காடை ரோஸ்ட்

தேதி: June 11, 2008

பரிமாறும் அளவு: 4 நபர்களுக்கு

ஆயத்த நேரம்: 10 நிமிடங்கள்

சமைக்கும் நேரம்: 30 நிமிடங்கள்

மொத்த நேரம்: 40 நிமிடங்கள்

No votes yet

 

காடை - 6
பல்லாரி - ஒன்று
பச்சை மிளகாய் - 4
இஞ்சி பூண்டு விழுது - ஒரு மேசைக்கரண்டி
கரம் மசாலாப்பொடி - ஒரு தேக்கரண்டி
சீரகப்பொடி - ஒரு தேக்கரன்டி
மிளகுப்பொடி - ஒரு தேக்கரண்டி
மஞ்சள் பொடி - அரை தேக்கரண்டி
மிளகாய்பொடி - ஒரு தேக்கரண்டி
வினிகர் - 2 மேசைக்கரண்டி
உப்பு - தேவைக்கேற்ப
எண்ணெய் - 100 மி.லி


 

முதலில் காடையை சுத்தம் செய்து துண்டங்கள் போட்டுக் கொள்ளவும்
பின்பு அனைத்து மசாலா பொருட்கள் மற்றும் வினிகர், உப்பு ஆகிய பொருட்களை போட்டு பிசறி ஒரு மணி நேரம் ஊற விடவும்.
பின்பு வெங்காயத்தை நீளவாகில் அரியவும், பச்சை மிளகாயையும் நீளவாக்கில் அரிந்து வைக்கவும்.
பிறகு ஒரு வாணலியில் எண்ணெய் விட்டு காய்ந்ததும் வெங்காயத்தையும் மிளகாயையும் போட்டு பொன்னிறமாக வறுத்து எடுக்கவும்.
பிறகு அதே வாணலியில் பிரட்டி வைத்துள்ள காடையை போட்டு கிளறவும். பச்சை வாசனை போகும் வரை வதக்கி அதில் அரை டம்ளர் தண்ணீர் விட்டு வேக விடவும்.
தண்ணீர் வற்றி வரும் தருவாயில் பொரித்து வைத்துள்ள வெங்காயம், பச்சை மிளகாயை அதன் மேல் தூவவும்.
காடையையும் மசாலாவும் சிவந்த நிறமாகும் வரை பொரித்து எடுக்கவும்.
சுவையான காடை ரோஸ்ட் தயார்.


மேலும் சில குறிப்புகள்