பருப்பு சாதம்

தேதி: December 9, 2007

பரிமாறும் அளவு:

ஆயத்த நேரம்: 10 நிமிடங்கள்

சமைக்கும் நேரம்: 30 நிமிடங்கள்

மொத்த நேரம்: 40 நிமிடங்கள்

4
Average: 4 (1 vote)

 

துவரம் பருப்பு - 100 கிராம்
பச்சரிசி (அ) புழுங்கலரிசி - 400 கிராம்
கடலைப்பருப்பு - 3 தேக்கரண்டி
உளுந்து - 2 தேக்கரண்டி
மிளகாய்ப்பொடி - ஒரு தேக்கரண்டி
மஞ்சள் தூள் - அரை தேக்கரண்டி
மல்லித்தூள் - அரை தேக்கரண்டி
சாம்பார் பொடி - ஒரு தேக்கரண்டி
தேங்காய் - 2 சில்
பூண்டு - 5 பல்
சின்ன வெங்காயம் - 10
புளி - நெல்லிக்காய் அளவு
தக்காளி - 2
பச்சைமிளகாய் - 2
உப்பு - தேவையான அளவு
எண்ணெய் - 2 தேக்கரண்டி
தாளிக்க:
கடுகு, உளுத்தம் பருப்பு - ஒரு தேக்கரண்டி
சீரகம் - அரை தேக்கரண்டி
பெருங்காயம் - ஒரு தேக்கரண்டி
கறிவேப்பிலை - ஒரு கொத்து


 

குக்கரில் பருப்புகள் மூன்றையும் கழுவிப்போட்டு, மஞ்சள் தூள், தக்காளி ஒரு கிளாஸ் தண்ணீர் சேர்த்து வேகவிடவும். அரிசியை கழுவி 10 நிமிடம் ஊறவைக்கவும்.
தேங்காய், பூண்டு, 6 வெங்காயம் ஆகியவற்றை அரைத்து பருப்பில் போடவும். பருப்பு பாதி வெந்தவுடன் அரிசியை போட்டு, மிளகாய்ப்பொடி, மல்லிப்பொடி, சாம்பார் பொடி போட்டு புளித்தண்ணீருடன் 5 கிளாஸ் தண்ணீர் சேர்த்து வேகவிடவும்.
ஒரு கடாயில் எண்ணெய் விட்டு கடுகு, உளுத்தம் பருப்பு, சீரகம், வெந்தயம், பெருங்காயம் போட்டு பொரிந்தவுடன், 4 சின்ன வெங்காயத்தை நறுக்கி கறிவேப்பிலையுடன் சேர்த்து வதக்கி பருப்பில் கொட்டவும்.
உப்பு போட்டு கிளறி குக்கரை மூடி 3 விசில் வைத்து, 10 நிமிடம் சிறு தீயில் வைத்து இறக்கவும்.


மேலும் சில குறிப்புகள்


Comments

This is really good site for the cooking