ஜாங்கிரி

ஜாங்கிரி

வழங்கியவர்: CHITHRA DURAI

தேதி: July 2, 2006

பரிமாறும் அளவு: 4 நபர்கள்

ஆயத்த நேரம்: 20 நிமிடங்கள்

சமைக்கும் நேரம்: 20 நிமிடங்கள்

மொத்த நேரம்: 40 நிமிடங்கள்

5
Average: 4.2 (10 votes)

இனிப்புகளில் மிகவும் பிரபலமானது இந்த ஜாங்கிரி. இதனை செய்வதற்கு சற்று அனுபவம் தேவை. வீடுகளில் இதை செய்வது கடினம் என்ற எண்ணத்தில் பலர் இதை செய்வதற்கு முயற்சிப்பதில்லை. அது ஒன்றும் கடினமான விசயமே அல்ல. மிகவும் எளிது என்று சொல்லி அதன் செய்முறையை நமக்காக இங்கே விளக்குகின்றார் திருமதி. சித்ரா செல்லத்துரை.

 

உளுத்தம் பருப்பு - கால் கிலோ
பச்சை அரிசி - ஒரு பிடி
சீனி - அரை கிலோ
ஆரஞ்சு பவுடர் - சிறிது
ரோஸ் எஸன்ஸ் - இரண்டு சொட்டு
ரீபைன்டு ஆயில் - அரை லிட்டர்
கனமான துணி - ஒரு சதுர அடி


 

மேலே குறிப்பிட்டுள்ள தேவையானப் பொருட்களை தயாராய் எடுத்துக் கொள்ளவும்.
தேவையானப் பொருட்கள்
ஜாங்கிரி பிழிவதற்கு சற்று கனமான, ஒரு சதுர அடி அளவுள்ள துணியை எடுத்துக் கொள்ளவும். துணியை நான்காக மடித்து நடுவில் சிறிய துளை இட வேன்டும். டெய்லரிடம் ஜாங்கிரி ரெட்டு என்று சொன்னால் தைத்து தருவார்கள்.
ஜாங்கிரி துணி
முதலில் உளுத்தம் பருப்பையும், பச்சை அரிசியையும் சேர்த்து பதினைந்து நிமிடம் ஊற வைக்கவும்.
ஜாங்கிரி மாவு
ஊறிய பருப்பையும், அரிசியையும் ஒன்றாய் சேர்த்து கிரைண்டரில் இட்டு, தண்ணீர் அதிகம் விடாமல் சற்று கெட்டியாக அரைத்துக் கொள்ளவும். அரைத்த மாவில் கலர் பவுடரைச் சேர்த்து நன்கு கலந்து கொள்ளவும்.
ஜாங்கிரி மாவு
மாவு அரைக்கும் போதே சீனியுடன் ஒரு டம்ளர் தண்ணீர் விட்டு இளம் கம்பி பதத்திற்கு பாகு காய்ச்சி அதனுடன் ரோஸ் எசன்ஸ் சேர்க்கவும்.
சீனி பாகு
அரைத்த மாவினை துணியின் மையத்தில் வைத்து, அதை குவித்து பிடித்து, அழுத்தினால் ஓட்டையின் வழியாக மாவு வருமாறு செய்து கொள்ளவும்.
ஜாங்கிரி மாவு
இப்போது வாயகன்ற அடி தட்டையான வாணலியை அடுப்பில் வைத்து எண்ணையை ஊற்றி சூடாக்கவும். சூடானதும் துணியில் உள்ள மாவை ஜாங்கிரிகளாகப் பிழிந்து வேகவிடவும். சட்டியின் அகலத்தைப் பொறுத்து ஒரு முறைக்கு மூன்று நான்காகப் பிழிந்து விடலாம்.
ஜாங்கிரி பிழிதல்
ஜாங்கிரி ஒரு புறம் வெந்தவுடன் திருப்பிப் போட்டு மறுபுறத்தையும் வேக விடவும். அதிகம் வெந்தால் முறுகி விடும். பதமாக வேக வைக்கவேண்டும்.
ஜாங்கிரி
இரண்டு புறமும் பதமாக வெந்தவுடன் ஒரு சாரணி கொண்டு, எண்ணெய் வடித்து எடுத்து சீனிப் பாகில் போடவும்.
ஜாங்கிரி
பாகில் சற்று நேரம் ஊறியதும் எடுத்து தட்டில் அடுக்கவும். இப்போது சுவையான, சூடான ஜாங்கிரி தயார்.
ஜாங்கிரி
இந்த இனிப்பான குறிப்பினை நமக்கு வழங்கி, அதன் செய்முறை படங்களையும் வழங்கியவர் குவைத்தில் வசிக்கும் திருமதி. சித்ரா செல்லதுரை அவர்கள். அறுசுவை நேயர்களுக்கு இதுநாள் வரை நூறு குறிப்புகளை வழங்கியுள்ள இவர், மேலும் ஏராளமான குறிப்புகளைக் கொடுக்க இருக்கின்றார்.
திருமதி. சித்ரா செல்லதுரை

ஜாங்கிரி பிழிவதற்கு சற்று அனுபவம் தேவை. முதலில் துணியில் மாவை எடுத்து ஒரு வாழை இலையில் இரண்டு செ.மீ. விட்டத்திற்கு வட்டம் போட்டு அதன் மேல் சிறிய சிறிய வட்டங்களாக (கடையில் இருப்பதை போல) பிழிய வேன்டும். பல முறை செய்தவுடன் கை பழகி விடும். பிறகு எண்ணையில் நேரடியாக பிழிய வேன்டும்.

எச்சரிக்கை: ஜாங்கிரி பிழிய ஆரம்பிக்கும் முன் கையில் வளையல், பிரேஸ்லெட்டை கழற்றி விடவும். நேரடியாக எண்ணெயில் பிழியும்போது அவை சூடாகி கையில் மாறாத தழும்புகளாகி விடும்.

உறுப்பினரது அண்மைக் குறிப்புகள்

இணையான குறிப்புகள்

  • Log in or register to post comments

Comments

Renuka - July 11, 2006 - 17:13

உளுத்தம் பருப்பு - கால் கிலோ
பச்சை அரிசி - ஒரு பிடி
சீனி - அரை கிலோ
இதை உங்களால் கப் அளவாக கொடுக்கமுடியுமா???????????ப்ளீஸ்.............................

(\___/)அன்புடன்
(=' . '=) ரேணுகா

Renuka - July 11, 2006 - 17:21

இளம் கம்பி பதத்திற்கு பாகு காய்ச்ச அடுப்பை மிதமாக வைத்தால் எவ்வளவு நேரம் எடுக்கும்.?பார்ப்பதற்கு எப்படி இருக்கும்?இந்த அளவுகளில் எத்தனை ஜாங்கிரி வரும்?

(\___/)அன்புடன்
(=' . '=) ரேணுகா

VidhyaSaravanan - November 30, 2007 - 03:29

கடந்த வருட திபாவளிக்கு உங்கள் செய்முறையில் விளக்கிய லட்டு செய்து எல்லாருடய்யா பாரட்டை பெற்றேன். இம்முறை ஜாங்கிரி. ரொம்ப நல்லா வந்தது. Recipe-க்கு நன்றி

imma - June 30, 2012 - 03:22

ரெடிமேட் பாக்கட் வாங்கி செய்து பார்த்திருக்கிறேன். பெரிதாகத் திருப்தி வரவில்லை. அழகாக பிழிந்து இருக்கிறீங்க. அடுத்த தடவை இப்படித்தான் செய்யப் போகிறேன். குறிப்புக்கு நன்றி சித்ரா.

‍- இமா க்றிஸ்

அபிராஜசேகர் - October 26, 2016 - 14:01

தீபாவளி ஸ்வீட்டா செய்தாச்சு.ரொம்ப நல்லா வந்திருக்கு..உங்க அளவுக்கு அழகா சுத்த வரலை..நீங்க சொல்லியிருக்கும் அளவை விட குறைவாகதான் செய்தேன்...தேங்க்ஸ் சிஸ்டர்..

அறுசுவை பேஸ்புக் பக்கத்தில் போட்டோ போட்டிருக்கேன்..

மாற்றம் ஒன்றே மாறாதது

அபி

imma - October 27, 2016 - 13:26

அபி... படம் பார்த்தேன். சூப்பர். அதைப் பார்த்துவிட்டு அம்மா தனக்கும் ஜாங்கிரி பிடிக்கும் என்று அப்ளிகேஷன் போட்டிருக்காங்க‌. :‍)

‍- இமா க்றிஸ்

அபிராஜசேகர் - October 27, 2016 - 13:53

கிரான்மா பார்த்ததை நானும் இப்போதான் பார்த்தேன்.. :)))நான் நன்றி சொன்னதாக கிரான்மா கிட்ட சொல்லுங்க :)

ஒரு நாள் செய்து கொடுங்க.. அப்படியே எங்களுக்கும் காட்டுங்க.. :)

கொஞ்சமாக 100g உளுந்தம் பருப்பு போட்டு செய்தேன்..அதுக்கே 23 ஜாங்கிரி கிடைச்சது..

மாற்றம் ஒன்றே மாறாதது

அபி

mythilibalakrishnan - October 27, 2016 - 18:01

அருசுவை பேஸ்புக் எப்படி யூஸ் செய்வது எங்கு உள்ளது????

"அடுத்தவர்களை பற்றி பேசும் முன் உன் தவறான எண்ணத்தை மாற்று....
உன் முதுகில் உள்ள அழுக்கை நீக்கி விட்டு அடுத்தவர் முதுகில் உள்ள அழுக்கை பற்றி பேசு "
மைதிலி பாலகிருஷ்ணன்
Love my swasthi kuttty

அபிராஜசேகர் - October 27, 2016 - 18:11

பேஸ்புக்கில் ARUSUVAI என்று (Capital லெட்டரில் இருப்பது தான் இந்த அறுசுவை பேன்ஸ் க்ரூப்) Search பண்ணுங்க.. அறுசுவையின் Closed Group காட்டும்.. Join Request கொடுத்தால் admin பார்த்து சேர்த்து விடுவார்கள்..

மாற்றம் ஒன்றே மாறாதது

அபி

mythilibalakrishnan - October 27, 2016 - 18:59

நன்றி அபி request குடுத்து விட்டேன்

"அடுத்தவர்களை பற்றி பேசும் முன் உன் தவறான எண்ணத்தை மாற்று....
உன் முதுகில் உள்ள அழுக்கை நீக்கி விட்டு அடுத்தவர் முதுகில் உள்ள அழுக்கை பற்றி பேசு "
மைதிலி பாலகிருஷ்ணன்
Love my swasthi kuttty

imma - October 28, 2016 - 05:26

ஆஹா!எண்ணி வைச்சிருக்கீங்க‌. ;) இது பயனுள்ள‌ டிப். நன்றி அபி.

சில‌ வாரங்கள் fb-க்கு லீவு கொடுக்கப் போறேன். அதன் பின் கட்டாய‌ம் ஃபான்ஸ் க்ரூப்ல‌ படம் வரும். :‍)

‍- இமா க்றிஸ்