அதிரசம்

தேதி: May 4, 2008

பரிமாறும் அளவு:

ஆயத்த நேரம்: 10 நிமிடங்கள்

சமைக்கும் நேரம்: 30 நிமிடங்கள்

மொத்த நேரம்: 40 நிமிடங்கள்

4
Average: 3.1 (11 votes)

 

பச்சரிசி - இரண்டு கோப்பை
வெல்லம் - இரண்டு கோப்பை
கசகசா - ஒரு தேக்கரண்டி
பொடித்த ஏலக்காய் - நான்கு
எண்ணெய் - பொரிக்க தேவையான அளவு.


 

அரிசியை குறைந்தது ஒரு மணி நேரம் ஊறவைத்து வடித்து ஒரு கெட்டியான துணியில் கொட்டி உலர்த்தவும்.
அரிசி முழுவதும் காயவிடவேண்டாம் சற்று ஈரமாயிருக்கும்போதே மிக்ஸியில் மையாக பொடித்து பலமுறை ஜல்லடையில் சலித்து, அதில் கசகசா மற்றும் பொடித்த ஏலக்காயையும் சேர்த்து கலக்கி வைக்கவும்.
பிறகு வெல்லத்தில் அரைக்கோப்பை நீரைச் சேர்த்து அடுப்பில் வைத்து கரையவிடவும்.
பின்பு அதை அடிகனமான பாத்திரத்தில் வடிகட்டி அடுப்பில் வைத்து பாகு காய்ச்சவும்.
பாகு கெட்டி பாகு பதத்தில் வந்ததும் அடுப்பை சிம்மில் வைத்து மாவை சிறிது சிறிதாக கொட்டி கிளறவும்.
அனைத்து மாவையும் கிளறிய பின்பு நன்கு ஆறவைத்து மூடி, இரவு முழுவதும் ஊறவைக்கவும்.
அடுத்த நாளன்று இறுகி இருக்கும் பாகை கைகளால் நன்கு பிசையவும், கை சூட்டிலேயே மாவுக் கலவை இளகிவிடும்.
அவற்றை சிறு உருண்டைகளாக உருட்டி எண்ணெய் தடவிய பிளாஸ்டிக் பேப்பரில் வைத்து வடையை விட சற்று மெல்லியதாகத் தட்டி சூடான எண்ணெயில் போடவும்.
அடுப்பை நிதானமாக எரியவிட்டு அதிரசங்களை பொன்னிறமாக பொரித்தெடுக்கவும்.
அதிரசம் சூடாக இருக்கும்போது கெட்டியாக இருக்கும் நன்கு ஆறியபின் பதமாக சாப்டாகிவிடும்.


கிளறிய பாகை ஊறவைக்க நேரமில்லாவிட்டால் மாவு கலவையை நன்கு ஆறவைத்து உடனே அதிரசங்களை தட்டி பொரிக்கலாம். கெட்டிபாகு என்பது ஒரு தட்டில் சிறிது நீரை ஊற்றி, அதில் கொதிக்கும் வெல்லப்பாகை ஒரு சொட்டு ஊற்றி விரலால் தேய்த்தால் கரையாமல் திரண்டு வரும் அந்த பதம் தான் அதிரசத்திற்கு சரியாக இருக்கும், அதுவரை பல முறை இவ்வாறு செய்து பார்க்கவும்.வெல்லம் வாங்கும் போது உருண்டை/மண்டை வெல்லமாக வாங்கி அதை உடைத்து தூளாக்கி அளந்துக் கொள்ளவும்.

மேலும் சில குறிப்புகள்


Comments

வணக்கம், எனக்கு மாவு இருக்கமாக ஆகிவிட்டது கல் போல என்ன செய்வது . என் மனைவிக்கு மிகவும் பிடிததது அதிரசம் . அவருக்கு செய்து தரும் பொருட்டு முயர்ச்சி செய்தென் . தயவு கூர்ந்து பதில் அனுப்பவும்

நன்றி

கோகுல்

எனக்கு ஒரு சந்தேகம் இந்த அதிரசத்திற்க்கு கடையில் விற்க்கும் அரிசி மாவை வைத்து செய்ய்லாமா?

ரெடி மேட் மாவு வேண்டாம்,அதிசரத்திற்க்கு ஈர மாவு தான் சரியாக இருக்கும், கடையில் விற்க்கும் மாவில் செய்தால் அதிரசம் உதிர்ந்து விடும்.ஆகவே அரிசியை ஊறவைத்தே மாவை தயார் செய்யவும்.

நேற்று ஊற வைத்து இன்று அதிரசம் செய்தேன்..ரொம்ப நல்லா வந்து இருக்கு..ருசியோ ருசி சூப்பரோ சூப்பர்..பாராட்டோ பாராட்டு..நன்றியோ நன்றி உங்களுக்கு..என் நீண்ட நாள் கனவு அதிரசம் இன்று என் கையில்..கனவு நிறைவேறியது..சல்லடை இல்லாததால் சலிக்காமல் குருனை இல்லாமலும் அதே சமயம் மாவு சாப்ட்டாக இல்லாமலும் அரைத்தேன்..அது கூட நன்றாக தான் வந்துள்ளது..மீண்டும் நன்றி மனோ ஆன்டி

இந்த அதிரசம் குறிப்பை செய்து பார்த்து பின்னூட்டம் அனுப்பியுள்ள அன்பு சகோதரி சந்தோவிற்கு எனது மனமார்ந்த நன்றியும் பாராட்டுகளும். முதல் தடவையே நன்றாக வந்துள்ளது என்றால் உண்மையிலேயே நீங்கள் ரொம்ப திறமைசாலிதான் கேட்க மகிழ்ச்சியாக இருக்கின்றது நன்றி.

நான் இது தான் முதல் தடவை செய்வது மேடம் ட்ரயல் இன்று செய்து பார்த்தேன், ரொம்ப நன்றாக வந்தது, நன்றி, நன்றி.....
என் மாமியார் வீட்டில் தீபாவளி நோன்பு உண்டு அதற்க்கு அதிரசம் தான் செய்வார்கள், ஆனால் எனக்கு சரியா வராது நான் அப்பம் தான் செய்வேன், இந்த தட்வை உங்க ரெசிப்பி வைத்து செய்தேன் ஸுப்ப்ரா வந்தது நன்றி.......................

மனோஹரி மேம், இதற்கு ஜாஸ்மின் அரிசி பாவிக்கலாமா?
யாராவது தெரிந்தவர்களும் சொல்லுங்கள்.
-நர்மதா :)

ஹாய் manohariஅக்கா எப்படி இருக்கீங்க? உங்க அதிரசம் செய்தேன் ரெம்ப நல்லா இருந்தது:) இதுவரை என் லைஃபில் சாப்பிட்டதே இல்லை:-( அவருக்கு ரெம்ப பிடிக்கும் என் மாமியார் தான் செய்து தருவாங்க இந்த தடவை உங்க ரெசிப்பி செய்தேன் ரெம்ப நல்லா வந்து இருக்கு தேங்ஸ் அக்கா.
ஹாய் நர்மதா எப்படி இருக்கீங்க? உங்க பொண்ணு எப்படி இருக்கா? நான் ஜாஸ்மின் ரைசில் தான் பண்ணினேன் ரெம்ப நல்லா இருக்கு ட்ரை பண்ணுங்க

அன்புள்ள நர்மதா நான் ஜாஸ்மின் அரிசியில் அதிரசம் செய்ததில்லை சாதாரண பச்சரிசியான லாங்கிரைன் ஒயிட் ரைஸில் தான் செய்வதுண்டு. சகோதரி சுவேதா கூறியுள்ளதுப் போல் ஜாஸ்மின் ரைஸில் ட்ரை செய்து பார்க்கவும்.

சுவேதா டியர் அதிரசம் நன்றாக வந்தது மிக்க மகிழ்ச்சியைத் தருகின்றது செய்து பார்த்து பின்னூட்டம் அனுப்பியதற்கும் சகோதரி நர்மதாவிற்கு விரைந்து வந்து உதவி செய்ததற்கும் எனது மனமார்ந்த நன்றி.

அன்பின் ஸ்வேதா, உடனடி பதிலுக்கு மிகவும் நன்றி.
அன்பின் மனோகரி மேம், நான் செய்து பார்த்திட்டு சொல்றன்.
-நர்மதா :)

அன்பின் மனோகரி மேம், நான் இதை முந்தநாளே செய்திற்றன். சுவை மிகவும் நன்றாக இருந்தது. ஆனால் மா கொஞ்சம் கொளகொளப்பாக இருந்தது. உருட்டி பிடிக்க வரவில்லை. கையில் எண்ணெய் தடவித்தான் பிடித்தேன் அதனால் வட்டமாகவும் வரவில்லை. கொஞ்சம் மொருமொருப்பாக வந்தது. ஊரில் சாப்பிட்டிருக்கிறேன். மென்மையாக இருக்கும். நான் பாகு வைத்ததில் ஏதும் பிழையோ தெரியவில்லை. ஆனால் சுவை பிரமாதம். உங்களுக்கு நன்றி.
-நர்மதா :)
மீண்டும் ஒரு முறை செய்து பார்க்கிறேன். ஏதும் டிப்ஸ் இருந்தால் சொல்லுங்கோ. சரியாக வரும் வரை விடும் எண்ணம் இல்லை. :)

மனோகரி மேடம்
இங்க எல்லொரும் அதிரசம் செய்து நல்லா வந்ததுன்னு சொன்னதால நானும் தைரியம்மா முதன் முதலா அதிரசம் செய்லாமுன்னு வெல்லம் வாங்கிட்டுவந்தேன் ஆனால் நம்மூர்ல கிடைகிற மாதிரி வெல்லம் இங்க கிடைக்கல,நம்மூர்ல உருண்டயா முட்டை வடிவத்துல இருக்குமுல்ல ஆனா இங்க வட்டமா நல்லா ரொட்டி மாதிரி இருக்கு இது அச்சு வெல்லமா இல்ல சாதாரண வெல்லமா நான் அச்சு வெல்லத்தை பார்த்ததில்லை அதுதான் ஒரு சந்தேகம்,இந்த வெல்லத்தில் அதிரசம் செய்யலாமா(இந்த வெல்லத்தின் ஷேப் எப்படின்னு சொல்லதெரியல்ல ஏதாவது உளறியிருந்தேனா கஷ்டப்பட்டு புரிஞ்சுக்கிட்டு எனக்கு பதில் சொல்லுங்க.)
அப்புறம் எங்க அம்மா செய்து ஒழுங்கா வராதது இந்த அதிரசம்தான் எங்கம்ம செஞ்சா கடுகடுனு இருக்கும் ஏன் அப்படி ஆகிறதுனும் கொஞ்சம் சொல்லுங்க ஏன்னா நானும் அந்த தப்பை செய்ய கூடாதுன்னு உறுதியா இருக்கேன்.தயவு செய்து பதில் தாருங்கள்.
நன்றி மேடம்.

ஹலோ கவி டியர் எப்படி இருக்கீங்க? தாங்கள் இந்த குறிப்பை செய்து பார்க்க ஆர்வம் கொண்டது மகிழ்ச்சியைத் தந்தது பாராட்டுக்கள். பொதுவாக வெல்லம் ஒன்று உருண்டையாக இருக்கும், மற்றது கட்டியும்தட்டியுமாக தூளாக இருக்கும். இவைகளைத் தான் நான் பாவித்திருக்கின்றேன், ஆனால் தாங்கள் கூறியிருப்பதுப் போல் ரொட்டி மாதிரியாக கிடைக்கும் வெல்லத்தை பார்த்ததில்லை,அங்கிருப்பவர்களையே யாராவது தென்னாட்டவர் இருந்தால் அவர்களைக் கேட்டி அதை உறுதி செய்துக்கொண்டு இந்த குறிப்பை முயற்சி செய்வது நல்லது,நிச்சயம் தவறு நேராது என்றே நம்புகின்றேன். நன்றி.

அன்பின் ம்னோகரி மேம். நான் நலம். மகளும் நல்லா இருக்கிறா. நீங்கள் நலமா. குறிப்பிற்கு மிகவும் நன்றி மேம். செய்து பார்த்திட்டு சொல்லுறன்.
-நர்மதா :)

ஹலோ மனோகரி அக்கா, அதிரசத்திற்கு மாவு சேர்த்து வைத்தேன். அது பாத்திரத்துடன் ஒட்டி விட்டது. மாவை எப்படியோ எடுத்துவிட்டேன். ஆனால் மாவை அதிரசத்திற்கு தட்டுவது போல் தட்ட முடியவில்லை. நல்ல பிசைந்தும் பார்த்துவிட்டேன். மாவு உதிரியாகவே உள்ளது. என்ன செய்வது என்று தெரியவில்லை. அக்கா என்க்கு உடனே ப்ளீஸ் பதில் அனுப்புங்களேன்.

ஸாரி அரசி அதிரசம் சிலருக்கு முதல் முறை செய்யும் போது இப்படி பிரச்சனைகள் வரத்தான் செய்யும், ஆகவே கவலைப்படாதீங்க. மாவு கலவை உதிரியாக இருப்பதென்றால் மாவு நல்ல பொடியாக அரைபட்டிருக்காது என்று நினைக்கின்றேன்,கைகளில் எண்ணெயைத் தடவி பிசைந்து கொஞ்சம் கணமாக தட்ட முடிகின்றதா என்று பாருங்க. எண்ணெயில் போடும் போது பிரிந்தால் தான் பிரச்சனை ஆகவே கலவையை தடியாக தட்டி செய்து பாருங்க நன்றாக வரும்.

ஹலோ மனோகரி அக்கா கனமாகவும் தட்ட முடியவில்லை. எண்ணெயில் போட்டால் இன்னும் பிரிந்து விடும். அதனால் எக்ஸ்ட்ரா பாகு காய்ச்சி ஊத்தி கிளறினால் சரியாகிவிடுமா? எங்க வீட்டில் எல்லோரும் அதிரசம் எப்ப ரெடியாகும் என்று கேட்டுக்கிட்டே இருக்காங்க அதனால் உடனே பதில் அனுப்புங்க பிளீஸ்.

அதிரச மாவுக் கலவையை கணமாக தட்டினாலும் பிரிந்து விடும் என்கிறீர்களா, அதற்காக மேலும் பாகு காய்ச்ச வேண்டாம் அது சரிவராது. அதற்கு பதில் கொஞ்சம் மைதா மாவைப் போட்டு பிசைந்து செய்து பாருங்க இந்த முறை சரியாக வரும் என்று நம்புகின்றேன். அதுவும் சரிவராவிட்டால் கொஞ்சம் தேங்காப் பால் மற்றும் பழம் சேர்த்து கரைத்து அப்பம் அல்லது பணியாரமாக செய்துவிடுங்கள்.நாளைக்கு நான் அறுசுவைக்கு லீவ், மற்றநாளைக்கு தான் வருவேன், அதற்குள் அதிரசம் எப்படி வந்தது, என்ன உருவெடுத்தது என்று தெரிவிக்கவும் சரிங்களா.

அன்பு சகோதரி நர்மதா எப்படி இருக்கீங்க? குழந்தை எப்படி இருக்காங்க? அதிரசம் சரியாக வராததை குறித்து கவலைப் பட வேண்டாம் பழக பழக சரியாக வரும். நீங்கள் கூறியிருப்பதைப் பார்த்தால் மாவின் அளவு போதவில்லை என்று நினைக்கின்றேன்,அதனால் கூட பாகு இளக்கமாக இருந்திருக்கக் கூடும்,வெல்லத்தின் தன்மையை பொருத்து இவ்வாறு ஏற்ப்படக்கூடும். அடுத்த முறை செய்தால் ஒரு கோப்பை அரிசி மாவு அதிகமாக வைத்துக் கொள்ளுங்கள் பாகு கிளறும் போது மிகவும் கெட்டியாக கிளறவும்.மற்றபடி சாதாரணமாக எண்ணெய் தடவித்தான் மாவை தட்ட வேண்டும் அதில் பிழையில்லை.சில நேரத்தில் பாகு முறிந்து விட்டால் கூட அதிரசம் கெட்டியாகி விடும். இவையெல்லாம் பழக்கத்தில் தான் தெரிய வரும் ஆகவே தொடர்ந்து முயற்சி செய்யும்படி கேட்டுக் கொள்கின்றேன் நன்றி.

நன்றி விஜி, அப்படியானால் நீங்க தனிஆளாகவே பெரிய அளவில்கூட அதிரசம் செய்துவிடுவீர்கள் என்று நினைக்கின்றேன் பாராட்டுக்கள்.பின்னூட்டம் அனுப்பியதற்கு மிக்க நன்றி டியர்.

அக்கா நீங்க சொன்னமாதிரி மைதா மாவு சேர்த்து அதிரசம் செய்தேன். ஷேப் வரல. ஆனால் டேஸ்ட் ஆக இருக்கு என்று தம்பி சொன்னான். அக்கா அதிரசம் கொஞ்சம் ROUGH ஆக இருந்தது அது ஏன்? நன்றி அக்கா.

டியர் அரசி அதிரசத்தில் மைதா சேர்த்ததும் பிரியாமல் இருந்ததா?வ்டிவம் எப்படி இருந்தாலும் பரவாயில்லை,எண்ணெயில் போட்டவுடன் உதிராமல் பொரிய வேண்டும்.உங்க தம்பியிடமிருந்தே சான்றிதழ் கிடைத்துவிட்டதென்றால் அப்போ அதிரசம் செய்வதில் எக்ஸ்பர்ட் ஆகிவிடுவீங்கன்னு சொல்லுங்க. மீண்டும் ஒரு முறை செய்து பார்த்தீர்களானால் அதில் வரும் பிரச்சனைகள் களைவதை இன்னும் தெரிந்துக் கொள்ளலாம்.அரிசிமாவுவை நன்கு பொடியாக மைதாமாவு போன்று பொடியாக இருந்தால் அதிரசம் நன்றாக வரும். தங்களின் விடா முயற்சிக்கு என் பாராட்டுக்கள் மீண்டும் நன்றி.

வணக்கம் மேடம்,
அதிரசம் பண்ணினேன், முதல் தடவையே ரொம்ப நல்லா வந்தது மேடம். ரெண்டு நாள் முன்னாடியே பண்ணிடேன். இப்பதான் பதிவு போட முடிந்தது. மன்னிக்கவும்.
be healthy

be healthy

அன்பின் மனோகரி மேம், அதிரசம் இம்முறை நல்லா வந்தது. சுவையும் சூப்பர். ஆனா வட்டமாக வரவில்லை. அடுத்தமுறை எப்படியும் வட்டமாக்கிடுவேன். :). இம்முறாஇ கசகசாவும் சரியாக போட்டேன். போன தடவை சப்ஜா விதை(எங்களூரில் அதுதான் கச கசா) சேர்த்து விட்டேன். :) உங்கள் குறிப்புகள் செய்யும் போது செய்தது. இப்போதுதான் பதிவு போடுகிறேன். மன்னிக்கவும்.
-நர்மதா :)

திருமதி. நர்மதா அவர்கள் இந்த குறிப்பினைப் பார்த்து தயாரித்த அதிரசத்தின் படம்

<img src="files/pictures/aa72.jpg" alt="picture" />