தூனா மீன் சாண்விட்ச்

தேதி: February 28, 2015

பரிமாறும் அளவு:

ஆயத்த நேரம்: 10 நிமிடங்கள்

சமைக்கும் நேரம்: 30 நிமிடங்கள்

மொத்த நேரம்: 40 நிமிடங்கள்

5
Average: 5 (1 vote)

 

பக்கெட் (baguette) - 2 அல்லது பாண் துண்டுகள்
தூனா மீன் டின் - ஒன்று
சோளம் - ஒரு டின்
கேரட் - 2
வெங்காயம் - ஒன்று
மயோனைஸ் - தேவையான அளவு
பச்சை மிளகாய் - 2
முட்டை - 2
தக்காளி - 2
சாலட் - ஒன்று
எண்ணெய் - 2 தேக்கரண்டி
உப்பு - தேவையான அளவு


 

தேவையான பொருட்களை தயாராக எடுத்துக் கொள்ளவும்.
கேரட்டை துருவி வைக்கவும். வெங்காயத்தை நீளவாக்கில் நறுக்கி வைக்கவும். சாலட்டை சுத்தம் செய்து கழுவி வைக்கவும்.
முட்டையை வேக வைத்து சிறு துண்டுகளாக வெட்டவும். தக்காளியை கழுவி சிறு துண்டுகளாக நறுக்கி வைக்கவும்.
அடுப்பில் வாணலியை வைத்து எண்ணெய் ஊற்றி வெங்காயம், பச்சை மிளகாய் போட்டு வதக்கவும்.
வெங்காயம் வதங்கியதும் தூனா மீனை சேர்த்து கிளறவும்.
மீன் நன்றாக வதங்கியதும் கேரட் துருவலை சேர்க்கவும். அதனுடன் உப்பு சேர்த்து கிளறவும்.
அடுப்பில் இருந்து இறக்கி சோளத்தை சேர்த்து கிளறி ஆறிய பின் மயோனைஸ் சேர்க்கவும்.
பக்கெட்டை படத்தில் இருப்பது போல் இரண்டாக வெட்டி சாலட் வைக்கவும்.
அதனுள் தூனா மீன் கலவையை வைக்கவும்.
பின்னர் அதில் முட்டை துண்டுகள் மற்றும் தக்காளியை துண்டுகளை வைக்கவும். மேலே சிறிய சாலட் துண்டை வைத்து மூடவும்.
சுவையான தூனா மீன் சாண்விட்ச் தயார். இது போல பாண் துண்டுகளில் வைத்து ரோஸ்ட் செய்து சாப்பிடலாம்.


உறுப்பினரது அண்மைக் குறிப்புகள்

இணையான குறிப்புகள்


Comments

தூனா மீன்னா என்ன? கலர்புல்ல இருக்கு அனைத்து படங்களும்... கண்ணுக்கு விருந்தளிக்குது தர்ஷா.. கடைசி படம் சூப்பர்ப்பா..

இதுவும் கடந்து போகும்..

அன்புடன்
ரேவதி உதயகுமார்

டின்னா வாங்கி கொடுத்திருக்காங்க ஒரு நண்பர் மாலத்தீவில் இருந்து ;) என்ன பண்ண இவ்வளவு வெச்சுகிட்டுன்னு யோசிச்சுட்டு இருந்தேன், நல்ல ஐடியா. செய்துருவோம்.

துணிந்தவர் தோற்றதில்லை!!
தயங்கியவர் வென்றதில்லை!!

அன்புடன்,
வனிதா