கறி அடை

தேதி: April 3, 2007

பரிமாறும் அளவு: 7 நபர்களுக்கு

ஆயத்த நேரம்: 10 நிமிடங்கள்

சமைக்கும் நேரம்: 30 நிமிடங்கள்

மொத்த நேரம்: 40 நிமிடங்கள்

No votes yet

 

கொத்துக்கறி - 150
இஞ்சி, பூண்டு விழுது - 1/2 ஸ்பூன்
தயிர் - 1/2 ஸ்பூன்
மிளகாய் தூள் - 1/2 ஸ்பூன்
வெங்காயம் - 1
பச்சை மிளகாய் - 1
உப்பு - தேவையான அளவு
மஞ்சள் தூள் - தேவையான அளவு
கறிவேப்பிலை - சிறிது
அரிசி மாவு - 1 1/2 கப்
மிளகாய் வற்றல் - 2
சீரகம் - 1 ஸ்பூன்
சோம்பு - 1 ஸ்பூன்
ரவை - 1/2 கப்
தேங்காய்ப்பால் - 1/2 கப்
முட்டை - 1
நெய்- தேவையான அளவு


 

மிளகாய் வற்றல், சீரகம், சோம்பு வறுத்து பொடி பண்ணவும்.
கொத்துக்கறி, இஞ்சி பூண்டு விழுது, தயிர், மிளகாய் தூள் போட்டு வேகவிடவும்
வெந்ததும் தீயை மிதமானதாக வைத்து வரட்டிக் கொள்ளவும்.
பின் வெங்காயம், கறிவேப்பிலை, பச்சைமிளகாயை பொடியாக நறுக்கி வைக்கவும்.
ஒரு சட்டியை அடுப்பில் வைத்து அதில் நறுக்கின வெங்காயம், பச்சைமிளகாய், உப்பு, மஞ்சள் தூள், கறிவேப்பிலை, வரட்டிய கறியை சேர்த்து தீயை குறைத்து வைத்து வதக்கவும். வெங்காயம் வெந்து நன்கு வதங்கியதும் பொடியை சேர்த்து சிறிது நேரம் கிளறி இறக்கவும்.
பின் அரிசிமாவை ஒரு பாத்திரத்தில் போட்டு அதில் வதக்கிய வெங்காய கலவை ரவை, தேங்காய் பால் ஊற்றி நன்கு பிசைந்து முட்டையை அடித்து ஊற்றி நன்கு கலக்கி 2 மணி நேரம் ஊறவைக்கவும்.
பின் பொரிக்கும் சட்டியை அடுப்பில் வைத்து 1 தேக்கரண்டி நெய் ஊற்றி ஒரு குழிக்கரண்டி அளவு மாவை எடுத்து ஊற்றி சுற்றிவர இன்னும் 1 தேக்கரண்டி அளவு நெய்யை ஊற்றி தீயை மிதமானதாக வைத்து சுட்டு எடுக்கவும்.
ஒரு புறம் வெந்ததும் மறு புறம் திருப்பி போட்டு பொரிய விடவும்.


மேலும் சில குறிப்புகள்