ஸ்பெஷல் பரோட்டா சாண்விட்ச்

வழங்கியவர்:

தேதி: February 10, 2015

பரிமாறும் அளவு:

ஆயத்த நேரம்: 10 நிமிடங்கள்

சமைக்கும் நேரம்: 30 நிமிடங்கள்

மொத்த நேரம்: 40 நிமிடங்கள்

கிச்சன் குயின் பகுதிக்காக தேர்வு செய்யப்பட்ட, திருமதி. தளிகா அவர்களின் இந்த ஸ்பெஷல் பரோட்டா சாண்விட்ச் குறிப்பு விளக்கப்படங்களுடன் இங்கே செய்துகாட்டப்பட்டுள்ளது. குறிப்பினை வழங்கிய தளிகா அவர்களுக்கு நன்றிகள்.

பரோட்டா - 2
பெரிய வெங்காயம் - ஒன்று (நான்கு பெரிய துண்டுகளாக நறுக்கியது)
பூண்டு - 2 பல்
மிளகுத் தூள் - கால் தேக்கரண்டி
சிக்கன் நகெட்ஸ் - 5
லெட்யூஸ் இலைகள் - கால் கட்டு (நறுக்கியது)
மயோனைஸ் - 2 தேக்கரண்டி

தேவையான பொருட்களை தயாராக எடுத்து வைக்கவும்.

முதலில் பரோட்டாவை சூடுப்படுத்தி எடுத்துக் கொள்ளவும். எண்ணெயில் நகெட்ஸை பொரித்து எடுத்து அதனை நீளமாக நறுக்கி வைக்கவும். அதே எண்ணெயில் நறுக்கிய வெங்காயம், பூண்டை பொன்னிறமாக பொரித்து எடுக்கவும்

பரோட்டாவின் ஒரு பாதியில் மயோனைஸை தடவி அதன் மேல் நகெட்ஸை பரப்பி மிளகுத் தூளை தூவி பொரித்த வெங்காயத்தையும் பரவலாக தூவி லெட்யூஸ் இலைகளை வைத்து பரோட்டாவை மறுபகுதியால் மூடி விடவும்

சுலபமாக தயாரிக்கக் கூடிய சுவையான பரோட்டா சாண்ட்விச் தயார்.

இதே முறையில் சாசேஜ், போன்லெஸ் சிக்கன், பொரித்த காளான், இறால், கைமா இவைகளை வைத்தும் தயாரிக்கலாம்.

வெளியில் உறவினர்களோடு சாப்பிட செல்லும் பொழுது எடுத்து செல்லலாம். சுவை அலாதியாக இருக்கும்.

நான் இதற்கு ரெடிமேடாக வரும் பரோட்டா மாவை வாங்கி சுட்டேன் அது மென்மையாக வரும் விரும்பினால் கொஞ்சம் கெச்சப்பை தடவிக் கொள்ளலாம். வெங்காயத்துடன் கேப்சிகம்மை வதக்கிக் கொள்ளலாம்