சுரைக்காய் தயிர் கறி

தேதி: May 28, 2015

பரிமாறும் அளவு:

ஆயத்த நேரம்: 10 நிமிடங்கள்

சமைக்கும் நேரம்: 30 நிமிடங்கள்

மொத்த நேரம்: 40 நிமிடங்கள்

No votes yet

திருமதி. லாவண்யா அவர்களின் சுரைக்காய் தயிர் கறி என்ற குறிப்பு கிச்சன் குயின் பகுதிக்காக தேர்வு செய்யப்பட்டு விளக்கப்படங்களுடன் இங்கே செய்து காட்டப்பட்டுள்ளது. குறிப்பினை வழங்கிய லாவண்யா அவர்களுக்கு நன்றிகள்.

 

சுரைக்காய் - ஒன்று
வர மிளகாய் - 2
இலவங்கம் - 2
சீரகம் - ஒரு தேக்கரண்டி
சுக்கு பொடி - கால் தேக்கரண்டி
சோம்பு பொடி - அரை தேக்கரண்டி
கரம் மசாலா பொடி - அரை தேக்கரண்டி
தயிர் - ஒரு கப்
பெருங்காயம், உப்பு, எண்ணெய் - தேவையான அளவு


 

தேவையான‌ பொருட்களை தயாராக எடுத்து வைக்கவும்.
சுரைக்காயை தோலை நீக்கி சதுர துண்டுகளாக நறுக்கி வைக்கவும்.
நறுக்கிய சுரைக்காயை ஒரு துணியிலோ அல்லது பேப்பர் டவலில் சுற்றி ஈரத்தை ஒத்தி எடுக்கவும். பிறகு எண்ணெயில் பொன்னிறமாக பொரித்தெடுக்கவும்.
மற்றொரு கடாயில் சிறிதளவு எண்ணெய் ஊற்றி சூடானதும் இலவங்கம், பெருங்காயம், சீரகம் சேர்த்து பொரிய விடவும்.
பொரிந்ததும் பொரித்து வைத்துள்ள சுரைக்காயை சேர்க்கவும். அதனுடன் சோம்பு பொடி, சுக்கு பொடி, வர மிளகாய், உப்பு சேர்த்து வதக்கவும்.
வதக்கியவற்றுடன் ஒரு கப் தண்ணீர் சேர்த்து கொதிக்க விடவும். கொதி வந்ததும் மிதமான தீயில் ஐந்து நிமிடம் வேக விடவும். தயிரை சிறிது சிறிதாக சேர்த்து நன்கு கிளறவும்.
தீயை மேலும் குறைத்து ஐந்து நிமிடம் வைத்து கொதிக்க விட்டு கடைசியாக கரம் மசாலா பொடியை தூவி இறக்கவும்.
சுவையான சுரைக்காய் தயிர் கறி ரெடி. இது ப்ளைன் ரைஸ், சப்பாத்தி, ரொட்டிக்கு நல்ல காம்பினேஷன்.


உறுப்பினரது அண்மைக் குறிப்புகள்

இணையான குறிப்புகள்