Name: ரவா கார அடை
Prep time: 20 min
Cook time: 10 min
Total time: 30 min
Yield: 4 நபர்கள்
Cuisine: சைவம்

ரவா கார அடை

வழங்கியவர்: திருமதி. புவனேஸ்வரி

தேதி: July 1, 2006

பரிமாறும் அளவு: 4 நபர்கள்

ஆயத்த நேரம்: 20 நிமிடங்கள்

சமைக்கும் நேரம்: 10 நிமிடங்கள்

மொத்த நேரம்: 30 நிமிடங்கள்

காலையில் இட்லி, தோசை என்று சாப்பிட்டு அலுத்துவிட்டதா? உரப்படை செய்யவேண்டும் என்று ஆசைப்பட்டு, அதற்கு பருப்பு ஊற வைத்து, மாவு அரைத்து, தயாரிக்க ஆகும் நேரத்திற்கு பயந்து, உங்களது ஆசையை, நாவை அடக்கிக் கொண்டிருக்கின்றீரா.? கவலை வேண்டாம். இந்த ரவா கார அடையை செய்து சுவைத்துப் பாருங்கள். செய்வதும் எளிது. சுவையும் மிகுதி.

ரவா - 3 கப்
கடலைமாவு - 1 1/4 கப்
பெரிய வெங்காயம் - 6
மிளகாய் வற்றல் - 9
மஞ்சள் தூள் - ஒரு தேக்கரண்டி
சோம்பு - 2 தேக்கரண்டி
கறிவேப்பிலை - 3 கொத்து
கொத்தமல்லி - 2 கப்
கல் உப்பு - 2 தேக்கரண்டி
எண்ணெய் - 2 தேக்கரண்டி

ரவா மற்றும் கடலை மாவை மேலே கொடுத்துள்ள அளவில் சலித்து எடுத்துக் கொள்ளவும்.

ரவாவை ஒரு பாத்திரத்தில் கொட்டி, 3 கப் தண்ணீர் ஊற்றி சுமார் ஒரு மணிநேரம் ஊற வைக்கவும்.

பெரிய வெங்காயம், கறிவேப்பிலை, கொத்தமல்லி இவற்றை பொடியாக நறுக்கிக் கொள்ளவும்.

மிளகாய், சோம்பு இரண்டையும் மிக்ஸியில் போட்டு சிறிது தண்ணீர் தெளித்து விழுதாக அரைக்கவும்.

ஊற வைத்த ரவாவுடன் கடலைமாவு சேர்த்து கரைத்துக் கொள்ளவும்.

மாவு கரைந்தவுடன் அரைத்து வைத்துள்ள விழுது, மஞ்சள் தூள் சேர்த்து கரைக்கவும்.

பின்னர் நறுக்கி வைத்துள்ள வெங்காயம், கறிவேப்பிலை, கொத்தமல்லி மற்றும் உப்பு சேர்த்து கலக்கவும்.

அடுப்பில் தோசைக்கல்லை வைத்து எண்ணெய் தடவி ஒரு குழிகரண்டி மாவு எடுத்து அடையாக ஊற்றி அதன் மேல் எண்ணெய் ஊற்றவும்.

2 நிமிடம் கழித்து ஒரு புறம் வெந்ததும் திருப்பி போட்டு மறுபுறத்தையும் வேக வைத்து எடுக்கவும்.

ருசியான ரவா கார அடை தயார். இதை சூடாக சாப்பிட்டால்தான் மிகவும் ருசியாக இருக்கும். தேங்காய் சட்னியுடன் தொட்டுக் கொண்டு சாப்பிட்டால் இன்னும் சுவை அதிகரிக்கும்.

இந்தக் குறிப்பினை வழங்கி செய்து காட்டியவர் திருமதி. புவனேஸ்வரி அவர்கள். இதை செய்வதற்கு அதிக நேரம் எடுக்காது. ரவா ஊற வைத்தல் மட்டும்தான் அதிக நேரம் (ஒரு மணி நேரம்) எடுக்கும். மற்றவை 10 நிமிடங்களில் முடிந்து விடும்.

உறுப்பினரது அண்மைக் குறிப்புகள்

சோளா பூரி - 2

arusuvai_team

வற்றல் குழம்பு

arusuvai_team

பிட்ஸா தோசை

arusuvai_team

மாங்காய் பச்சடி

arusuvai_team

2 இன் 1 பூரி

arusuvai_team

காரட் கீர்

arusuvai_team

இணையான குறிப்புகள்

வெங்காய தோசை மற்றும் புதினா சட்னி

ஓட்ஸ் கோதுமை தோசை

வெங்காய கொத்தமல்லி தோசை

திருவாதிரை களி

உருளைக்கிழங்கு பரோட்டா (ஆலு பரோட்டா)

சேமியா உப்புமா - 1

Comments

சூப்பர் அடை

Permalink abirajan - October 28, 2007 - 14:12

ரவா கார அடை செய்துப்பார்த்தேன்.சுவையோ அருமை. பருப்பு அடை போலவே இருந்தது செய்வதற்க்கு மிக எளிமையான குறிப்பு.தங்களின் எளிமையான குறிப்புக்கு மிக்க நன்றி(சிறிது தேங்காய் துறுவல் சேர்த்துக்கொண்டேன்)

அன்புடன்
அபிராஜன்