www.arusuvai.com

செய்முறை

• பூண்டு சிறிய பற்களைக் கொண்டதாக தேர்வுச் செய்துக் உரித்து வைக்கவும், கழுவ வேண்டாம் தண்ணீர் படக்கூடாது.இஞ்சியை நீளவாக்கில் மெல்லியதாக நறுக்கிவைக்கவும்.
• சுத்தமான பீங்கான் குப்பி அல்லது செராமிக் ஜாடியில் உரித்த பூண்டுகளப் போட்டு உப்பைச் சேர்த்து கலக்கவும்.
• பிறகு எலுமிச்சைச் சாற்றை அதில் சேர்த்து கலக்கி மூடி வைத்து, குறைந்தது இரண்டு நாளைக்கு ஊறவிடவும்.
• பின்பு ஊறுகாயை தாளிக்கும் நாளில் மிளகாய்த்தூளைச் சேர்த்து நன்கு கலக்கவும்,காரம் மேலும் தேவையென்றால் மேலும் சேர்த்துக் கொள்ளலாம்.
• சட்டியில் எண்ணெயை காயவைத்து கடுகைப் போட்டு நன்கு பொரியவிடவும்,பின்பு சீரகம் வெந்தயத்தைச் சேர்த்து சிவக்க வறுபட்டவுடன் மஞ்சத்தூள், பெருங்காயத்தூளைச் சேர்த்து கலக்கவும்.
• தொடர்ந்து இஞ்சி மற்றும் கறிவேப்பிலையைப் போட்டு உடனே பூண்டு கலவையைக் கொட்டி கிளறி அடுப்பை நிறுத்திவிடவும்.
• அப்படியே சட்டியிலேயே ஊறுகாயை நன்கு ஆறவிட்டு மீண்டும் குப்பியில் போட்டு மூடிவைக்கவும்.ஒரு வாரம் கழித்து பயன்படுத்தினால் சுவை கூடியிருக்கும்.

குறிப்பு

எந்த ஊறுகாயின் மீதும் எண்ணெய் நிற்குமாறு இருந்தால் நீண்ட நாட்களுக்கு கெடாமல் இருக்கும்.

ஆயத்த நேரம்	சமைக்கும் நேரம்
இரண்டு நாட்கள்	ஐந்து நிமிடங்கள்