லெட்டூஸ் றோல் (Lettuce Rolls)

தேதி: October 4, 2007

பரிமாறும் அளவு: 10 றோல்ஸ்

ஆயத்த நேரம்: 10 நிமிடங்கள்

சமைக்கும் நேரம்: 30 நிமிடங்கள்

மொத்த நேரம்: 40 நிமிடங்கள்

No votes yet

 

லெட்டூஸ் இலைகள் - 5
நூடில்ஸ் - 1/2 கப்
உருளை - 2 பெரிது
கத்தரிக்காய் - 1
பெல் பெப்பர் - 1
வெங்காயத்தாள்(Scallion) - 10
உப்பு
மிளகாய்த்தூள்
எண்ணெய்
கொத்தமல்லி இலை


 

லெட்டூஸ் இலையை சுத்தப்படுத்தி சரி பாதியாக நடுக்காம்பினூடாக நீளவாக்கில் வெட்டி வைக்கவும். (தடிப்பாக இருக்கும் அடி காம்பை வெட்டி விடவும்.)
உருளைக்கிழங்கை தடித்த நீள துண்டுகளாக வெட்டி (ஃபிரெஞ்ச் ஃபிரைஸ் போல) உப்பு, மிளகாய் தூள் பிரட்டி வைக்கவும்.
கத்தரிக்காயை தடித்த வட்டங்களாக வெட்டி பாதியாக்கி உப்பு, மிளகாய் தூள் பிரட்டி வைக்கவும்.
பெல் பெப்பரை நீளமான துண்டுகளாக வெட்டி சிறிது உப்பில் பிரட்டி வைக்கவும்.
நூடில்ஸை உப்பு போட்டு அவித்து வடி கட்டி வைக்கவும். (1/2 கப்)
வெங்காயத்தாளை உப்பில் பிரட்டி ஆவியில் அல்லது கொதிதண்ணீரில் அவித்து வைக்கவும்.
என்ணெயில் உருளை , கத்தரியை தனித்தனியே சோட்டேட் (sauteed) செய்யவும்
ஒரு பாதி லெட்டூசை எடுத்து அதன் ஒரு கரையில் சிறிது நூடில்ஸ், 1 துண்டு உருளை, 1 துண்டு பெல் பெப்பர், 1 அல்லது 2 துண்டு கத்தரிக்காய், கொத்தமல்லி இலை வைத்து உருட்டி அவித்த வெங்காயத்தாளால் சுற்றிக் கட்டவும்.
றோல்ஸின் இரு கரைகளையும் வெட்டிவிடவும் அல்லது உள்ளே மடித்து விடவும்.
சுவையான லெட்டூஸ் றோல்ஸ் தயார். இதனை பிடித்தமான ஸோஸுடன் சாப்பிடலாம்.


பெல்பெப்பரை பச்சையாக சாப்பிட பிடிக்காதவர்கள் அதனையும் sauteed பண்ணலாம் அல்லது 350 Fஇல் 5 நிமிடங்கள் பேக் பண்ணி சேர்க்கலம். உள்ளே சீஸும் வைத்து உருட்டலாம். நூடில்ஸுக்கு பதில் பாஸ்மதி சோறு(சாதம்), ஸ்பகடியும் வைக்கலாம். வெங்காயத்தாளிற்கு பதில் லீக்ஸும் பயன்படுத்தலாம்..

மேலும் சில குறிப்புகள்