செய்முறை

• உருளைக்கிழங்கை வேக வைத்து, தோலுரித்து, அதனுடன் உப்பு சேர்த்து, கட்டி இல்லாமல், நைசாக பிசைந்து வைக்கவும்.
• பனீரை துருவி, பொடியாக நறுக்கிய பச்சை மிளகாய், முந்திரி, திராட்சையுடன் கலந்து நெல்லிக்காயளவு உருட்டி வைக்கவும்.
• உருளைக்கிழங்கு கலவையை பெரிய எலுமிச்சை அளவு உருண்டை எடுத்து, ஒரு பனீர் உருண்டையை உள்ளே வைத்து, மூடி, கோஃப்தாக்களாக செய்யவும்.
• மைதாவை தண்ணீரில் கரைத்து வைக்கவும்.
• வாணலியில் எண்ணெயை விட்டு காய்ந்தவுடன், செய்து வைத்த கோஃப்தாக்களை மைதா கரைசலில் முக்கி, ரொட்டித்தூளில் புரட்டி, எண்ணெயில் பொரித்து எடுக்கவும்.
• வெங்காயத்தை பொடியாக நறுக்கவும்.
• முந்திரி, கசகசாவை வெதுவெதுப்பான பாலில் 1/2 மணி நேரம் ஊற வைத்து, நைசாக அரைக்கவும்.
• வாணலியில் வெண்ணெயை போட்டு, உருகியவுடன், வெங்காயம் சேர்த்து வதக்கவும்.
• வெங்காயம் நன்கு வதங்கியதும், தனியா தூள், மிளகாய் தூள், அரைத்த கலவை, உப்பு சேர்த்து கொதிக்க விடவும்.
• நன்கு கொதித்ததும் இறக்கவும்.
• கோஃப்தாக்களை அடுக்கி, க்ரேவியை மேலாக விட்டு, க்ரீமை ஊற்றி அலங்கரிக்கவும்.