உங்கள் குறிப்புகளில் அளவு ஏன் குறிப்பிடவில்லை? சரியான அளவுகள் கொடுத்த்தால் எல்லோரும் பயனடைவார்கள்.

திரு. குலசை சுல்தான் அவர்களுக்கு,

கூட்டாஞ்சோறு அங்கத்தினராக இணைக்கும்போதே நாங்கள் குறிப்பிடும் முக்கிய விதி, தேவையானப் பொருட்களுக்கு மிகச் சரியான அளவுகள் கொடுக்க வேண்டும் என்பதுதான். அது உப்பாய் இருந்தாலும்கூட தேவையான அளவு என்று குறிப்பிடாதீர்கள். நீங்கள் என்ன அளவு பயன்படுத்துவீர்களோ அதை இங்கே கொடுங்கள். மற்றவர்கள் கூடவோ குறையவோ பயன்படுத்துவார்கள் என்பதை பற்றி கவலை வேண்டாம். அந்த குறிப்பினை கொடுக்கும் நீங்கள் அதற்கு என்ன அளவில் பொருட்களை பயன்படுத்துவீர்களோ அந்த அளவினை மறக்காமல் குறிப்பிடவும்.

அறுசுவையை பார்வையிடுவோரை மூன்று விதமாக பிரிக்கலாம்.

1. சமையல் நன்கு அறிந்தவர்கள்
2. ஓரளவிற்கு அறிந்தவர்கள்
3. ஒன்றுமே அறியாதவர்கள்

இவர்கள் அனைவரையும் உங்கள் குறிப்பு சென்று சேர வேண்டும். அதற்கு எல்லோரும் செய்து பார்க்கும் வண்ணம் சரியான அளவுகளுடன் குறிப்பை கொடுப்பதுதான் ஒரே வழி.

அளவுகள் குறித்த ஒரு சகோதரியின் கேள்விக்கு சமையல் நன்கு தெரிந்த உங்களுக்கு அளவுகள் தெரியாதா என்று பதில் கேள்வி எழுப்பி இருந்தீர்கள். அப்படி பார்த்தால் சமையல் நன்கு தெரிந்தவர்களுக்கு நீங்கள் கொடுக்கும் குறிப்பும் ஏற்கனவே தெரிந்திருக்குமே.. :-)

தயவுசெய்து அளவுகளை மறவாமல் குறிப்பிடுங்கள்.

குறைகளை சுட்டி காட்டியமைக்கு நன்றி. இனி வரும் குறிப்புகளில் சரியான அளவினை அளிக்கிறேன்.

வீழ்வதில் வெட்கப் படாதே! மீண்டு எழுவதில் தான் வெற்றி காண்பாய்....