பாலக் பச்சைப்பயிறு (பாசிப்பயிறு) மசியல்

வழங்கியவர்:

தேதி: January 15, 2008

பரிமாறும் அளவு: 4 நபர்களுக்கு.

ஆயத்த நேரம்: 10 நிமிடங்கள்

சமைக்கும் நேரம்: 30 நிமிடங்கள்

மொத்த நேரம்: 40 நிமிடங்கள்

பச்சைப்பயிறு (பாசிப்பயிறு) - 100 கிராம்,
பாலக்கீரை - 20,
பெரிய வெங்காயம் - 2,
பச்சை மிளகாய் - 2,
சீரகம் - 1 தேக்கரண்டி,
இஞ்சி - 1 அங்குல துண்டு,
பூண்டு - 8 பல்,
பெருங்காயம் - சிறிது,
எலுமிச்சை சாறு - 1 தேக்கரண்டி,
மஞ்சள் தூள் -1/2 தேக்கரண்டி,
உப்பு - தேவையான அளவு,
எண்ணெய் - 1 ஸ்பூன்.

பச்சைப்பயிறை லேசாக வறுத்து, இரண்டாக உடைத்து தோல் நீக்கி வைக்கவும். (மிக்ஸியில் போட்டு ஒரு ஓட்டு ஓட்டினால் உடைந்து விடும்)
உடைத்த பயிறை 2 டம்ளர் தண்ணீர் சேர்த்து, குழைய வேக வைக்கவும்.
கீரை, வெங்காயம், பூண்டு, இஞ்சியை பொடியாக நறுக்கவும்.
பச்சை மிளகாயை விதை நீக்கி, பொடியாக நறுக்கவும்.
வாணலியில் எண்ணெய் விட்டு, சீரகம், பெருங்காயம் தாளித்து, நறுக்கிய வெங்காயம், பச்சை மிளகாய் சேர்த்து நன்கு வதக்கவும்.
நன்கு வதங்கிய பின், இஞ்சி, பூண்டு சேர்த்து வதக்கவும்.
1/2 நிமிடம் கழித்து வேகவைத்த பயிறு சேர்க்கவும்.
கொதிக்க ஆரம்பிக்கும் போது, கீரை, உப்பு, மஞ்சள் தூள், எலுமிச்சை சாறு சேர்த்து, ஒரு கொதி விட்டு இறக்கவும்.

சூடான சாதத்தில் நெய் விட்டு சாப்பிடலாம். சப்பாத்திக்கும் தொட்டுக் கொள்ள நன்றாக இருக்கும்.

மேலும் சில குறிப்புகள்

முடக்கற்றான் கீரை ரசம்

க்ரீன் சூப்

வாழைப்பூ கீரைப் பொரியல்

முடக்கத்தான் தோசை

பொன்னாங்கண்ணிகீரை சூப்

முளைக்கீரை மசியல்

பருப்புகீரை பொரியல்

அரைக்கீரை புளிக்கடைசல்

முளைக்கீரை சட்னி

கொத்தமல்லி புலவு

Comments

செல்விமா

Permalink pradeebala - January 23, 2008 - 21:35

செல்விமா நேற்று பாலக் பாசிப்பயிறு மசியல் செய்தேன்.என்னிடம் பாசிப்பயிறு இல்லாததால் பாசிப்பருப்பு யூஸ் பண்ணினேன்.நன்றாக இருந்தது.நன்றி
அன்புடன் தீபு

டேஸ்ட்டி பாலக் பாசிப்பயிறு மசியல்!

Permalink Susri27 - November 25, 2008 - 08:34

செல்வியக்கா,
இன்னைக்கு லன்ச்-க்கு உங்க பாலக் மசியல் செய்து சாதத்துடன் சேர்த்து சாப்பிட்டோம். சூப்பர் டேஸ்ட்! அத்தனையும் காலி!! சப்பாத்தியுடன் சாப்பிட்டு பார்க்க இன்னொரு முறைதான் செய்ய வேண்டும் போல... : )
டிபரென்டான, டேஸ்ட்டியான இந்த குறிப்புக்கு நன்றி அக்கா!

அன்புடன்,
ஸ்ரீ

அன்புடன்
சுஸ்ரீ

பாலக் பாசிப்பயிறு மசியல்...

Permalink senthamizh selvi - November 25, 2008 - 19:19

அன்பு ஸ்ரீ,
பாராட்டுக்கு நன்றி. சாதத்திற்கு, சப்பாத்திக்கு எல்லாத்துகுமே இது பொருந்தும், புதுசா செஞ்சு யாரும் சாப்பிடலேன்னா தான் கஷ்டம், காலியானா சந்தோஷம் தானே.
அன்புடன்,
செல்வி.

அன்புடன்,
செல்வி.

சாரி தீபு....

Permalink senthamizh selvi - November 25, 2008 - 19:22

அன்பு தீபு,
வெரி சாரி, நீ கொடுத்த பின்னோட்டத்த நான் இப்ப தான் பாக்கிறேன். நீயாவது சொல்லியிருக்கலாம்ல. வீடு கட்டற பிசில கவனிக்கல. சாரிமா. பாராட்டுக்கு நன்றி.
அன்புடன்,
செல்வி.

அன்புடன்,
செல்வி.

செல்விமா

Permalink pradeebala - November 25, 2008 - 20:29

செல்விமா எப்படி இருக்கீங்க?இதுக்கு போய் எதுக்கு சாரி எல்லாம் கேக்கறீங்க.வேணும்னா நான் வரப்ப ஒரு சாரி(சேலை) வாங்கிக்கரேன் உங்ககிட்ட ஓகேவா
அன்புடன் பிரதீபா