்.மாவு கோலம் போடும் அளவு வறுக்கவும்.
ஒரு பாத்திரத்தில் ½ டம்ளர் தண்ணீரில் வெல்லத்தை போட்டு கரைய விடவும்
வெல்லம் கரைந்த உடன் தண்ணீரை வடிகட்டி கல்,மண்ணை நீக்கவும்.
வடிகட்டிய தண்ணீரை மறுபடியும் அடுப்பில் வைத்து காய்ச்சவும்.(முற்றிய பாகு வேண்டாம்)
வெல்லம் நன்றாக கரைந்து அடுத்த நிலைக்கு வரும் போது இறக்கி நன்றாக ஆற விடவும்.
நன்றாக ஆறிய வெல்லத்தண்ணீரை வறுத்தெடுத்த அரிசி மாவில் சிறிது சிறிதாக சேர்த்து உருட்டும் பதத்தில் வரும் போது எள்,உளுத்தம் மாவு,நெய் சேர்க்கவும்
சிறிய உருண்டைகளாக உருட்டி 10 நிமிடங்கள் கழித்து மிதமான தீயில் எண்ணெயை சூடாக்கி கொஞ்சம் கொஞ்சமாக போட்டு சிவந்தவுடன் பொரித்து எடுக்கவும்
கிருஷ்ண ஜெயந்திக்கு ஈஸியான வெல்லசீடை தயார்.


வெல்லம் நன்றாக கரைந்தால் போதும். நன்றாக ஆறவைக்க வேண்டும்.

மேலும் சில குறிப்புகள்