Arusuvai - பலாப்பழ(சக்கை) அப்பம்

சிறப்பு பக்கங்கள்

பலாப்பழ(சக்கை) அப்பம்

பலாச்சுளை 25

தேங்காய் அரை மூடி துருவல்

பச்சரிசி 1 ஆழாக்கு

வெல்லம் 150 கிராம்

பச்சரிசியை இரண்டு மணிநேரம் ஊறவைத்து எடுத்துக்கொள்ளவும்.
பிறகு ஊறவைத்த அரிசி, பலாச்சுளை, தேங்காய் துருவல், வெல்லம் அனைத்தையும் ஒன்றாக சேர்த்து சற்று நீர்த்தார்ப்போல் அரைத்துக்கொள்ளவும்.
வாழை இலைகளை துண்டாகக் கிழித்து நெருப்பில் வாட்டி எடுத்துக் கொள்ளவும்.
ஒரு கரண்டி அரைத்த மாவை எடுத்து வாழை இலையில் விட்டு வட்டமாக பரப்பவும்.
பிறகு இலையை நாலு பக்கமும் மடித்து வைக்கவும். இதே போல் எல்லா இலைகளிலும் மாவை வைத்து மடித்துக் கொள்ளவும்.
இட்லி தட்டில் ஒரு துணியை போட்டு அதன் மீது மாவு வைத்து மடிக்கப்பட்டுள்ள இலைகளை கவிழ்த்து வைக்கவும்.
ஒரு 10 நிமிடங்கள் ஆவியில் வேகவைத்து எடுத்து, இலையில் இருந்து எடுத்து ஒரு தட்டில் போடவும்.