தேவையானப் பொருட்கள்
- பாஸ்ரா - 1/2 கிலோ
- குடைமிளகாய் - மூன்றிலும் பாதியளவு
- (சிவப்பு,மஞ்சள்,பச்சை)
- காரட் - 1
- பச்சை பட்டாணி(புரோசன்) - 1/2 டம்ளர்
- சோளம்(புரோசன்) - 1/2 டம்ளர்
- ஸ்பிறவுட்ஸ் -10
- செத்தல் மிளகாய் - 4
- பெரிய வெங்காயம் - 1
- உள்ளி, இஞ்சி பேஸ்ட் - 1 தேக்கரண்டி
- சோயா சோஸ் - 2 மேசைக்கரண்டி
- சுவீட் சில்லி சோஸ் - 1 மேசைக்கரண்டி
- உப்பு - தேவைக்கு
- எண்ணெய் - வதக்க
செய்முறை
- ஒரு பாத்திரத்தில் பாஸ்ரா மூழ்கக்கூடிய அளவிற்கு தண்ணீர் எடுத்து நன்கு கொதிக்க விடுங்கள், கொதித்ததும் உப்பு சேர்த்து பாஸ்ராவை போட்டு ஒரு மேசைக்கரண்டி எண்ணெய் அல்லது மாஜரின் போடவும்.
- பாஸ்ரா அவிந்ததும் (8-10 நிமிடங்கள்) வடித்து, பின் குளிர்நீர் விட்டு வடித்து, ஒரு தட்டில் பரவி வையுங்கள்.
- மரக்கறிகளை ஓரளவு சிறிய துண்டுகளாக வெட்டி கொஞ்சம் உப்பிட்டு வையுங்கள்.
- பச்சை பட்டாணி, சோளம் இரண்டையும் குளிர் நீக்கி வைத்துக் கொள்ளுங்கள்.
- மிளகாயை மூன்று அல்லது நான்கு துண்டுகளாக வெட்டி, விதைகளை வெளியே கொட்டி விடவும்.
- வெங்காயத்தை சிறிய துண்டுகளாக வெட்டி, இரண்டையும் சேர்த்து ஒரு நாண் ஸ்டிக் பாத்திரத்தில் எண்ணெய் விட்டு வதக்கவும்.
- வதங்கியதும், உள்ளி, இஞ்சி பேஸ்ட் சேர்த்து கிளறி, மரக்கறிகளை கொட்டி பிரட்டி, 2 நிமிடங்களுக்கு மூடி விடவும்.
- பின்னர் சோளம், பட்டாணி சேர்க்கவும்.
- மெதுவாக பிரட்டி விடவும். காரட் அவிந்த பதம் வந்ததும், பாஸ்ராவை கொஞ்சம் கொஞ்சமாக போட்டு பிரட்டவும்.
- இப்போ சோயா சோஸ் சேர்த்து பிரட்டி, உப்பைச் சரி பார்த்துக் கொள்ளுங்கள்.
- குக்கரால் இறக்கி சுவீட் சில்லி சோஸ் சேர்த்து விடுங்கள்.
குறிப்பு
வதக்குதல் தொடங்கி முடியும் வரை நெருப்பை குறைத்தே வைத்துக் கொள்ளுங்கள். மரக்கறிகள் நன்கு வதங்க வேண்டியதில்லை. இப்போ கடைகளில் பல வடிவங்களில் பல நிறங்களில் பாஸ்ரா கிடைக்கிறது. எனவே 3,4 நிறங்கள், வடிவங்களை கலந்தெடுங்கள். பாஸ்ரா ஒன்றுடனொன்று ஒட்டியபடி இருந்தால், கையில் குளிர் நீரைத் தொட்டு பிரித்துக் கொள்ளலாம்.(ஸ்பிறவுட்ஸ் என்பது எலுமிச்சை அளவில் இருக்கும் சிறியவகைக் கபேஜ்(கோவா)).
பரிமாறும் அளவு
| ஆயத்த நேரம்
| சமைக்கும் நேரம்
|
|
3 நபர்களுக்கு |
15 நிமிடங்கள் |
10 நிமிடங்கள் |