ஃபோ போ(pho bo)

தேதி: July 7, 2008

பரிமாறும் அளவு:

ஆயத்த நேரம்: 10 நிமிடங்கள்

சமைக்கும் நேரம்: 30 நிமிடங்கள்

மொத்த நேரம்: 40 நிமிடங்கள்

No votes yet

பிரான்ஸில் வசித்து வரும் <b> திருமதி. ரஸியா </b> இஸ்லாமிய உணவுகள், சைனீஸ், பிரெஞ்சு உணவுகள் என்று அனைத்திலும் அசத்தக் கூடியவர். ஏராளமான வித்தியாசமான குறிப்புகளைக் கொடுத்துள்ளார். இங்கே ஃபோ போ என்ற ஒரு வித்தியாசமான செய்முறையை படங்களுடன் விளக்குகின்றார் நீங்களும் செய்து பார்த்து கருத்தினை தெரிவிக்கவும். இதன் பெயர் சற்றே வித்தியாசமானது ஃபோ போ (போ என்றால் மாடு) இதே செய்முறையில் கோழியை வைத்தும் செய்யலாம் அதன் பெயர் ஃபோ கா (கா என்றால் கோழி)

 

சூப் செய்வதற்கு:
எலும்பில்லாத மாட்டு இறைச்சி - ஒரு கிலோ
பெரிய வெங்காயம் - ஒன்று
பட்டை - 2
அன்னாசிப்பூ - 6
இஞ்சி - 3 அங்குலத்துன்டு
கேரட் - 2
ஃபிஷ் சாஸ் - தேவையான அளவு
அஜினோமோட்டோ - அரை தேக்கரண்டி
சீனி - ஒரு தேக்கரண்டி
வெங்காயத்தாள் - 4 கொத்து
தண்ணீர் - 2 1/2 லிட்டர்
சூப் உடன் பரிமாறுவதற்கு:
அரிசி நூடுல்ஸ் - ஒரு பாக்கெட்
எலுமிச்சை - ஒன்று
நொகாய் இலை(nhogai) - 6 கொத்து
துளசி இலை - ஒரு கொத்து
வெங்காயத்தாள் - 6 கொத்து
தாய் மிளகாய் - 2
சில்லி சாஸ் - ஒரு தேக்கரண்டி
ஹோய் சின் சாஸ் (hoi sin sause) - ஒரு தேக்கரண்டி
முளைவிட்ட பயிர்(soya) - 100 கிராம்


 

இறைச்சியை பெரிய பெரிய துண்டுகளாக நறுக்கிக் கொண்டு நன்கு சுத்தம் செய்து கழுவிக் கொள்ளவும். வெங்காயத்தை அடுப்பில் லேசாக சுட்டு எடுத்துக் கொள்ளவும். இஞ்சியை தோல் சீவி சிறு சிறு துண்டுகளாக நறுக்கி தட்டி வைத்துக் கொள்ளவும். கேரட்டை மெல்லிய வட்டமான துண்டுகளாக நறுக்கிக் கொள்ளவும். வெங்காயத் தாளை பொடியாக நறுக்கவும்.
ஒரு பெரிய பாத்திரத்தில் 2 1/2 லிட்டர் தண்ணீர் ஊற்றி சூடானதும் அதில் இறைச்சி துண்டுகள், பட்டை, அன்னாசிப்பூ, தட்டி வைத்திருக்கும் இஞ்சி, சுட்ட வெங்காயம் ஆகியவற்றை போடவும்.
பிறகு அதில் உப்பு தேவையான அளவுக்கு பிஷ் சாஸை ஊற்றி இறைச்சியை வேக விடவும். இதில் உப்பு சேர்க்க தேவையில்லை, பிஷ் சாஸில் உள்ள உப்பே இதற்கு போதுமானது. இப்பொழுது அதன் மீது வெள்ளையாக வரும் நுரையை கரண்டியால் எடுத்து விடவும்.
45 நிமிடங்களுக்கு பிறகு இறைச்சி நன்கு வெந்ததும் அதில் நறுக்கின கேரட்டை போட்டு வேக விடவும். கேரட் வெந்ததும் வெங்காய தாள், அஜினோமோட்டோ, சீனி சேர்க்கவும். இப்பொழுது சூப் தயார்.
வெங்காய தாள், துளசி இலை, நொகாய் இலை ஆகியவற்றை பொடியாக நறுக்கிக் கொள்ளவும். சூப்பிலிருந்து கறியை மட்டும் எடுத்து சிறு சிறுத் துண்டுகளாக நறுக்கிக் கொள்ளவும். எலுமிச்சையை 8 துண்டுகளாக நறுக்கிக் கொள்ளவும். முளைவிட்ட பயிரை கழுவி வைத்துக் கொள்ளவும். மிளகாயை பொடியாக நறுக்கி ஒரு கிண்ணத்தில் போட்டு அதனுடன் ஒரு மேசைக்கரண்டி வினிகர் ஊற்றி வைக்கவும். மற்ற தேவையான பொருட்களையும் தயாராக எடுத்துக் கொள்ளவும்.
ஒரு வாயகன்ற பாத்திரத்தில் முக்கால் பாகம் தண்ணீர் ஊற்றி வைத்து கொதிக்க வைக்கவும். கொதித்ததும் அதில் நூடுல்ஸை போட்டு வேக விடவும்.
நூடுல்ஸ் வெந்ததும் எடுத்து தண்ணீரை வடித்து விட்டு குளிர்ந்த நீரில் அலசவும். அலசிய பின்னர் நன்கு குலுக்கி தண்ணீரை வடிய விட்டு அதில் 2 மேசைக்கரண்டி எண்ணெய் ஊற்றி நன்கு பிசறி வைக்கவும். இப்படி செய்வதால் நூடுல்ஸ் ஒட்டாமல் வரும்.
பரிமாறும் முறை: ஒரு கோப்பையில் பாதியளவு நூடுல்ஸை போடவும். அதன் மேல் நறுக்கி வைத்திருக்கும் இறைச்சியை போடவும். மேலே ஒரு தேக்கரண்டி அளவு முளை விட்ட பயறு மற்றும் நறுக்கின இலைகளை தூவவும். இப்போது செய்துவைத்திருக்கும் சூப்பை மேலே ஊற்றவும். அதன் பிறகு சிறிது நறுக்கின மிளகாய், ஒரு தேக்கரண்டி ஹோய் சின் சாஸ் மற்றும் மிளகாய் சாஸ் சேர்த்து இறுதியில் மேலே எலுமிச்சை பழத்தை பிழிந்து விடவும். பரிமாறும் பொழுது தக்காளி சாஸ் மற்றும் ஹோய் சின் சாஸை தனியாக ஒரு தட்டில் வைத்து பரிமாறினால் இறைச்சி சாப்பிடும் போது அதை தொட்டுக் கொள்ளலாம்.

இந்த இலைகள் கிடைக்கவில்லையென்றால் வெங்காயத்தை நீளவாக்கில் மெல்லியதாகவும், கொத்தமல்லி கீரையை பொடியாகவும் நறுக்கி நூடுல்ஸுடன் சேர்த்து சாப்பிடலாம்.


உறுப்பினரது அண்மைக் குறிப்புகள்

இணையான குறிப்புகள்