இப்படியும் சில மனிதர்கள்!! என்ன‌வென்று சொல்ல?!

இப்ப‌ என்கூட‌ ஆபீசில் வேலை பார்க்கும் பெண் இவ‌ர். கிட்ட‌த்த‌ட்ட‌ ஒரு 5 வ‌ருஷ‌மா ஒன்னா ஒரே டீமில் இருக்கோம். ஆனாலும் புரிய‌‌வில்லை, இவ‌ர் எப்ப‌டிப்ப‌ட்ட‌வ‌ர் என்று. ஏதாவ‌து விஷ‌ய‌ம் வேண்டுமென்றால், வேலை விஷ‌யமாக‌ட்டும் அல்ல‌து அவருக்கு தேவையான சொந்த விஷ‌ய‌மாக‌ட்டும் தோண்டி துருவி கேட்டுக்கொள்வார். அப்புற‌ம் சில‌ நாள் க‌ழித்து அந்த டாபிக் பற்றி பேசினால், என்னவோ ஒன்னுமே அதுபற்றி முன்னாடி டிஸ்கஷனே நடக்காததுப்போல பேசுவார். இல்லையென்றால், அதுப்பற்றி அவருக்கே எல்லாம் முன்னாலே தெரியும், சோ அதுபோல செய்துவிட்டதாக சொல்லுவார். கேட்கும் நாந்தான் முழிக்கவேண்டும். அப்படியே இல்லையே அன்று அதைப்பற்றி கேட்டீர்களே, அந்த தகவல் உபயோகமாக இருந்ததா என்றால், அப்படியா? ! எப்போ என்பார். அதற்காக நிஜ‌மாலும் அவ‌ர் ம‌றந்துதுவிட்ட‌தாக‌ சொல்ல‌வே முடியாது. ந‌ன்றாக‌வே நியாப‌க‌ம் இருக்கும். ஏனென்றால், மீண்டும் தேவையென்றால், ஒரு வ‌ருட‌ம் க‌ழித்துக்கூட‌ சில‌ விஷ‌ய‌ம், அன்று ஒரு நாள் சொன்னீர்க‌ளே, என்று அதைக்குறித்து மீண்டும் பேசுவார். : )
திடீரென்று ஒரு நாள் வந்து ரொம்ப‌ நேர‌ம் குழந்தைக‌ள் ப‌ற்றி, ஸ்கூல் விஷ‌ய‌ம் எல்லாம் கேட்பார். என்னைவிட‌ ஒரு வ‌ய‌து குறைவான‌ குழந்தை அவ‌ருக்கு. ச‌ரி, கேட்க‌றாங்களே என்று, நானும்‌ ந‌ம் அனுப‌வ‌த்தை ப‌கிர்ந்து கொள்ளுவோமென்று எல்லாம் சொல்லி எல்லாம் பேசுவோம், அத‌ற்கு பிற‌கு ம‌று நாளே என்னை பார்த்தாலும், ஒரு சின்ன‌ பேச்சோ, ஸ்மைலோ இருக்காது. அவ‌ர் யாரோ ஒரு ந‌ப‌ர் போல நடந்துகொள்வார். இந்த விஷயம்‍, இதுதான் எனக்கு ரொம்ப எரிச்சல் ஏற்ப்படுத்துவது. அது எப்படி இப்படியும் மனிதர்கள் உண்டா இந்த உலகில்?!! ஒரே மாதிரி குணத்துடன் இருக்க மாட்டார்களா? அது என்ன ஏதாவது வேணுமென்றால் வந்து குழைவாங்க, அவங்க கேட்கற‌துக்கு எல்லாம் நாம பதில் சொல்லனும், ஆனால் அவங்க மட்டும் எப்போதும் ஒரே மாதிரி பேசக்கூட மாட்டார்கள். கூடவே எப்பவும் பொய், பித்தலாட்டம். எனக்கு ரொம்பவே வெறுப்பாக இருக்கிறது.
அதேப்போல‌ ந‌ன்றாகத்தான் பேசுகிறாரே என்று நாம‌ ஏதாவ‌து போன வாரம் நடந்த சம்பவம் பற்றி கேட்டால், உங்க‌ளுக்கு ந‌ன்றாக‌வே நியாப‌க‌ம் இருக்கு, என‌க்கே நியாப‌க‌ம் இல்லை என்று ஒரு மாதிரியாக‌ குத்த‌லாக‌ சொல்வார். என‌க்கென்ன‌வோ இவ‌ங்க‌ விஷ‌ய‌த்தை நியாப‌க‌ம் வைச்சிக்க‌ற‌துதான் ஒரே வேலைப்போல‌. இது என்ன‌ ந‌ல்லாவா இருக்கு?!. ஏன் இந்த‌‌ இர‌ட்டை வேஷ‌ம்?! எத‌ற்கு இந்த குண‌ம்?! இவ‌ங்க‌ளுக்கு எல்லாம் ம‌ன‌சே உருத்தாதா?!
என‌க்கு ப‌ல‌ நேர‌ங்க‌ளில் ரொம்பவே எரிச்சலா இருக்கும். சரி, எப்படியும் இருக்கட்டும் அவர், என்று நான் எப்போதும்போல பேசினாலும், இந்த, மாற்றி மாற்றி பேசும் குணம் எனக்கு சில‌ நேர‌ங்க‌ளில் எரிச்சலாவே இருக்கு.
தோழிக‌ள் இதுப்போல‌ ம‌க்க‌ளை பார்த்து இருக்கிங்க‌ளா?, அவர்களோடு பழகும் கட்டாயம் ஏற்ப‌ட்டு இருக்கிறதா?! இவ‌ங்க‌ளை எப்ப‌டி டீல் ப‌ண்ணுவிங்க‌ என்று வந்து உங்க‌ அனுப‌வ‌த்தை சொல்லுங்க.
ரொம்ப‌ நாள் பொருத்து பொருத்து, இன்னைக்கும் காலைலேயே ஒரு இன்சிடென்ட், சரி இங்கே வந்து உங்களிடமெல்லாம் கொஞ்ச‌ புல‌ம்பினாவ‌து ஆறுத‌ல் கிடைக்குமா என்று வந்தேன் ப்ரெண்ட்ஸ். க‌ம‌ண்ட்ஸ் ப்ளீஸ்.

அன்புடன்
சுஸ்ரீ

ஹாய் சந்தனா,
எப்படி இருக்கிங்க? ரொம்ப நாளாச்சு உங்களோட எல்லாம் பேசி. இப்ப ஏதோ படிக்க தொடங்கி இருக்கிங்க என்று தெரிந்துகொண்டேன், (அங்க இங்க கண்ணில படற பதிவுகளில் இருந்து.)
ஹோப் ஐ காட் இட் ரைட்! All the best for your studies!

என் புலம்பலை படிச்சிட்டு ரொம்ப ஆறுதலா பதில் சொல்லியிருக்கிங்க. தேங்ஸ் (தாமததுக்கு மன்னிக்கனும்).
நீங்க சொன்ன இரண்டில் அவங்க முதல் ரகம்தான். 'பக்கா 'காரியவாதி. அந்த வெள்ளிக்கிழமைக்கப்புறம் இந்த வாரம் திங்களன்றே என் டெஸ்க்கிக்கு வந்து ஒரே வழிசல், ஒரு சேட்டிங், ம்யூசிக் டீச்சர் பற்றிய விபரம் வேண்டுமென்றார். நான் எனக்கு தெரிந்த விஷ‌யத்தை (நிறையவே வொர்க் ரிலேட்டடாக விஷயங்கள் சொல்லி கொடுத்து இருக்கிறேன்.) பகிர்ந்து கொள்ள எப்போதுமே தவறுவதில்லை, எதனையும் பதிலுக்கு எதிர்ப்பார்ப்பதும் கிடையாது.

ஆனால் எப்போதும் ஒரே மாதிரி இல்லாமல், ஒரு நாள், ஒரு மாதிரி நல்லா பேசி பழகி குழைந்துவிட்டு, அடுத்த நாளே, என்னவோ யாரோ போல நடந்துகொள்ளும் குணம்தான் பிடிக்கவில்லை.

சரி, மனிதர்கள் பலவிதம். அதில் இவங்க ஒரு ரகம் என்று நினைத்துக்கொள்ள‌வேண்டியதுதான்.
உங்க பதிலுக்கு மீண்டும் நன்றி சந்தனா.

அன்புடன்
சுஸ்ரீ

ஹாய் RSMV,
பதிலுக்கு மிக்க நன்றி (தாமதமா சொல்றேன், மன்னிக்கனும்.)
நீங்க சொன்ன மாதிரி ட்ரை பண்ணாக்கூட என்னால சரியா செய்யமுடியுமான்னு தெரியலை. என்னங்க பண்ணறது? யாராவது எதாவது தெரியலைன்னு கேட்டால், எல்லாம் புட்டு புட்டு வைத்து, தெளிவா சொல்லித்தரும் பழக்கம் கூடவே பிறந்திட்டுதுப்போல. அப்படி இருப்பதில் நிச்சயம் சந்தோஷம்தான்.

ஆனா என்ன‌, எனக்கு அவஙகளின் முரண்பாடான குணத்தால் அப்பப்ப மனசு கொஞ்சம் கஷ்டப்படும், அப்புறம் சரி, கிடக்கறாங்க. அவங்களுக்கு தெரிஞ்சது அவ்வளவுதான் என்று நினைத்துக்கொளெவேன். இப்ப உங்க 'கூலான' ஆறுதல் வரிகளை படிச்சி நல்லா இருக்கு! : ) மீண்டும் நன்றி!

அன்புடன்
சுஸ்ரீ