இடியப்பம் (உறைப்பு)

தேதி: March 31, 2006

பரிமாறும் அளவு:

ஆயத்த நேரம்: 10 நிமிடங்கள்

சமைக்கும் நேரம்: 30 நிமிடங்கள்

மொத்த நேரம்: 40 நிமிடங்கள்

No votes yet

 

இடியப்பம் மாவு - கால் படி
முட்டை - ஒன்று
நெய் - 50 கிராம்
பச்சைமிளகாய் - 3
வெங்காயம் - 50 கிராம்
சோம்பு - ஒரு தேக்கரண்டி
இஞ்சி - ஒரு துண்டு
தேங்காய் - ஒன்று
உருணைக்கிழங்கு - கால் கிலோ
தக்காளி - 4
கறிவேப்பிலை - 2 கொத்து
காய்ந்தமிளகாய் - 4
மஞ்சள் - ஒரு துண்டு
பூண்டு - ஒன்று


 

தேங்காயில் கெட்டிப்பால் தனியாக எடுத்துக் கொண்டு, தண்ணீர்ப்பால் ஒரு டம்ளர் எடுத்துக் கொள்ளவும்.
சோம்பு, மஞ்சள், காய்ந்தமிளகாய் ஆகியவற்றை ஒன்றாக கரைத்துக் கொள்ளவும். இஞ்சி, பூண்டை சேர்த்து ஒன்றாக அரைத்துக் கொள்ளவும்.
உருளைக்கிழங்குகளை அவித்து தோல் நீக்கி சிறுசிறு துண்டுகளாக வெட்டி வைத்துக் கொள்ளவும்.
தண்ணீர் பாலில் அரைத்த மசாலாவைக் கரைத்து சிறிது உப்பும் போட்டு பச்சைமிளகாயை முழுதாகப் போட்டு கரைத்து வைத்துக் கொள்ளவும்.
ஓர் அலுமினியச் சட்டியை அடுப்பில் வைத்து, சட்டி சூடானதும் நெய்யைப் ஊற்றி சூடானதும் நறுக்கின வெங்காயத்தை போட்டு பொன்னிறமாக வதக்கவும்.
அத்துடன் இஞ்சி பூண்டையும் போட்டு வதக்கி, பிறகு கறிவேப்பிலை, உருளைக்கிழங்குத் துண்டுகள், நறுக்கின தக்காளி அனைத்தையும் சேர்த்து நன்கு கிளறி கரைத்து வைத்திருக்கும் மசாலாவை சட்டியில் ஊற்றி கொதிக்க விடவும்.
ஒரு கொதி நன்கு கொதித்ததும் இடியப்பங்களை துண்டு துண்டுகளாகப் பிய்த்து அதில் போட்டுக் கிளறவும்.
கம்பி கம்பியாகப் பிரிந்ததும், கெட்டிப் பாலில் முட்டை ஊற்றிக் கலக்கி இடியப்பத்தில் தெளித்து தண்ணீர் சற்று வற்றியதும் இறக்கவும்.


மேலும் சில குறிப்புகள்