கத்தரிக்காய் பொரிக்கறி

தேதி: April 9, 2008

பரிமாறும் அளவு:

ஆயத்த நேரம்: 10 நிமிடங்கள்

சமைக்கும் நேரம்: 30 நிமிடங்கள்

மொத்த நேரம்: 40 நிமிடங்கள்

No votes yet

அறுசுவையில் இலங்கை சமையல் குறிப்புகள் வழங்கிவரும் திருமதி. அதிரா அவர்கள் இந்த செய்முறையை வழங்கியுள்ளார். இலங்கையில், குறிப்பாக யாழ்ப்பாணத்தில் எந்த வைபவமானாலும் இந்தக் கறி முதலிடத்தில் இருக்கும்.

 

கத்தரிக்காய் - 2 பெரியது (450 - 500 g)
வெங்காயம் - 1 பெரியது
பச்சை மிளகாய் - 3
உள்ளி - 4 பல்லு
உருண்டைக் கடலை - 1/2 டம்ளர்
பழப்புளி - ஒரு எலுமிச்சைப்பழம் அளவு
பால் - 1/2 டம்ளர் (தேங்காய் பால் எனில் முதல் வடி, பசும்பால் எனில் whole milk)
கறித்தூள் - ஒரு மேசைக்கரண்டி
காரம் மசாலா தூள் - 1 தேக்கரண்டி
உப்பு - 2 தேக்கரண்டி
எண்ணெய் - 400 மில்லி


 

தேவையான பொருட்களை தயாராய் எடுத்து வைத்துக்கொள்ளவும். கடலையை முதல்நாள் இரவே ஊற வைத்துவிடவும்.
கத்தரிக்காயை சிறிய அரைவட்டத் துண்டுகளாக வெட்டி, ஒரு பாத்திரத்தில் நீரெடுத்து 1 தேக்கரண்டி உப்பு போட்டு அதனுள் போடவும். வெங்காயத்தை சிறிய துண்டுகளாக வெட்டிக் கொள்ளவும். பச்சை மிளகாயை இரண்டாகப் பிளந்து வைக்கவும். உள்ளியைத் தட்டி, தோல் நீக்கி வைக்கவும்.
கத்தரிக்காயை மெதுவாக பிழிந்தெடுத்து, பொன்னிறமாகப் பொரித்து, ஒரு பேப்பரில் போடவும். அதேபோல் ஊறிய கடலையையும் பொரித்து (ஓரளவு பொரித்தால் போதும்), ஒரு பேப்பரில் போடவும்.
அடுப்பில் பாத்திரத்தை வைத்து 3 மேசைக்கரண்டி எண்ணெய் விட்டு வெங்காயம், பச்சை மிளகாயை போட்டு வதக்கவும்.
கொஞ்சம் நிறம் மாறியதும், உள்ளியைப் போட்டு வதக்கவும்.
உள்ளியும் வதங்கியதும், அடுப்பை அணைக்கவும் அல்லது பாத்திரத்தை அடுப்பில் இருந்து இறக்கி வைத்து, கறித்தூளைப் போட்டு பிரட்டவும்.
ஒரு டம்ளம் வெந்நீரில் புளியைக் கரைத்து, 1 தேக்கரண்டி உப்பும் சேர்த்து அடுப்பில் வைக்கவும். அடுப்பை எரியவிடவும். (புளி முழுவதையும் கொஞ்சம் கொஞ்சமாக தண்ணி விட்டு நன்கு கரைத்து வடித்தெடுத்து விடவும்).
புளித்தண்ணீர் சூடாகியதும், பாலைச் சேர்த்துக் கொதிக்கவிடவும்.
கொதிவந்ததும், முதலில் கடலையைச் சேர்த்து 2 நிமிடம் பிரட்டவும்.
பின்னர் பொரித்த கத்தரிக்காயைப் போட்டுப் பிரட்டவும்.
நன்கு கிரேவி வற்றியதும். அடுப்பால் இறக்கவும். இறக்குவதற்கு முன் கரம் மசாலா போட்டு பிரட்டவும்.
சுவையான கத்தரிக்காய்ப் பொரிக்கறி இதோ ரெடி. பிறியாணிச் சோற்றுக்கு இது மிகவும் பொருந்தக்கூடிய கறி.


உறுப்பினரது அண்மைக் குறிப்புகள்

இணையான குறிப்புகள்


Comments

Portia Manohar
what is urundai kadalai?

Portia Manohar

உருண்டைக் கடலை என்றால் ஷனா டாலில் (chana dhall ) இது முளுதாக இருக்கும். இதன் பாதிப் பருப்பைத்தான் chana dhall என்பது. எனக்கு உங்கள் ஊரில் எப்படி சொல்வார்கள் எனத் தெரியவில்லை. யாராவது தெரிந்தவர்கள் சொன்னால் நல்லது.

நன்றி,
எண்ணம் அழகானால் எல்லாம் அழகாகும்

நன்றி,
எண்ணம் அழகானால் எல்லாம் அழகாகும்

உருண்டைகடலை என்பது கொண்டைகடலை என்றும் சொல்வார்கள்.இதில் இரண்டுவகை ஒன்று கருப்பு கொண்டைகடலை மற்றொன்று வெள்ளை கொண்டை கடலை. இதில் அதிரா சொல்லி இருப்பது சன்னா தால் வெள்ளை கொண்டைகடலை.

அன்புடன் கதீஜா.

மிக்க நன்றி பதில் கொடுத்ததற்கு.

நன்றி,
எண்ணம் அழகானால் எல்லாம் அழகாகும்

நன்றி,
எண்ணம் அழகானால் எல்லாம் அழகாகும்

உள்ளி என்றால் பூண்டு தானே?
regards
siljavignesh

சில்ஜா, உள்ளி என்றால் பூண்டுதான். பழக்கதோசம் அப்படியே எழுதுகிறேன். இனிமேல் தெரிந்ததெல்லா சொல்லும் சேர்த்து எழுதப்பார்க்கிறேன். இங்கு கடலை போடப் பிடிக்காதவர்கள் தனிக் கத்தரிக்காயிலும் செய்யலாம், அளவில் மாற்றம் செய்யத் தேவையில்லை.

நன்றி,
எண்ணம் அழகானால் எல்லாம் அழகாகும்

நன்றி,
எண்ணம் அழகானால் எல்லாம் அழகாகும்

அதிரா ரொம்ப நன்றி. உடனே பதில் தந்ததற்கு. நான் சமைத்து பார்த்து விட்டு பதில் சொல்கிறேன்.
regards
siljavignesh

Portia Manohar,
Thanks to all for clearing my doubt about urundai kadalai

Portia Manohar

ஹாய் அதிரா சூப்பரா போட்டு உள்ளீர்கள்.
கண்டிப்பா செய்து பார்க்கைறேன். இந்த இடத்தில் இப்ப தான் நுழைய முடிந்தது.
இரண்டு முன்று தடவை பதில் டைப் பண்ணி அனுப்ப முடியாமல் போய் விட்டது.

ஜலீலா

Jaleelakamal

நீங்கதான் விதம் விதமா எத்தனையோ பிறியாணி செய்வீங்களே, அதில் ஒன்றுக்கு இதைச் செய்துபாருங்கள் சூப்பர் பொருத்தமாக இருக்கும்.

நன்றி,
எண்ணம் அழகானால் எல்லாம் அழகாகும்

நன்றி,
எண்ணம் அழகானால் எல்லாம் அழகாகும்

அதிரா நலமா
கண்டிப்பாக பிரியாணி செய்யும் போது செய்து பார்க்கிறேன். என்ன இரட்டையர்கள் நலமா?

ஜலீலா

Jaleelakamal

அதிரா இத்தனை நாள் இந்த கறியை செய்யவில்லையே என்று கவலையாக உள்ளது.அத்தனை அருமை.என்னவர் வீடு மாறிவந்திட்டேனோ என்று கிண்டல் செய்கிறார்.எல்லோருக்கும் பிடித்து விட்டது.இனி அடிகடி செய்வேன் நன்றி

அன்புடன்
ரேணுகா

(\___/)அன்புடன்
(=' . '=) ரேணுகா

ரேணுகா, உங்கள் கணவரிடமும் பாராட்டுப் பெற்றுக்கொண்டீங்களோ. மிக்க நன்றி.

எங்கள் வீட்டில் இந்திய நண்பர்களை விருந்துக்கு அழைத்தால் நிட்சயம் இக்கறி செய்வேன், செய்யாதுவிட்டால் கேட்பார்கள், ஏன் செய்யவில்லையா அந்தக் கறி என்று.

இதில் கடலைக்குப் பதில் நெத்தலிக் கருவவட்டைப் பொரித்துப் போடுங்கள், இன்னும் நல்ல சுவை கிடைக்கும்.

நன்றி,
எண்ணம் அழகானால் எல்லாம் அழகாகும்

நன்றி,
எண்ணம் அழகானால் எல்லாம் அழகாகும்

அதிரா.... ரொம்ப சுவையான கறி. மிகவும் பிடித்திருந்தது. வீட்டில் எல்லாரையும் இலங்கை சமையலில் அசத்தரோம்ல... மிக்க நன்றி. :)

துணிந்தவர் தோற்றதில்லை!!
தயங்கியவர் வென்றதில்லை!!

அன்புடன்,
வனிதா

நன்றி வனிதா...இலங்கைக் குறிப்புக்கள் செய்து அசத்துவதற்கு.

நன்றி,
எண்ணம் அழகானால் எல்லாம் அழகாகும்

நன்றி,
எண்ணம் அழகானால் எல்லாம் அழகாகும்