தேவையானப் பொருட்கள்
- சிக்கின் தை -10
- (அல்லது எலும்பு குறைந்த 2 அங்குல நீளமான துண்டுகளாக வெட்டவும்)
- கறித்தூள் - 1 மே.க
- உள்ளி,இஞ்சி பேஸ்ட் - 1 மே.க
- சோளன் மா - 1/2 கப்
- உருளை கிழங்கு மா - 1/2 கப்
- தேசிக்காய் -பாதி
- வெள்ளை மிளகு தூள் - 1/2 தே.க
- உப்பு
- பொரிப்பதற்கு எண்ணெய்.
செய்முறை
- சிக்கின் துண்டுகளை தோல் நீக்கி சுத்தம் செய்து, வெளிப்பகுதியை கூரான கத்தியால் கீறி அடையாளங்கள் போடவும்
- தேசிச் சாறு, உப்பு, கறித்தூள், பேஸ்ட் இவற்றை ஒன்றாகக் குழைத்து, அதில் சிக்கின் துண்டுகளை நன்கு பிரட்டி எடுத்து, ஒரு மணிநேரம் ஊற வைக்கவும்.
- இருவகை மாவையும், மிளகு தூளையும் கலந்து ஒரு தட்டில் வைத்துக்கொள்ளவும்.
- fryer தான் நல்லது. அல்லது, சிக்கின் மூழ்கக்கூடிய அளவு எண்ணெய் விட்டு கொதித்ததும் அடுப்பை குறைத்து வைத்துக்கொள்ளவும்
- சிக்கின் துண்டுகளை மாவில் மெதுவாக பிரட்டி எடுத்து, உடனேயே எண்ணெயில் போடவும்
- நெருப்பைக் குறைத்து நன்கு பொன்னிறமாகும்வரை பொரிக்கவும்.
- நெருப்பு அதிகமானால் வெளிப்பகுதி உடனே கறுத்துவிடும்,உள்ளே சிக்கின் அவியாது. எனவே நெருப்பைக் குறைத்து மெதுவாக பிரட்டிப் பிரட்டிப் பொரித்தெடுக்கவும்.
- இது KFC சிக்கினை விட சுவையாக இருக்கும்.
குறிப்பு
நெருப்பைக் குறைத்து வைக்கவும். பொரிக்கிறபோது, ஒன்றுக்குமேல் ஒன்றாகப் போடக்கூடாது.
எண்ணெயில் போடும்போதுதான் மாவைப் பிரட்டவும், அதிகம் அமத்திப் பிரட்ட வேண்டாம். மெதுவாகப் பிரட்டினால் போதும்.
பரிமாறும் அளவு
| ஆயத்த நேரம்
| சமைக்கும் நேரம்
|
|
4 நபர்கள் |
70 நிமிடங்கள் |
30 நிமிடங்கள் |