Arusuvai - தேங்காய் சேமியா

சிறப்பு பக்கங்கள்

தேங்காய் சேமியா

சேமியா 2 கப்

தேங்காய் ஒன்று

இஞ்சி ஒரு சிறு துண்டு

மஞ்சள்தூள் அரைத் தேக்கரண்டி

வெங்காயம் 2

எண்ணெய் 2 மேசைக்கரண்டி

உப்பு தேவையான அளவு

தேங்காயைத் துருவி இரண்டு கப் சூடான தண்ணீரில் போட்டு சிறிது நேரம் மூடி வைத்திருக்கவும்.
சுமார் அரை மணிநேரத்திற்கு பின் அதனை அப்படியே மிக்ஸியில் போட்டு லேசாக அரைத்து எடுத்து, பிழிந்து, இரண்டு கப் அளவிற்கு பால் எடுத்துக் கொள்ளவும்.
வெங்காயத்தை வில்லைகளாக நறுக்கிக் கொள்ளவும். இஞ்சியைப் பொடியாக நறுக்கிக் கொள்ளவும்.
ஒரு வாணலியில் மேசைக்கரண்டி எண்ணெய் விட்டு சேமியாவை இரண்டு நிமிடங்களுக்கு வறுத்து எடுத்துக் கொள்ளவும்.
வாணலியில் மீண்டும் எண்ணெய் விட்டு, நறுக்கி வைத்துள்ள வெங்காய வில்லைகளைப் போட்டு வதக்கி எடுத்துக் கொள்ளவும்.
ஒரு பாத்திரத்தில் தேங்காய்ப்பால், இஞ்சித் துண்டுகளைப் போட்டுக் கொதிக்க விடவும்.
தேங்காய்ப்பால் கொதிக்கும் போது வறுத்த சேமியா, மஞ்சள் பொடி மற்றும் உப்பு சேர்க்கவும்.
இப்போது தீயைக் குறைத்து, பாத்திரத்தை மூடி வைத்து சேமியாவை வேகவைக்கவும்.
பிறகு அடுப்பில் இருந்து இறக்கி, வதக்கிய வெங்காயத்தைத் தூவி பரிமாறவும்.