பீட்ரூட் டம்பிள்ங்ஸ்

தேதி: August 13, 2008

பரிமாறும் அளவு: 5

ஆயத்த நேரம்: 10 நிமிடங்கள்

சமைக்கும் நேரம்: 30 நிமிடங்கள்

மொத்த நேரம்: 40 நிமிடங்கள்

No votes yet

 

பீட்ரூட் - 2
துவரம்பருப்பு - 1/2 கப்
கடலை பருப்பு - 1/4 கப்
வரமிளகாய் - 3
வெங்காயம் - ஒன்று (பொடியாக அரிந்தது)
சீரகம் - 1/4 தேக்கரண்டி
பூண்டு - ஒரு பல் (விரும்பினால்)
எண்ணெய் - பொரிப்பதற்கு 1/2 கப்


 

பீட்ரூட்டை தோல் சீவி நன்றாக துருவி வைத்துக் கொள்ளவும்.
பருப்புகளை ஒன்றாக ஊற வைத்து அரைத்து கொள்ளவும்.
வாணலியில் எண்னெய் விட்டு சீரகம் போட்டு தாளித்து விட்டு பூண்டை போடவும். பின் வெங்காயம் போட்டு வதக்கின பிறகு இந்த பருப்பு கலவை போட்டு உப்பு போட்டு பத்து நிமிடம் வதக்கவும்.
கடைசியாக பீட்ரூட் துருவல் போட்டு பிரட்டி எடுக்கவும். நல்ல ஆறின பின் இந்த கலவையை எடுத்து சிறு சிறு உருண்டைகளாக உருட்டி கொதிக்கும் வற்றல் குழம்பிலும் போடலாம் அல்லது புளிகுழம்பிலும்/சூப்பிலும் போடலாம்.
சூடான எண்ணெயிலும் போட்டு பொரித்தும் போடலாம். இதை குழம்பில் போட்டு சூடான சாதத்துடன் சாப்பிடலாம்.
இதை வெறும் ஸ்நாக்காக கூட சாப்பிடலாம்.


இது ஸ்வீட் இருக்கிற காய் ஆனால் இப்படி செய்தால் ஸ்வீட்டே தெரியாது. இது உடம்பிற்கு ரொம்ப நல்லது.
இந்த பருப்பு கலவை+பீட்ரூட் கொஞ்சம் உதிரியாக இருக்க வேண்டும். உதிராக இருந்தால் உருண்டை பிடிக்க நன்றாக வரும்.

மேலும் சில குறிப்புகள்


Comments

இந்த குறிப்பினை பார்த்து திருமதி. அதிரா அவர்கள் தயாரித்த பீட்ரூட் டம்பிளிங்ஸின் படம்

<img src="files/pictures/aa310.jpg" alt="picture" />