மீன் மஞ்சூரியன் மற்றும் ப்ரெட் டோஸ்ட்

தேதி: March 12, 2008

பரிமாறும் அளவு: 3 நபர்களுக்கு

ஆயத்த நேரம்: 10 நிமிடங்கள்

சமைக்கும் நேரம்: 30 நிமிடங்கள்

மொத்த நேரம்: 40 நிமிடங்கள்

No votes yet

 

ஏதாவது பெரிய வகை மீன் - 10 துண்டுகள்
மிளகாய் தூள் - அரை தேக்கரண்டி
மஞ்சள் தூள் - அரை தேக்கரண்டி
உப்பு - தேவையான அளவு
எண்ணெய் - 6 தேக்கரண்டி
கிரேவிக்கு :
எண்ணெய் - மீனை பொரித்து மீதமாகும் எண்ணெய்
பொடியாக நறுக்கிய பூண்டு - 7 பல்
நறுக்கிய வெங்காயம் - 3
நறுக்கிய குடை மிளகாய் - 1/2
தக்காளி சாஸ் - 4 தேக்கரண்டி
கறிவேப்பிலை - 8 இலைகள்
ப்ரெட் டோஸ்டிற்கு:
ப்ரெட் - ஒரு பாக்கெட்
நெய் - 3 தேக்கரண்டி


 

முதலில் மீனில் மஞ்சள் தூள், மிளகாய் தூள், உப்பு சேர்த்து பிரட்டி ஒரு மணிநேரம் வைத்து பின் அதிலிருந்து 2 துண்டு மீனை மட்டும் முள் நீக்கி தனியே வைக்கவும்.
மீதமுள்ள 8 துண்டு மீனையும் எண்ணெயில் மொறுகாமல் முக்கால் பாகம் வேகும் அளவுக்கு பொரித்து எடுத்து வைக்கவும்.
இப்பொழுது மீதமுள்ள எண்ணெயில் பூண்டு போட்டு 2 நிமிடம் வறுத்து(கரியக் கூடாது) அதில் வெங்காயம், கறிவேப்பிலை போட்டு நன்கு வதக்கி வெங்காயம் நன்கு வெந்து வதங்கியதும் குடைமிளகாயும் சேர்த்து மேலும் 5 நிமிடம் வதக்கவும்.
பின் தக்காளி சாஸ் சேர்த்து வதக்கவும். சாஸ் சேர்த்ததும் ஒரு மாதிரி வாடை வருவது போல தோன்றும். பயப்பட வேண்டாம் 2 நிமிடம் வெங்காயக் கலவையுடன் கலந்து வதங்கியதும் அந்த வாடை போய் நல்ல மஞ்சூரியன் மணம் வரும்.
பிறகு அதில் தனியே வைத்த முள் இல்லாத மீன் துண்டுகள் சேர்த்து உடைத்து விடவும்.
அதில் ஒரு ஸ்பூன் கார்ன் ஃப்ளாரை 3/4 கப் தண்ணீரில் கரைத்து ஊற்றி கொதிக்க விடவும். தேவையான அளவுக்கு உப்பும் சேர்த்துக் கொள்ளவும். இப்பொழுது நன்கு 10 நிமிடம் கொதித்ததும் பொரித்து வைத்த மீனையும் சேர்த்து மிதமான தீயில் 3 நிமிடம் கொதிக்க விட்டு இறக்கவும்.
இது சூடாக சாப்பிடுவதை விட ஒரு மணிநேரத்திற்கு பின் சாப்பிட்டால் சுவையாக இருக்கும்.
ப்ரெட் டோஸ்டிற்கு தவாவில் கால் தேக்கரண்டி நெய்யை சுற்றி தடவி அதில் 3 ஸ்லைஸ் ப்ரெட் வைத்து ஒரு நிமிடம் இருபுறமும் திருப்பி விட்டு சுட்டு எடுத்து சூடாகவே கிரேவியுடன் பரிமாறவும். மிகவும் சுவையாக இருக்கும்.


இந்த மஞ்சூரியனுடன் பரோட்டா, ரொட்டி, நாண் முதலியவை பொருந்தும் இருந்தாலும் பிரெட் டோஸ்ட் இன்னும் சூப்பராக இருக்கும். திடீரென செய்து விருந்தினரை அசத்தி விடலாம்.

மேலும் சில குறிப்புகள்