பட்டாணி உருளைக்கிழங்கு கறி

தேதி: February 28, 2008

பரிமாறும் அளவு: 2 நபர்களுக்கு.

ஆயத்த நேரம்: 10 நிமிடங்கள்

சமைக்கும் நேரம்: 30 நிமிடங்கள்

மொத்த நேரம்: 40 நிமிடங்கள்

3
Average: 3 (2 votes)

 

பச்சைப் பட்டாணி - 1 கப் (200 கிராம்),
உருளைக்கிழங்கு - 2,
தக்காளி - 2,
பச்சை மிளகாய் - 2,
தயிர் - 1 மேசைக்கரண்டி,
தனியாத்தூள் - 1 தேக்கரண்டி,
கரம் மசாலா - 1/2 தேக்கரண்டி,
எண்ணெய் - 2 மேசைக்கரண்டி,
உப்பு - தேவையான அளவு.
அரைக்க:
======
பெரிய வெங்காயம் - 1,
பூண்டு - 3 பல்,
இஞ்சி -சிறிது,
பட்டை - சிறிது,
கிராம்பு - 1,
ஏலக்காய் - 1,


 

உருளைக்கிழங்கை தோல் சீவி, சதுரத் துண்டுகளாக நறுக்கி வைக்கவும்.
தக்காளியை மிக்ஸியில் அரைத்து வைக்கவும்.
பச்சை மிளகாயை நறுக்கி வைக்கவும்.
அரைக்க கொடுத்துள்ளவைகளை அரைத்து வைக்கவும்.
வாணலியில் எண்ணெய் விட்டு அரைத்த மசாலா, பச்சை மிளகாய் சேர்த்து வதக்கவும்.
மசாலா நன்கு வதங்கியதும், தக்காளி விழுது, தயிர் சேர்த்து வதக்கவும்.
நன்கு வதங்கி, எண்ணெய் பிரிவது போல் வரும் போது, தனியாத்தூள், கரம் மசாலா, உப்பு சேர்த்து வதக்கியபின், உருளைக்கிழங்கு, பட்டாணி சேர்த்து வதக்கி 2 டம்ளர் தண்ணீர் சேர்த்து வேக வைக்கவும்.
உருளைக்கிழங்கும், பட்டாணியும் வெந்து கிரேவி திக்கானதும் இறக்கவும்.


சப்பாத்தி, நாண், புல்கா, ரொட்டி எல்லாவற்றிற்கும் பொருந்தும்.

மேலும் சில குறிப்புகள்


Comments

வணக்கம் மேடம்
நேற்று சப்பாத்திக்கு இதை செய்தேன்.மிகவும் சுவையாக இருந்தது.சப்பாத்திக்கு பொருந்தும் மேலும் சில குறிப்புகள் தந்தால் பயனுள்ளதாக இருக்கும்
நன்றி மேடம்
சுதாஸ்ரீ

sudhasri

அன்பு சுதாஸ்ரீ,
நான் கொடுத்துள்ள குறிப்புகளிலேயே நிறைய இருக்கு. இருந்தாலும் இன்னும் தருகிறேன். பாராட்டுக்கும், ஊக்கத்திற்கும் நன்றி.
அன்புடன்,
செல்வி.

அன்புடன்,
செல்வி.

செல்விஅக்கா உங்களுடைய குறிப்பில்
பட்டாணி உருளைக்கிழங்கு கறி மிக மிக சுவையாக இருந்தது அத்துடன் இப்படிப்பட்ட சுவையான குறிப்பை தந்ததிற்கு உங்களுக்கு என் நன்றியை தெரிவிக்கின்றேன் .

அன்புடன்
துஷ்யந்தி கலைவேந்தன்

"முயற்சியுடையோர் இகழ்ச்சியடையார்"