சிரியா - நிறைவுப் பகுதி

Bludan Syria


Syria



ஒரு வார இறுதியில் சிரியாவில் இருக்கும் ஒரு சின்ன மலைக்கு போயிருந்தோம். பெயர் ப்லூதான்(Bludan). ஆஹா.... காணக் கண் கோடி வேண்டும்... என்னவென்று சொல்ல இயற்கையின் அழகையும் அற்புதத்தையும்?! பாலைவனத்தின் நடுவே இத்தனை பசுமையான நீர் வளம் மிக்க இடமா??!! இந்த நாடே தோன்றியது அந்த இடத்தின் வளத்தை நம்பி தான் போலும்!!! அத்தனை பசுமை, இயற்கையின் செழிப்பு. பார்க்க அங்கு வேறு என்ன இருக்கு? ஒண்ணுமில்லை. நாங்க இருக்கும் இடத்தில் இருந்து 1 மணி நேர பயணம். காலை சமைத்தோம், எடுத்துக் கொண்டு கிளம்பி ப்லூதான் போனோம். அழகான மலை உச்சிக்கு சென்று தனியே ஒரு இடத்தில், அமைதியான சூழலில் உட்கார்ந்தோம். சுற்றிலும் அழகான மலைகள். அதில் சிலவற்றில் இந்த வெய்யிலிலும் ஸ்நோ. காண வரிகுதிரை போல் அழகாக இருந்தது. ப்லூதானும் அப்படி தான்... குளிர் காலத்தில் இங்கும் ஸ்நோ நிறைய இருக்கும். அதை காணவும், விளையாடவுமே இங்கு நிறைய பேர் வருவார்கள். வெயில் காலத்திலும் அந்த மலை உச்சி சில்லென்று இருந்தது. சில மணி நேரம் அமைதியாய் உட்கார்ந்து இயற்கையை ரசித்துவிட்டு நம்ம ஊர் சாப்பாட்டை ஒரு பிடி பிடிச்சிட்டு கிளம்பினோம். வழி முழுக்க நிறைய உணவு விடுதிகள். அதுவும் ப்லூதானின் ஒரு முக்கிய அம்சம். இங்கு பல சுற்றுலா பயணிகள் வருவதே பல நல்ல அரபு நாட்டு உணவை சுவைக்க தான். வழி முழுக்க பழத்தோட்டம்.... ஆகா ஆப்பிள், ஆரஞ்சு, திராட்சை, செர்ரி, ப்லம்ஸ்.... ம்ம்... அடுக்கிட்டே போலாம்.... அதுவும் செர்ரி பார்க்கவே அழகு. திமாஸ்க்கு உயிராக இருக்கும் பராதா நதி தோன்றுவது இந்த மலையில் இருந்து தான். பார்க்கவே அழகான அந்த மலையை விட்டு வரவே மனமில்லாமல் வந்தோம். :)

நாட்டை விட்டு கிளம்பும் முன் நாங்கள் சுற்றி பார்த்த இடம் "போஸ்ரா"(Bosra). மிகவும் அழகான ரோமன் காலத்து நகரம். நிறைய பழுதாகி இருந்தாலும் இப்போது இருப்பதே மிகவும் பிரம்மாண்டமாக இருக்கும். சிரியாவில் இருக்கும் ரோமன் காலத்து நகரிலேயே இது தான் மிகவும் பெரியது. இதன் முக்கியத்துவம்... மெக்கா செல்லும் மக்களுக்கு முக்கிய பாதையாக இருந்திருக்கிறது. இங்கே காணப்படும் ஆம்பிதேட்டர் தான் இருப்பதிலேயே பெரியது என்றும் சொல்கிறார்கள் (15000 மக்கள் அமரக் கூடியது). மிகவும் அழகான அரங்கம். க்ரூசேட் நடந்த நேரத்தில் இதை பிடிக்க முயற்சி செய்ய கூடாது என்பதற்காக ஆம்பிதேட்டரை சுற்றிலும் கோட்டை அமைக்க பட்டிருக்கிறது. ரோம் காலத்து நகரம் இடிபட்டு இருந்தாலும், இந்த கோட்டையும் ஆம்பிதேட்டரும் இன்றும் அட்டகாசமாக நிற்கிறது. போஸ்ரா சுற்றி இருக்கும் பல சின்ன ஊர்களில் இன்றும் இடை இடையே பழைய ரோம் காலத்து நகரின் வேலைப்பாடுகளை காண முடியும். இந்த நகருக்குள் ரோமன் பாத்கள், மசூதிகள் எல்லாம் இன்றும் அழகாக இருக்கும்.

அடுத்ததாக சிரியா வரும் அனைவரும் விரும்பி போக கூடிய இடம் "லதாகியா"(Latakia). இது ஒரு கடலோர பகுதி. அழகான பீச் தான் இதன் சிறப்பு. இது அலெப்போ நகருக்கு அருகே உள்ளது. இதன் அருகே இருக்கும் முக்கியமான இடம் "சலாஹுதின் கோட்டை". நம்ம சலாஹுதின் போகாத இடமே இல்லை, பிடிக்காத ஊரே இல்லை. ஒரு மலை உச்சியில் மிக பிரம்மாண்டமான கோட்டை இது. லதாக்கிய போகும் அனைவரும் பார்த்து ரசிக்க வேண்டிய அழகான வரலாற்று சிறப்பு மிக்க இடம்.

இதைவிடவும் அழகான (சினிமா'ல பார்க்கிற மாதிரி லொகேஷன்) வேணும் என்றால் போக வேண்டிய இடம் லதாகியா அருகே இருக்கும் "கசப்" (Kassab) தான். அழகான மலை பகுதி... ஆனால் சில இடங்களில் கடல் மட்டத்தை தொடும்.... அங்கு காண அழகான பீச்.... பார்க்கவே பிரமிப்பாக இருக்கும். வெயில் காலத்தில் ப்லூதான் போல் இங்கு இருக்கும் மக்களுக்கு ஊட்டி இது தான்.

-முற்றும்-

Comments

அழகான படங்களுடன் அழகான ரசனையொட எழுதி முடிச்சிட்டிங்க. முடிந்தது வருத்தம். இன்னும் பல பயணங்கள் எழுதி தொடர வாழ்த்துக்கள்.

Be simple be sample

வனி சிரியா பத்தி நீங்க சொல்லியிருக்கிரத பார்த்தா அதன் அழகை எவ்வளவு ஆழமா ரசிச்சி அதனை ரசனையோடு அழகாக சொல்லியிருகீங்க வாழ்த்துக்கள்

உங்கள் சிரியா அனுபவம் முழுவதையும் நான் காபி செய்து வைத்து இருக்கிறேன். ஒரு அழகான‌ புத்தகம் போல ப‌டிக்கும் போதெல்லாம் இனிய‌ உணர்வு ஏற்படுகிறது. உங்கள் அழகான‌ எழுத்து நடை தொடர்ந்து படிக்க‌ தூண்டுகிறது. உங்கள் அனுபவங்களை புத்தகமாக‌ எழுத‌லாமே! அடுத்தடுத்த‌ நாடுகள் பற்றி நீங்கள் எழுதுவதைப் படிக்க‌ ஆவலோடு காத்திருக்கிறேன். : )
அன்புடன்
தயூ

நல்லது செய்த லாற்றீ ராயினும்
அல்லது செய்த லோம்புமின்!!!

படங்கள் எல்லாமே கொள்ளை அழகா பார்க்கத் தூண்டும் விதமா இருக்கு.
அழகா கோர்வையா சொல்லி நல்லா சுற்றிக் காட்டினீங்க‌.
//அழிப்பது எளிது... மீண்டும் உருவாக்குவது இயலாத ஒன்று.// உண்மை தான் வனி. உருவாக்க‌ இயலாதவர்க்கு அழக்க உரிமையும் இல்லை. இருப்பதைப் பாதுகாத்து பொக்கிஷமாக‌ வைக்கணும்.
அருமையான‌ தொடர். நிறைவு.
இன்னும் அடுத்த‌ தொடருக்கு காத்திருக்கிறோம்:)

இந்த‌ ப்லூதான்(Bludan) பற்றி படிக்கும்போது, எகிப்தின் நைல் நதி ஞாபகத்துக்கு வருது.....ஃபோட்டோவைப் பார்க்கும்போதே தெரிகிறது எவ்வளவு பசுமையாக‌ இருந்திருக்கும் என்று!

அடுத்த‌ ஃபோட்டோவில் இருக்கும் ஆம்பிதியேட்டரும் அருமையாக‌ இருக்கு.....எத்தனை விதமான‌ Technical வசதிகளுடன் எவ்வளவு பெரிய‌ பெரிய‌ தியேட்டர்கள் வந்தாலும், இந்த‌ வரலாற்று சிறப்பு மிக்க‌ ஆம்பிதியேட்டர்கள் தான் சிறப்பு இல்லையா?

///அன்று நான் ரசித்த சிரியாவின் அழகு இன்று இல்லை. சில படங்களுக்காக தேடும் போது இன்றைய நிலையை காணவும் மனம் பதறுகின்றது. நாடு, மதம், பவர் என எந்த காரணத்துக்காக நடந்தாலும் நடக்கும் அழிவுகள் மகிழ்ச்சி அளிப்பதில்லை.// மனிதர்களை கொன்று, இயற்கையை அழித்து,வரலாற்று சின்னங்களை நாசம் செய்து இவர்கள் எந்த‌ சுவர்க்கத்தை அடைய‌ பாடுபடுகிறார்களோ! தெரியவில்லை?

மேலும் வரவிருக்கும் உங்கள் பயணக் கட்டுரைகளைப் படிக்க‌ ஆர்வமாக‌ காத்திருக்கிறேன்....

Siriya payanam mudinchathu remba varuthama eruku . adutha payanam eppa?. Fast a adutha country ku kootitu ponga.
Pics ellam remba arumaiya eruku ."parkka kan kodi vendum" unmai than. Ungalala nangalum sernthu parthu rasikirom, thank u.
Adutha payanam thodara waiting........

.

ரம்யா ஜெயராமன்

சிரியா நாட்டைப்பற்றி நன்கு தெரிந்து கொள்ளும் வகையில் உங்கள் பதிவுகள் அத்தனையும் மிக அருமையாக இருந்தது. இந்தப்பதிவும், படிக்கும்போது சுவாரஸ்யமாக இருந்தது. பதிவில் படங்களை காணும்போது பெரும் பிரம்மிப்பாக இருந்தது. ரொம்ப நன்றிங்க :-)

நட்புடன்
குணா

வனி பனிபடர்ந்த இடங்களை பார்க்க பார்க்க அழகா இருக்கு :) அந்தந்த இடத்தின் வரலாற்று சிறப்புகளையும் அழகுற எடுத்துக்கூறி இருக்கீங்க. நல்லதொரு இனிமையான, மனதுக்கு நிறைவான பயணக்கட்டுரை. அடுத்த பயணத்திற்கு ஆயத்தமாகிட்டேன். விரைவில் எழுதுங்க, வாழ்த்துக்கள் வனி :)

//அழிப்பது எளிது... மீண்டும் உருவாக்குவது இயலாத ஒன்று. // முற்றிலும் உண்மை :(

செயற்கரிய செய்வார் பெரியர் சிறியர்
செயற்கரிய செய்கலா தார். (26)

அன்புடன்
அருள் சிவம்.

எங்கையோ காணாம போக வேண்டிய மன்ற இழையை ஒரு பகுதியா கொண்டு வந்து அதுக்கு நல்ல ரீடர்ஸையும் மீண்டும் கிடைக்க வெச்சது நீங்க தான். அழகான படங்களோடு ஒவ்வொரு முறையும் பகுதிகளா வந்த போது நான் மீண்டும் சிரியாவை நேரில் பார்த்த உணர்வு, மிகுந்த மகிழ்ச்சி அளித்தது. நன்றி நன்றி... மனமார்ந்த நன்றி :)

துணிந்தவர் தோற்றதில்லை!!
தயங்கியவர் வென்றதில்லை!!

அன்புடன்,
வனிதா

முடிஞ்சுருச்சேன்னு எனக்குமே வருத்தம் தான் :) என்ன பண்ண... ஒரு பகுதியை எவ்வளவு நாள் நாமே எழுத முடியும்? மற்றவர்கள் எழுதி அந்த புது இடங்கள் பற்றியும் தெரிஞ்சுக்கணும் தானே ரேவ்ஸ் :) மிக்க நன்றி.

துணிந்தவர் தோற்றதில்லை!!
தயங்கியவர் வென்றதில்லை!!

அன்புடன்,
வனிதா

எனக்கு அது தான் புகுந்த வீடு... அதன் அழகை அன்பை நான் ரொம்பவே அனுபவிச்சிருக்கேன், ரசிச்சிருக்கேன். நன்றி நிஷா.

துணிந்தவர் தோற்றதில்லை!!
தயங்கியவர் வென்றதில்லை!!

அன்புடன்,
வனிதா

எனக்குமே இதை புத்தகம் போல செய்து வெச்சுக்க ஆசை, அடிக்கடி எடுத்து பார்க்க தோணும். இப்போதைக்கு தோணும் போதெல்லாம் அறுசுவையை பார்த்து படிக்கிறது உண்டு. இனி எந்த நாடு போவோமோ, எப்ப போவோமோ தெரியாது... போகும் போது ஆரம்பத்தில் இருந்தே நிச்சயம் அறுசுவைக்காக படங்களோடு எல்லாம் பதிவு செய்வேன். புத்தகம்... ம்ஹூம்... நமக்கு அதுல எல்லாம் இண்ட்ரஸ்ட் இல்ல தயூ... ஆனாலும் உங்களுக்கு என் மேல ரொம்ப நம்பிக்கை ;) ஹஹஹா. என் எழுத்துக்கு அங்கீகாரம் இந்த அறுசுவையில் தான் கிடைச்சுது, அறுசுவை தோழிகள் தான் என்னை எழுத தூண்டியது... அதனால் என் பங்களிப்பு எப்பவும் இங்க தான். நன்றி தயூ.

துணிந்தவர் தோற்றதில்லை!!
தயங்கியவர் வென்றதில்லை!!

அன்புடன்,
வனிதா

தொடர்ந்து படித்து கருத்து தெரிவித்து ஊக்கப்படுத்தியமைக்கு மிக்க நன்றி நிகிலா :) அடுத்த ஊர் போகும் போது கட்டாயம் எழுதுவேன் நிகிலா.

துணிந்தவர் தோற்றதில்லை!!
தயங்கியவர் வென்றதில்லை!!

அன்புடன்,
வனிதா

நிச்சயம் DTS எஃபக்ட்டை விட இந்த ஆம்பிதியேட்டர்கள் தான் சுகமானது அனு... அங்க உட்கார்ந்து கலை நிகழ்ச்சிகள் பார்த்த அனுபவம் என்றுமே மறக்காது. நானா நீயா என்ற போட்டி நாட்டையே தும்சம் பண்ணுது... பல உயிர்களை கொண்டு போயிடுச்சு. உயிருக்கே மதிப்பில்லாத இடத்தில் வெறும் சரித்திரம் சொல்லும் கட்டடத்துக்கா மதிப்பிருக்கும்!!!

எப்போது எந்த நாடு போக முடியுமோ... போகும் போது நிச்சயம் ஆரம்பம் முதல் சரியா பதிவு பண்ணி பகிர்ந்துக்குவேன் அனு. மிக்க நன்றி :)

துணிந்தவர் தோற்றதில்லை!!
தயங்கியவர் வென்றதில்லை!!

அன்புடன்,
வனிதா

எனக்கு தொடர் முடிஞ்சதை விட இந்த ஒரு பகுதியில் என்னை தொடர்ந்து ஊக்கப்படுத்தும் உங்கள் பதிவை ரொம்ப மிஸ் பண்ணுவேன் என்று வருத்தம். அவசியம் உங்க பின்னூட்டத்துக்காகவாது அடுத்தடுத்த பயணங்கள் இனிமையானதா பகிர்ந்துக்கணும் :) நன்றி ரம்யா.

துணிந்தவர் தோற்றதில்லை!!
தயங்கியவர் வென்றதில்லை!!

அன்புடன்,
வனிதா

இந்தியாவை விட்டு முதன் முதலில் பார்த்த நாடு... எனக்குமே பிரம்மிப்பும் ஆனந்தமும் தந்த இடம் :) நன்றி குணாங்க.

துணிந்தவர் தோற்றதில்லை!!
தயங்கியவர் வென்றதில்லை!!

அன்புடன்,
வனிதா

மிக்க நன்றி அருள்... நிச்சயம் மீண்டும் ஒரு இனிமையான பயணக்கட்டுரையோடு சந்திப்பேன் :)

துணிந்தவர் தோற்றதில்லை!!
தயங்கியவர் வென்றதில்லை!!

அன்புடன்,
வனிதா

நான் இ்ன்று தான் உங்களின் பயணக் கட்டுரையை படித்து முடித்தேன் மிகவும் நன்றாக இருந்தது.. நானும் சிரியா சென்று வந்ததை போல உணர்ந்தேன் ..என் கணவரிடம் கூட சொன்னேன்... இன்று வரை சிரியாவை பற்றி கண்டுகொண்டது இல்லை ஆனால் இன்று படித்ததும் கூகுளில் சென்று பார்க்கலாம் என்று ஆசையாக ஓபன் செய்தேன் :((( ஏமாற்றம் தான் மிஞ்சியது ஆம் எல்லாம் தகர்க்கப் பட்டு இருந்தது:(( கண்ணீரே வந்துவிட்டது

"அடுத்தவர்களை பற்றி பேசும் முன் உன் தவறான எண்ணத்தை மாற்று....
உன் முதுகில் உள்ள அழுக்கை நீக்கி விட்டு அடுத்தவர் முதுகில் உள்ள அழுக்கை பற்றி பேசு "
மைதிலி பாலகிருஷ்ணன்
Love my swasthi kuttty

நானும் பார்த்து ரொம்ப வருத்தப்பட்டேன். ஒன்னும் பண்ண முடியாது. :(

துணிந்தவர் தோற்றதில்லை!!
தயங்கியவர் வென்றதில்லை!!

அன்புடன்,
வனிதா