www.arusuvai.com

செய்முறை

• முழுபயத்தம்பருப்பை முதல்நாள் காலையிலேயே ஊறவைத்து மாலையில் மெல்லிய துணியில் கொட்டி முடிச்சு போட்டு தொங்கவிடவேண்டும். காலையில் முளைவிடும்.
• வெந்தயக்கீரையை சுத்தம் செய்து பொடியாக நறுக்கி அத்துடன் முளைகட்டிய பயிறு, கசகசா, உரித்த பூண்டு, நறுக்கிய வெங்காயம், மிளகு , மிளகாய் , உப்பு சேர்த்து தேங்காய் பால் சேர்த்து நைசாக அரைக்கவும்.
• வாணலியில் எண்ணைய் ஊற்றி காய்ந்ததும் கடுகு , உளுத்தம்பருப்பு , பெருங்காயம் சேர்த்து வாசனை வந்ததும் அரைத்த மாவைக் கொட்டி கைவிடாமல் கிளறவும்.
• தேவையானால் சிறிது தண்ணீர் தெளித்து கிளறி அரைவேக்காடு வெந்தால் போதும்.
• கறிவேப்பிலை தூவி வெந்தமாவை இறக்கவும்.
• மாவு கொழகொழ என்று இருக்காமல் சற்று கெட்டியாக இருக்கவேண்டும்.
• மாவு நன்கு ஆறியதும் சிறு சிறு உருண்டை போல உருட்டி ஓட்டலில் உள்ளதைப் போல் சிறு இட்லி அளவிற்கு செய்து நடுவில் கட்டை விரலால் ஓட்டை செய்து கொழுக்கட்டையைப் போல் ஆவியில் வேகவிடுவது போல இட்லி தட்டில் வாழை இலையை பரப்பி அதன் மேல் உருண்டைகளை வைத்து ஆவியில் வேகவிடவும்.
• உருண்டைகளைக் கையால் தொட்டால் ஒட்டக்கூடாது.
• நன்கு வெந்ததும் சற்று ஆறிய பிறகு தாம்பாளத்தில் கொட்டினால் இந்த ஸ்டீம்டு டோங்ரா ரெடி.
• நெல்லி ராய்தா:
• புளிப்பில்லாத கெட்டித்தயிரில் பச்சையாக அரைத்த நெல்லிக்காய் விழுது , பச்சைமிளகாய்விழுது , உப்பு, பெருங்காயம், காரட் துருவல், கொத்தமல்லி தூவி செய்து வைத்த ஸ்டீம்டு டோங்ராவை 2 நிமிடம் ஊறவைக்கவும்.
• ஊறவைத்த ஸ்டீம்டு டோங்ரா மிகவும் சுவையாக இருக்கும்.
• ஸ்வீட் ரய்தா:
• பால்,தேன்,பேரிச்சை விழுது,பனங்கல்கண்டு கலந்த ரோஜா இதழ் (அ) ரோஸ் எசன்ஸ் விட்டு கீர் போல் செய்து ஸ்டீம்டு டோங்ராவை ஊற வைத்து சாப்பிடலாம்.

குறிப்பு

ஸ்டீம்டு டோங்ராவை வெறுமனே சாப்பிட்டாலும் நன்றாக இருக்கும்.

பரிமாறும் அளவு

4 நபர்களுக்கு