ஓட்ஸ் ரோல் ஃப்ரை

தேதி: September 24, 2008

பரிமாறும் அளவு:

ஆயத்த நேரம்: 10 நிமிடங்கள்

சமைக்கும் நேரம்: 30 நிமிடங்கள்

மொத்த நேரம்: 40 நிமிடங்கள்

5
Average: 4.4 (9 votes)

அறுசுவையில் மஹிஸ்ரீ என்ற பெயரில் சமையல் குறிப்புகள் வழங்கி வரும் <b> திருமதி. ஸ்ரீகீதா மகேந்திரன் </b> அவர்களின் குறிப்பு இந்த ஓட்ஸ் ரோல் ஃப்ரை. நீங்களும் இதை செய்து பார்த்து உங்கள் கருத்தினை தெரிவிக்கவும்.

 

ஓட்ஸ் – 2 1/2 கப்
பாசி பருப்பு – 4 டீஸ்பூன் (ஊற வைத்தது)
துருவிய கேரட் – 1/4 கப்
துருவிய வெள்ளரிக்காய் – 1/4 கப்
பொடியாக நறுக்கின பீன்ஸ் – 1/4 கப்
பொடியாக நறுக்கின வெங்காயம் – ஒன்று
பொடியாக நறுக்கின பச்சைமிளகாய் – 2
பொடியாக நறுக்கின தேங்காய் – 2 டேபிள்ஸ்பூன்
பொடியாக நறுக்கின குடைமிளகாய் – ஒன்று
கறிவேப்பிலை – சிறிது
மல்லிஇலை – சிறிது
பூண்டு - பொடியாக நறுக்கியது
மிளகுத்தூள் – ஒரு டீஸ்பூன்
உப்பு – 3/4 டீஸ்பூன்
தக்காளி – ஒன்று
தாளிக்க:
எண்ணெய் - 4 டீஸ்பூன்
கடுகு/உளுந்து – 1/2 டீஸ்பூன்
கடலைப்பருப்பு – ஒரு டீஸ்பூன்


 

காய்கறிகள் மற்றும் வெங்காயத்தை நறுக்கி வைக்கவும். மற்ற தேவையான பொருட்கள் அனைத்தையும் தயாராக எடுத்து வைத்துக் கொள்ளவும்.
வெறும் வாணலியில் ஓட்ஸை போட்டு வாசனை வரும் வரை வறுத்து எடுத்து ஆற வைக்கவும். ஆறியதும் எடுத்து மிக்ஸியில் போட்டு பொடி செய்துக் கொள்ளவும்.
வாணலியில் 2 ஸ்பூன் எண்ணெய் ஊற்றி காய்ந்ததும் கடுகு, உளுந்து, கடலைப் பருப்பு ஆகியவற்றை போட்டு தாளிக்கவும்.
அதில் நறுக்கின வெங்காயத்தில் பாதி அளவு மற்றும் பச்சைமிளகாய் போட்டு வதக்கவும். பின்னர் அதனுடன் பீன்ஸை சேர்த்து 2 நிமிடம் வதக்கவும். வெங்காயம் மற்றும் பீன்ஸ் நன்கு வதங்கியதும் துருவின கேரட், வெள்ளரி சேர்த்து மேலும் 2 நிமிடம் வதக்கவும்.
பிறகு தேங்காய், ஊற வைத்த பாசிபருப்பு, கறிவேப்பிலை சேர்த்து வதக்கவும்.
அதன் பின்னர் அரைத்து வைத்திருக்கும் ஓட்ஸ் மாவை அதில் போட்டு சிறிது தண்ணீர், உப்பு சேர்த்து கலந்து சப்பாத்தி மாவு பதத்தில் பிசைந்து வைத்துக் கொள்ளவும்.
பிசைந்து வைத்த மாவை விரும்பிய வடிவில் செய்து ஆவியில் வைத்து 8 - 10 நிமிடங்கள் வேக வைத்து எடுத்துக் கொள்ளவும். அதை சிறு துண்டுகளாக நறுக்கி வைத்துக் கொள்ளவும்.
தக்காளியை துண்டுகளாக நறுக்கி மிக்ஸியில் போட்டு விழுதாக அரைத்து எடுத்துக் கொள்ளவும்.
வாணலியில் 2 டீஸ்பூன் எண்ணெயை ஊற்றி காய்ந்ததும் மீதமிருக்கும் நறுக்கின வெங்காயம், குடைமிளகாய், பூண்டு சேர்த்து 2 நிமிடம் வதக்கவும்.
பிறகு அரைத்த தக்காளி விழுதை ஊற்றி நன்கு கிளறி விடவும். அதில் கால் டீஸ்பூன் உப்பு, மிளகுத் தூள், வேக வைத்து துண்டுகளாக நறுக்கி வைத்திருக்கும் ஓட்ஸ் கலவையை போடவும்.
அதன் பின்னர் கலவையை நன்கு பிரட்டி விட்டு கெட்டியான பதம் வந்ததும் இறக்கவும்.
கொத்தமல்லி இலையை மேலே தூவி கேரட் ரைத்தாவுடன் பரிமாறவும். சுவையும் ஆரோக்கியமும் நிறைந்த ஓட்ஸ் ரோல் ஃப்ரை தயார்.

ஓட்ஸ் உடம்பிற்கு மிகவும் நல்லது. இதில் நார் சத்து அதிகம் உள்ளதால் உடல் எடையை குறைப்பதற்கு பெரிதும் உதவுகிறது. மேலும் காய்கறிகள், வெள்ளரி சேர்ப்பதால் சத்தான உணவும் கூட. இது பார்ப்பதற்கு மஞ்சூரியன் போல இருப்பதால் அனைவரும் விரும்பி சாப்பிடுவார்கள். இதில் தேங்காய் சேர்க்காமலும் செய்யலாம்.


உறுப்பினரது அண்மைக் குறிப்புகள்

இணையான குறிப்புகள்


Comments

மிகவும் ஆரோக்கியமான குறிப்பு. நன்றி

looks very yummy and colorful..hope kids love this.will try and tell you..thank you very much for posting this wonderful recipe.

உங்கள் பின்னோட்டத்திற்கு நன்றி.செய்து பார்த்து சொல்லவும்.

ஸ்ரீகீதா..........
ஜெய்ஹிந்த்........

ஒட்ஸ் ரோல் ப்ரை ப்ரசென்டேசன் five star அளவுக்கு இருக்கு.பாராட்டாமல் இருக்க முடியலை.great.
என்றென்றும் அன்புடன்,
ஆசியா உமர்.

என்றென்றும் அன்புடன்,
ஆசியா உமர்.

மஹிஸ்ரீ

நல்ல சத்தான ஒரு டிஷ் பார்க்கவே பகோடா ,டீ கடை போண்டா போல் உள்ளது/

ஜலீலா

Jaleelakamal

ஆசியா உமர் உங்கள் பாராட்டுக்கு நன்றி.

ஜலீலா அக்கா உங்களுக்கும் நன்றி.

செய்து பார்த்து விட்டு பின்னூட்டம் எழுதவும்.

ஸ்ரீகீதா..........
ஜெய்ஹிந்த்........

ஸ்ரீகீதா..........
ஜெய்ஹிந்த்........

நலமா மஹி? ரொம்ப நல்லா படம் எடுத்து இருக்கீங்க. பாராட்டுக்கள் பார்க்கவே செய்யனும் போல இருக்கு நிச்சயம் செய்துட்டு சொல்றேன்.

உங்கள் பாராட்டுக்களுக்கு நன்றி.கண்டிப்பாக செய்து பார்த்து விட்டு சொல்லவும்.

ஸ்ரீகீதா..........
ஜெய்ஹிந்த்........

ஸ்ரீகீதா..........
ஜெய்ஹிந்த்........

நல்ல ஒரு healthy யன டிஷ். Normalஓட்ஸ் வாங்கி செய்யலாமா? stoveவில் வைத்து ஓட்ஸ் மாவை சேர்க்க வேண்டுமா?

நன்றி.... Normal oats-லேயே செய்யலாம்.Stove-ல் வைத்து மாவை ஒரு முறை நன்கு கிளறிவிட்டுப் பிறகு அடுப்பை அணைத்து விடவும்.பின் சூடாக இருக்கும் போதே கையில் தண்ணி தொட்டுக் கொண்டு சாசேஜ் போல செய்யவும்.

All the best............

ஸ்ரீகீதா..........
ஜெய்ஹிந்த்........

ஸ்ரீகீதா..........
ஜெய்ஹிந்த்........

i tried this receipe today it was awesome.thank you very much mahisri.

vazhga vazhamudan

உங்கள் பாரட்டுக்களுக்கு மிக்க நன்றி.

என் அக்கா பெயர் கூட சங்கீதா தான்.உங்கள் பெயர் பார்த்தவுடன் எனக்கு என் அக்கா நியாபகம் வந்தது.

ஸ்ரீகீதா..........
ஜெய்ஹிந்த்........

ஸ்ரீகீதா..........
ஜெய்ஹிந்த்........