சாஹி சிக்கன் குருமா

தேதி: May 20, 2015

பரிமாறும் அளவு:

ஆயத்த நேரம்: 10 நிமிடங்கள்

சமைக்கும் நேரம்: 30 நிமிடங்கள்

மொத்த நேரம்: 40 நிமிடங்கள்

No votes yet

திருமதி. பாராஹ் காதர் அவர்களின் சாஹி சிக்கன் குருமா குறிப்பு, கிச்சன் குயின் பகுதிக்காக தேர்வு செய்யப்பட்டு இங்கே விளக்கப்படங்களுடன் செய்து காட்டப்பட்டுள்ளது. குறிப்பினை வழங்கிய பாராஹ் காதர் அவர்களுக்கு நன்றிகள்.

 

கோழிக்கறி - ஒரு கிலோ
பெரிய வெங்காயம் - 3
மஞ்சள் தூள் - ஒரு தேக்கரண்டி
மல்லித் தூள் - ஒரு தேக்கரண்டி
மிளகாய்த் தூள் - ஒரு தேக்கரண்டி
கரம் மசாலா - அரைத் தேக்கரண்டி
இஞ்சி - ஒரு அங்குலத் துண்டு
பூண்டு - 8 பல்
தயிர் - ஒரு கோப்பை
நெய் - 3 மேசைக்கரண்டி
பாதாம் பருப்பு - 5
முந்திரிப்பருப்பு - 10
எலுமிச்சை சாறு - தேவைக்கேற்ப
கொத்தமல்லித்தழை - சிறிது
உப்பு - தேவைக்கேற்ப


 

தயிரை நன்கு அடித்துக் கொண்டு அதனுடன் மஞ்சள் தூள், தேவையான அளவு உப்பு சேர்த்து கோழிக்கறியுடன் நன்கு கலந்து சுமார் அரை மணி நேரம் ஊற விடவும்.
வெங்காயத்தை நறுக்கிக் கொள்ளவும். முந்திரி மற்றும் பாதாம் பருப்புகளையும் சிறு துண்டுகளாக நறுக்கிக் கொள்ளவும்.
ஒரு வாணலியில் அல்லது பேனில் நெய் ஊற்றி சூடேறியதும் நறுக்கிய வெங்காயம், பூண்டு, இஞ்சி ஆகியவற்றைப் போட்டு பொன்னிறமாக வரும் அளவிற்கு வதக்கவும்.
அதனுடன் மல்லித் தூள், மிளகாய்த் தூள் சேர்த்து சிறிது நேரம் மிதமான தீயில் வேக விடவும்.
பிறகு கோழித்துண்டுகளைச் சேர்த்து ஐந்து நிமிடங்கள் வேக விடவும். அதன்பின் இரண்டு டம்ளர் சூடான தண்ணீர் ஊற்றி மூடி வைத்து வேக விடவும்.
கறி நன்கு, மென்மையாகும் அளவிற்கு வெந்தவுடன் கரம் மசாலா, உப்பு மற்றும் பாதாம், முந்திரித் துண்டுகள் ஆகியவற்றைச் சேர்த்துக் கிளறி சிறிது நேரத்தில் இறக்கி விடவும்.
பொடியாக நறுக்கி வைத்துள்ள கொத்தமல்லித் தழையினைத் தூவிப் பரிமாறவும்.
சுவையான சாஹி சிக்கன் குருமா ரெடி.


உறுப்பினரது அண்மைக் குறிப்புகள்

இணையான குறிப்புகள்


Comments

எல்லாமே அருமையா இருக்கு. வாழ்த்துக்கள் கிட்சன் குயின்.

எல்லாம் சில‌ காலம்.....