ஈஸி மட்டன் ப்ரை

தேதி: July 17, 2008

பரிமாறும் அளவு:

ஆயத்த நேரம்: 10 நிமிடங்கள்

சமைக்கும் நேரம்: 30 நிமிடங்கள்

மொத்த நேரம்: 40 நிமிடங்கள்

5
Average: 5 (1 vote)

அறுசுவையில் குறிப்புகள் வழங்கி வரும் திருமதி. ஸாதிகா அவர்கள் நேயர்களுக்காக செய்து காட்டியுள்ள எளிமையான மட்டன் ப்ரை இது. செய்து பார்த்து தங்கள் கருத்துக்களை தெரிவியுங்கள்.

 

எலும்பில்லாத ஆட்டிறைச்சி - 300கிராம்
உருளைக்கிழங்கு - 100 கிராம்
மிளகாய்த்தூள் - 2 டேபிள் ஸ்பூன்
உப்பு - 1 டீஸ்பூன்
எண்ணெய் - 3 டேபிள் ஸ்பூன்
மல்லித்தழை - சிறிதளவு


 

இறைச்சியை சிறிய துண்டுகளாக நறுக்கவும். உருளைக்கிழங்கை தோல் சீவி இறைச்சி அளவுக்கு சிறு துண்டங்களாக நறுக்கிக்கொள்ளவும். தேவையான இதரப் பொருட்களை தயாராய் எடுத்து வைக்கவும்.
இறைச்சியுடம் கால் கப் தண்ணீர் சேர்த்து தனியே வேக விடவும். கூடவே உப்பு சேர்க்கவும்.
கறி சற்று வெந்தவுடன் நறுக்கி வைத்துள்ள உருளைக்கிழங்கு துண்டங்களையும் சேர்த்து வேகவிடவும்.
கறியின் நிறம் மாறி அரை அவியலாக இருக்கும்போதே மிளகாய் தூளையும் சேர்க்கவும்.
எல்லாவற்றையும் நன்கு கிளறிவிட்டு வேகவிடவும்.
நீர் வற்றிக்கொண்டு வரும்பொழுது எண்ணெய் சேர்த்து கிளறவும்.
பின்னர் நறுக்கிய மல்லித்தழை சேர்க்கவும்.
அடுப்பை ஸிம்மில் வைத்து சிறிது நேரம் வேகவிடவும்.
நீர் சத்து எதுவுமில்லாமல் கறியில் எண்ணெய் பிரிந்ததும் அடுப்பில் இருந்து இறக்கி விடவும். மிகவும் சுலபமாக செய்யக்கூடிய இந்த மட்டன் ப்ரை சாதம், சப்பாத்தி, இடியாப்பம் அனைத்துக்கும் பொருத்தமானது. பயணங்களின்போது எடுத்துச் சென்றால் நீண்ட நேரம் கெடாமல் இருக்கும்.


உறுப்பினரது அண்மைக் குறிப்புகள்

இணையான குறிப்புகள்


Comments

சாதிக்கா அக்கா இந்த மட்டன் பிரைக்கு இஞ்சி பூண்டு பேஸ்ட் சேர்க்க தேவையில்லையா?

ஜலீலா

Jaleelakamal

ஜலீலா,இந்த மட்டன் பிரைக்கு இஞ்சி,பூண்டு பேஸ்ட் போடத்தெவை இல்லை.இறைச்சி சிறு துண்டுகளாக இருப்பதால் சீக்கிரம் வெந்துவிடும்.
ஸாதிகா

arusuvai is a wonderful website

ஸாதிகா உங்கலோட இந்த மட்டன் ஃப்ரை நல்லா இருக்கு,கன்டிப்பா வரும் சன்டே செய்யனும் செய்தபிரகும் பின்னூட்டத்தை தருகிரேன்.

மோனி,பின்னூட்டத்திற்கு மிக்க நன்றி.செய்து பார்த்துவிட்டு சொல்லுங்கள்.
ஸாதிகா

arusuvai is a wonderful website