அகத்திப்பூ பச்சைக்கூட்டு

வழங்கியவர் : senthamizh selvi

தேதி : திங்கள், 26/11/2007 - 23:54

ஆயத்த நேரம் :

சமைக்கும் நேரம் : 20 நிமிடங்கள்.

பரிமாறும் அளவு : 4 நபர்களுக்கு.

அகத்திப்பூ - 10,

பாசிப்பருப்பு - 200 கிராம்,

சிறிய வெங்காயம் - 5,

தக்காளி - 1,

பச்சை - 3,

அரிசி - 2 தேக்கரண்டி,

சீரகம் - 1 தேக்கரண்டி,

தேங்காய்த்துருவல் - 2 மேசைக்கரண்டி,

கறிவேப்பிலை - சிறிது,

கொத்தமல்லி - சிறிது,

கடுகு - 1/2 தேக்கரண்டி,

மஞ்சள் தூள் -1/2 தேக்கரண்டி,

உப்பு - தேவையான அளவு,

எண்ணெய் - 1 ஸ்பூன்,

நெய் - 1 தேக்கரண்டி.

அகத்திப்பூவை கழுவி, பச்சைக்கலர் காம்பை எடுத்து விட்டு சுத்தம் செய்து, பொடியாக நறுக்கவும்.

வெங்காயம், தக்காளியை பொடியாக நறுக்கவும்.

பாசிப்பருப்பை மஞ்சள் தூள் சேர்த்து வேக வைக்கவும்.

பாசிப்பருப்பு நன்கு வெந்தவுடன், நறுக்கிய அகத்திப்பூ, வெங்காயம், தக்காளி, உப்பு சேர்த்து வேக வைக்கவும்.

அரிசியை சிவக்க வறுக்கவும்.

வறுத்த அரிசி, சீரகம், தேங்காய்த்துருவல், பச்சைமிளகாய் சேர்த்து மிக்ஸியில் நைசாக அரைக்கவும்.

வெந்த அகத்திப்பூவுடன் அரைத்தவைகளை சேர்த்து கொதிக்க விடவும்.

வாணலியில் எண்ணெய், நெய் விட்டு, கடுகு, கறிவேப்பிலை தாளித்து கூட்டில் கொட்டி இறக்கவும்.