சைனீஸ் இறால் வறுவல்

தேதி: March 4, 2015

பரிமாறும் அளவு:

ஆயத்த நேரம்: 10 நிமிடங்கள்

சமைக்கும் நேரம்: 30 நிமிடங்கள்

மொத்த நேரம்: 40 நிமிடங்கள்

No votes yet

கிச்சன் குயின் பகுதிக்காக தேர்வு செய்யப்பட்ட திருமதி. மஹாலெட்சுமி ப்ரகதீஸ்வரன் அவர்கள் வழங்கியுள்ள சைனீஸ் இறால் வறுவல் என்ற குறிப்பு, விளக்கப்படங்களுடன் இங்கே செய்து காட்டப்பட்டுள்ளது. குறிப்பினை வழங்கிய மஹாலெட்சுமி அவர்களுக்கு நன்றிகள்.

 

இறால் - 15 எண்ணம் (ஒரு ஆள்காட்டி விரல் நீளம் மீன் இருக்க வேண்டும்)
சோளமாவு - 2 மேசைக்கரண்டி
இஞ்சி, பூண்டு விழுது - ஒரு தேக்கரண்டி
மிளகாய்த் தூள் - முக்கால் தேக்கரண்டி
மிளகுத் தூள் - முக்கால் தேக்கரண்டி
வினிகர் - அரை தேக்கரண்டி
சோயா சாஸ் - முக்கால் தேக்கரண்டி
வெங்காயத் தாள் - அரை கப் (பொடியாக நறுக்கியது)
உப்பு - தேவைக்கேற்ப
எண்ணெய் - பொரிக்க தேவையான அளவு


 

இறாலின் தலை மற்றும் வால் பகுதியை நறுக்கி விட்டு அதன் மேல் பகுதியில் இருக்கும் கருப்பு கோடு போல இருப்பதை அகற்றவும். மறுமுறையும் நன்றாக கழுவி தண்ணீரை உலர விடவும்.
ஒரு பாத்திரத்தில் சோளமாவு, மிளகாய்த் தூள், மிளகுத் தூள், இஞ்சி பூண்டு விழுது, வினிகர், சோயா சாஸ் மற்றும் தேவையான அளவு உப்பு சேர்த்து நன்றாக கலக்கவும்.
கலந்து வைத்திருக்கும் கலவையில் இறாலை போட்டு பிசறி ஒரு மணி நேரம் ஊற வைக்கவும்.
வாணலியில் பொரிக்க தேவையான அளவு எண்ணெய் ஊற்றி காய்ந்ததும் இறாலை இரண்டு, மூன்றாகப் போட்டு பொரித்தெடுக்கவும்.
சுவையான சைனீஸ் இறால் வறுவல் தயார்.

ஊற வைத்த இறாலை குச்சியில் குத்தி சுட்டுத் தருவார்கள் அதுதான் கபாப் முறை.

மற்றொரு முறை குச்சியில் குத்தி அதை ஒரு சில்வர் ராப்பரில் சுற்றி அதை மைக்ரோவேவில் வேக வைத்தும் சாப்பிடுவார்கள்.


உறுப்பினரது அண்மைக் குறிப்புகள்

இணையான குறிப்புகள்


Comments

கொஞ்சம் வித்தியாசமாகச் செய்வேன். அடுத்த தரம் இந்தக் குறிப்பின்படி ட்ரை பண்ணுறன்.

‍- இமா க்றிஸ்

செய்து பாருங்க. பதிவுக்கு நன்றி இமாம்மா.