Arusuvai - செட்டிநாடு வெள்ளை அப்பம்

சிறப்பு பக்கங்கள்

செட்டிநாடு வெள்ளை அப்பம்

பச்சரிசி 4 கப்

உளுத்தம் பருப்பு ஒரு கப்

பால் கால் கப்

உப்பு 2 தேக்கரண்டி

சோடா உப்பு 3 சிட்டிகை

எண்ணெய் சிறிது

அரிசியையும், உளுந்தினையும் சுமார் 3 மணி நேரம் ஊறவிடவும்.
அதன் பிறகு நீரை வடித்து, இரண்டையும் சேர்த்து மாவாய் அரைத்துக் கொள்ளவும். மாவு கொஞ்சம் கெட்டியாக இருக்கவேண்டும்.
இத்துடன் பால், சோடா உப்பு மற்றும் உப்பு சேர்த்து தோசை மாவு பதத்திற்கு நன்கு கலக்கிக் கொள்ளவும்.
ஆப்பச்சட்டியை அடுப்பில் வைத்து, கால் சட்டி அளவிற்கு எண்ணெய் ஊற்றி, சூடேறியதும் ஒரு கரண்டி மாவு எடுத்து ஆப்பமாக ஊற்றவும்.
ஆப்பம் எண்ணெய்யில் மிதக்க ஆரம்பித்ததும் திருப்பிப் போட்டு வெள்ளையாக இருக்கும் போதே எடுத்து விடவும்.
எண்ணெய் அதிகமாக இருப்பின், எண்ணெய் உறிஞ்சும் காகிதம் கொண்டு அழுத்தி எடுத்துவிடவும்.
இதற்கு தக்காளிச் சட்னி சுவையான இணை. அப்பத்தை ஒவ்வொன்றாக ஊற்றி சுட்டு எடுக்கவும்.
மாவு கொஞ்சம் கெட்டியாக வைத்து ஒரு ஆப்பம் முதலில் சுட்டு பார்த்துக் கொள்ளவும். தேவையெனில் பிறகு சிறிது நீர் சேர்த்துக் கரைத்துக் கொள்ளலாம்.