சின்ன உருளைக்கிழங்கு டிலைட்

சின்ன உருளைக்கிழங்கு டிலைட்

தேதி: October 30, 2015

பரிமாறும் அளவு: 4 நபர்கள்

ஆயத்த நேரம்: 5 நிமிடங்கள்

சமைக்கும் நேரம்: 15 நிமிடங்கள்

மொத்த நேரம்: 25 நிமிடங்கள்

5
Average: 4.4 (7 votes)

 

சின்ன உருளைக்கிழங்கு - 10
எண்ணெய் - 4 தேக்கரண்டி
சீரகம் - ஒரு தேக்கரண்டி
பச்சை மிளகாய், இஞ்சி அரைத்த விழுது - அரை தேக்கரண்டி
புதினா இலைகள் - ஒரு கைப்பிடி
தயிர் - 6 மேசைக்கரண்டி
சின்ன வெங்காயம் - 10
மிளகாய்தூள் - அரை தேக்கரண்டி
பூண்டு விழுது - அரை தேக்கரண்டி
உப்பு - தேவையான அளவு


 

தேவையானப் பொருள்களை தயாராக எடுத்து வைத்துக் கொள்ளவும்.
தேவையானப் பொருட்கள்
சின்ன உருளைக்கிழங்கை வேகவைத்து எடுத்துக் கொள்ளவும். பச்சைமிளகாய், இஞ்சி, பூண்டு ஆகியவற்றை தனித்தனியாக அரைத்து எடுத்துக் கொள்ளவும்.
சின்ன உருளை
வாணலியில் எண்ணெய் விட்டு சூடானதும் பாதி சீரகத்தை போட்டு வெடித்ததும் வேக வைத்துத் தோல் உரித்த உருளைக்கிழங்கை சேர்த்து பிரட்டி விடவும்.
சின்ன உருளை
அதனுடன் பச்சை மிளகாய், இஞ்சி விழுது, நறுக்கி வைத்த புதினா இலைகள் சேர்த்து வதக்கவும்.
சின்ன உருளை
அதில் 3 தேக்கரண்டி தயிர் மற்றும் உப்பு சேர்த்து வதக்கவும்.
சின்ன உருளை
உருளைக்கிழங்கு நன்கு சேர்ந்து வந்ததும் அடுப்பை அணைக்கவும்.
சின்ன உருளை
பிறகு மற்றொரு வாணலியை அடுப்பில் வைத்து 3 தேக்கரண்டி எண்ணெய் விட்டு சூடானதும் மீதி சீரகம் போட்டு வெடித்ததும் சின்ன வெங்காயம் போட்டு வதக்கவும்.
தாளித்தல்
அதனுடன் மிளகாய்த் தூள், பூண்டு விழுது, மீதியுள்ள தயிர், சிறிது உப்பு சேர்த்து வதக்கவும்.
மசாலா
எல்லாம் சேர்ந்து நன்கு மசாலாப் போல் வந்ததும் அதில் உருளைக்கிழங்கு கலவையைப்போட்டு அடுப்பை சிம்மில் வைத்து வதக்கவும்.
உருளைக்கிழங்கு
உருளைக்கிழங்குடன் மசாலா சேர்ந்து பிரட்டினாற்போல் வந்ததும் இறக்கி வைத்து கொத்தமல்லித் தழை தூவி பரிமாறவும்.
உருளைக்கிழங்கு
சுவையான சின்ன உருளைக்கிழங்கு டிலைட் ரெடி.
சின்ன உருளைக்கிழங்கு டிலைட்


உறுப்பினரது அண்மைக் குறிப்புகள்

இணையான குறிப்புகள்


Comments

அருமையான‌ குறிப்பு.

‍- இமா க்றிஸ்