செல்வியக்கா குறிப்பிற்கு மிக்க நன்றி. கேட்டதற்காக தேடிக் கண்டுபிடித்து தந்துவிட்டீங்கள். மிக்க நன்றி. செய்துவிட்டு மிகுதி.

நன்றி,
எண்ணம் அழகானால் எல்லாம் அழகாகும்

அன்பு அதிரா,
உண்மையில் தேடித்தான் எடுத்தேன். நாங்கள் ஊரில் இருந்த போது பக்கத்திலேயே பேக்கரி. அடிக்கடி செய்து விடுவேன். இப்ப ஓவன் இருந்து முடியலை. முயற்சியுங்கள். முதல் முறை பிழை வந்தாலும் நமக்கே தெரிந்து விடும், எங்கே தவறென்று, பிறகு பழக்கத்திற்கு வந்துவிடும்.
அன்புடன்,
செல்வி.

அன்பு சகோதரர் குலசை சுல்தான் அவர்களுக்கு,
நலமா? நான் தங்களுடன் பேசுவது இதுதான் முதல் முறை. தங்களின் குறிப்புகள் தெளிவாகவும், நன்றாகவும் உள்ளன. வாழ்த்துக்கள்.
இங்கு (பாண்டியில்) கேக் கூட பெரிய அளவில் செய்வதாக இருந்தால், நாம் கேக் கலவை செய்து கொடுத்தால், பேக் செய்து தருவார்கள். அங்குமே ரொம்ப பெரிய பேக்கரின்னா, பிகு பண்ணுவார்கள். சுமாராக உள்ள பேக்கரியில் பேக் செய்து கொடுப்பார்கள் என நினைக்கிறேன். முயற்சித்து பாருங்கள். நன்றி.
அன்புடன்,
செல்வி.

செல்வியக்கா உங்கள் பாண் செய்தேன். மிகவும் அருமையாக வந்தது. இனி கடையில் வாங்க வேண்டியதில்லை. எனது மகன் சொன்னார், இனி இந்த bread தான் வேணும் என்று. இனி ஆட்டா மாவில் முயற்சிக்கப்போகிறேன். அவண் இருப்பவர்கள், இதே அளவுகளைப் பாவித்துச் செய்துபாருங்கள்.

எனக்கு ஒரு சந்தேகம், நான் பாண் என்று கேட்டபோது யாருக்கும் புரியவில்லையே ஏன்? இலங்கையில் பாண் என்றுதான் தமிழில் சொல்வோம். தமிழ்நாட்டில் எப்படிச் சொல்வீங்கள்?
நன்றி,
எண்ணம் அழகானால் எல்லாம் அழகாகும்

அன்பு அதிரா,
நலமா? பாராட்டுக்கு நன்றி. நான் இந்த முறையில் வாராவாரம் முன்பெல்லாம் செய்து விடுவேன். சுத்தமான, சுகாதாரமான பிரட் கிடைக்கும். நானும் அம்மாவுக்கு சுகர் இருந்ததால், கோதுமை மாவிலும் செய்திருக்கிறேன். நன்றாக வரும்.
ஆமாம், நீங்கள் பாண் என்று கேட்ட போது புரியவில்லை. பிரட் ரெசிபின்னு கேட்டிருந்த போது கூட பிரெட்டால் செய்த குறிப்புகள்னுதான் நான் நினைத்தேன். என் கணவர் தான் விளக்கி அவங்க கேட்டு இருப்பது பிரட் எப்படி செய்வது என்று, நீ பிரட்டினால் செய்யும் குறிப்புகளை கொடுக்கிறாயே என்று சொன்னார். அதன் பிறகுதான் தேடிக் கண்டுபிடித்தேன்.
நன்றி.
அன்புடன்,
செல்வி.

செல்வியக்கா, உங்கள் பிரட் செய்முறையைப் பாவித்து fish bun செய்தேன் சூப்பர்.

என் மாமாவிற்கும் பிறந்தநாள் வாழ்த்துக் கூறியிருந்தீங்கள்.... நன்றி.

நன்றி,
எண்ணம் அழகானால் எல்லாம் அழகாகும்

அன்பு அதிரா,
நலமா? பாராட்டிற்கு நன்றி. இன்னும் சில வகை பிரட் குறிப்பு என்னிடம் இருக்கு. கொடுப்பதற்கான நேரம்தான் என்கிட்ட இல்ல. முடி கொட்டுவதற்கும் நல்ல குறிப்பு என்கிட்ட இருக்கு. தர்றேன்.
அன்புடன்,
செல்வி.

மிகவும் நல்லது செல்வியக்கா நேரம் கிடைக்கிறபோது குறிப்புகளைத் தாருங்கள். நான் குறிப்புகளை வாசிக்கிறபோது சிம்பிளாக இருந்தது. ஆனால் நானும் கூட்டாஞ்சோறில் இணைந்தபின் தான் தெரிகிறது... குறிப்பு கொடுப்பது சிம்பிள் அல்ல, எவ்வளவு கஸ்டமென்பது. நீங்களெல்லோரும் எப்படித்தான் இத்தனை குறிப்புகள் போட்டீங்களோ உண்மையில் அனைவரையும் பாராட்டத்தான் வேண்டும்.

நான் கேட்கவில்லை... அஞ்சலிதான் கேட்டிருந்தா முடிகொட்டுவதற்கு மருந்து... தந்தீங்களே எண்டால் அனைவருக்கும் உபயோகமாக இருக்கும்.

நன்றி,
எண்ணம் அழகானால் எல்லாம் அழகாகும்

இப்ப தான் உங்க ரெசிபிகளை பார்த்தேன். அனைத்தையும் செய்ய ஆசை. ஆனால் நேரம் தான் இல்லை. முடிந்தவரை செய்து உங்களுக்கு பதிவு போடுகிறேன். அதற்கு முன் என்க்கு முடி கொட்டாமல் இருப்பதற்கு என்ன தீர்வு என்று பிளீஸ் சொல்லுங்களேன். நன்றி.

அன்பு அரசி,
கொஞ்சம் உடம்பு சரியில்லாததால் உடனே குறிப்பு கொடுக்க முடியல. இதோ நீங்கள் கேட்ட குறிப்பு.

முடி கொட்டாமல் இருப்பதற்கு:
கறிவேப்பிலை - ஒரு கைப்பிடி, கடுக்காய் தோல் - 1, காய்ந்த நெல்லிக்காய் துண்டு - 4. இந்த மூன்றையும் கால் கப் பால் விட்டு, நைசாக அரைத்து, தலையில் தேய்த்து, அரை மணி முதல் 1 மணி நேரம் வரை ஊற விட்டு, சீயக்காய் தேய்த்து, வாரம் ஒரு முறை குளிக்கவும்.
முடி கொட்டுவது நின்று நன்றாக வளரவும் செய்யும்.
இந்தியாவில் இருப்பதால் நீங்கள் முயற்சித்து பார்க்கலாம். நாட்டு மருந்துக் கடையில் எல்லாம் கிடைக்கும்.

அன்புடன்,
செல்வி.