கேப்ஸிகம் பாத்

தேதி: March 31, 2015

பரிமாறும் அளவு:

ஆயத்த நேரம்: 10 நிமிடங்கள்

சமைக்கும் நேரம்: 30 நிமிடங்கள்

மொத்த நேரம்: 40 நிமிடங்கள்

No votes yet

திருமதி லதா அவர்கள் வழங்கியுள்ள கேப்ஸிகம் பாத் என்ற குறிப்பு, கிச்சன் குயின் பகுதிக்காக தேர்வு செய்யப்பட்டு, சில மாற்றங்களுடன் இங்கே செய்து காட்டப்பட்டுள்ளது. குறிப்பினை வழங்கிய லதா அவர்களுக்கு நன்றிகள்.

 

குடைமிளகாய் - கால் கிலோ
அரிசி - அரை கிலோ
தனியா - ஒரு தேக்கரண்டி
சீரகம் - ஒரு தேக்கரண்டி
மிளகு - ஒரு தேக்கரண்டி
தேங்காய்த் துருவல் - ஒரு தேக்கரண்டி
கிராம்பு - 2
ஏலக்காய் - ஒன்று
பட்டை - சிறிய துண்டு
மிளகாய் வற்றல் - 2
காரட் - ஒன்று
எண்ணெய் - ஒரு தேக்கரண்டி
உப்பு - தேவையான அளவு


 

அரிசியை நன்கு களைந்து நீரை வடிய விட்டு இலேசாக நெய் அல்லது எண்ணெய் விட்டு வறுத்து ஒரு பங்கு அரிசிக்கு 2 பங்கு தண்ணீர் ஊற்றி வேக வைத்து எடுத்துக் கொள்ளவும்.
குடைமிளகாயை விதை நீக்கி பொடியாக நறுக்கிக் கொள்ளவும்.
தனியா, சீரகம், மிளகு, கிராம்பு, ஏலக்காய், பட்டை, மிளகாய் வற்றல் ஆகியவற்றை வாணலியில் எண்ணெய் விடாமல் நன்கு வறுத்து ஆறியவுடன் மிக்ஸியில் பொடி செய்து கொள்ளவும்.
வாணலியில் எண்ணெய் ஊற்றி குடைமிளகாயை போட்டு வதக்கவும். பிறகு தீயை குறைத்து வைத்துக் கொண்டு மிளகாய் வேகும் வரை மூடி வைத்து வேக விடவும். அவ்வப்போது திறந்து பார்த்து கிளறி விடவும்.
கடைசியில் பொடி செய்த மசாலா மற்றும் உப்பு போட்டு அடுப்பை அணைத்து விடவும்.
குடைமிளகாய் மசாலாவுடன் வேக வைத்த சாதத்தை போட்டு தேவையான அளவு உப்பு போட்டு நெய் ஊற்றி கலந்து வைத்து 5 நிமிடம் கழித்து பரிமாறவும்.
சாதத்துடன் துருவிய காரட்டை தூவி அலங்கரிக்கவும்.
சுவையான கேப்ஸிகம் பாத் ரெடி. இந்த குடைமிளகாய் சாதத்திற்கு வெங்காயம், பூண்டு சேர்க்க கூடாது. ஏனென்றால் குடைமிளகாயில் உள்ள வாசனை வெங்காயம், பூண்டு சேர்த்தால் தெரியாது.


உறுப்பினரது அண்மைக் குறிப்புகள்

இணையான குறிப்புகள்


Comments

மசாலா பொருட்கள் சேர்க்காமல் செய்வேன். இது போலவும் செய்து பார்க்கிறேன்.

Colourful... :)

துணிந்தவர் தோற்றதில்லை!!
தயங்கியவர் வென்றதில்லை!!

அன்புடன்,
வனிதா