பெட்டி பணியாரம்

வழங்கியவர்:

தேதி: August 28, 2006

பரிமாறும் அளவு:

ஆயத்த நேரம்: 10 நிமிடங்கள்

சமைக்கும் நேரம்: 30 நிமிடங்கள்

மொத்த நேரம்: 40 நிமிடங்கள்

5
Average: 5 (1 vote)

இஸ்லாமிய இல்லங்களில் தயாரிக்கப்படும் ஒருவித சிறப்பு வகை பணியாரம் இது. அறுசுவை தளத்தில் ஏராளமான இஸ்லாமிய உணவுக் குறிப்புகளைத் தந்துள்ள திருமதி. அஸ்மா ஷர்ஃபுதீன் அவர்கள், இந்தக் குறிப்பினையும் வழங்கி, செய்முறையையும் படங்கள் எடுத்து அனுப்பியுள்ளார். காரைக்காலை சொந்த ஊராக கொண்டு, அங்குள்ள இஸ்லாமிய கல்லூரியில் சுமார் 5 வருடங்கள் பேராசிரியையாக பணியாற்றி வந்த இவர், தற்போது வசிப்பது பிரான்ஸில். <br /><br />

இவரது தாயார் பாரம்பரிய இஸ்லாமிய உணவுகள் தயாரிப்பதில் கைதேர்ந்தவர். சிறுவயது முதல் தாயாரிடம் இருந்து சமையல் கற்றுக் கொண்ட இவருக்கு, அவரைப் போலவே அனைத்து வகை இஸ்லாமிய உணவுகள் தயாரிப்பதிலும் திறன் பெற வேண்டும் என்பது ஆசை. கணவர் திரு. ஷர்ஃபுதீனும் சமையல் கலையில் வல்லவர். மலேசிய நாட்டில் சுமார் 8 வருடங்கள் உணவு விடுதி நடத்தியவர். அனைத்து வகை உணவுகளையும், மிகவும் வேகமாக தயாரிப்பதில் தனிப்பட்ட திறன் வாய்ந்தவர். கணவரின் ஊக்கமும், பயிற்சியும் திருமதி. அஸ்மா அவர்களின் திறனை மேலும் வளர்த்துக் கொள்ள உதவியுள்ளது. இவர் தயாரிக்கும் உணவுகளில் சுவைக்கு கொடுக்கும் முக்கியத்துவத்தை ஆரோக்கியத்திற்கும் அளிக்கின்றார்.புதுப்புது உணவுகள் தயாரிப்பதை தனது பொழுதுபோக்காகவே வைத்துள்ளார்.<br />

 

மைதா மாவு - ஒரு கப்
முட்டை - ஒரு கப்
சீனி - ஒரு கப்
முந்திரி பருப்பு - 15
பேகிங் பௌடர் - 1/4 ஸ்பூன்
வனிலா எஸென்ஸ் - ஒரு ஸ்பூன்
உப்பு - 1/4 ஸ்பூன்
எண்ணெய் - சுமார் 250 மில்லி


 

தேவையானப் பொருட்கள் அனைத்தையும் தயாராய் வைத்துக் கொள்ளவும். முட்டையை உடைத்து ஊற்றி, ஒரு கப் அளவிற்கு எடுத்துக் கொள்ளவும்.
எண்ணெய், முந்திரி பருப்பு தவிர மற்ற அனைத்தையும் மேலே கூறியுள்ள அளவில் ஒரு பாத்திரத்தில் போட்டு கலக்கிக்கொள்ளவும்.
நன்றாக கலக்கி சீனி முழுவதும் கரைந்து கூழ் பதத்திற்கு வந்தவுடன், உடைத்த முந்திரி பருப்பு சேர்க்கவும்.
அடுப்பில் தோசைக்கல்லை வைத்து சூடானவுடன் மிக குறைந்த அளவு தீயில் வைத்து, சிறிது எண்ணெய் விட்டு, ஒரு கரண்டி மாவை எடுத்து நீள் சதுரவாக்கில் ஊற்றவும்.
திருப்பிப்போடும்போது முறுகும் அளவுக்கு அதன் மேல் எண்ணெய்விடவும்.
இப்போது மாவின் ஓரங்களை ஒரு தோசை திருப்பியால் சரிசெய்யவும்.
சீனி கலந்திருப்பதால் இது சீக்கிரம் முறுகிவிடும். அதனால் பொன்முறுகலானவுடனேயே திருப்பிப்போடவும்.
திருப்பி போட்ட பிறகு அதன் மேலேயே மீண்டும் மாவை ஊற்றவும். இந்த முறையில் ஊற்றும்போது ஓரங்களில் மாவு வழிந்தோடாத அளவு கம்மியாக ஊற்றவேண்டும். ஒவ்வொரு முறை மாவு ஊற்றும்போதும் முதலில் சொன்னதுபோல் மேலே எண்ணெய்விட்டு, ஓரங்களில் உள்ள மாவை சரிபண்ணி, தீயவிடாமல் பொன்முறுகலாக இருக்கும்போதே புரட்டி போடவேண்டும்.
இப்படியே மாவு முழுவதையும் ஊற்றினால் ஒரு சுமார் 5 அல்லது 6 இன்ச் அளவு உயரம் கிடைக்கும். (ஆனால், இங்கு கொடுக்கப்பட்டுள்ள அளவுக்கு மேல் அதிகமாக அளவை கூட்டி செய்வதாக இருந்தால் ஒரே தடவையில் எல்லா மாவையும் ஊற்றக்கூடாது. எத்தனை பங்கு அதிகப்படுத்துகிறோமோ அத்தனை பணியாரங்களாக ஊற்றலாம். இதில் கூறியுள்ள அளவு ஒரு பணியாரத்திற்கு உள்ளது.)
பிறகு அதன் நான்கு பக்கங்களையும் பொன்முறுகலாக முறுகவைக்கவேண்டும்.
இப்போது சுவையான பெட்டிப் பணியாரம் தயார்!
சற்று ஆறியவுடன் நாம் விரும்பும் வடிவங்களில் வெட்டி பரிமாறலாம்.

உறுப்பினரது அண்மைக் குறிப்புகள்

இணையான குறிப்புகள்

  • Log in or register to post comments

Comments

sajuna - November 6, 2006 - 21:52

நான் செய்து பார்தேன்.நன்றாக இருந்தது.நன்றி

sajuna

Haj Jasmin Rafiq - May 27, 2010 - 16:38

Hai sister,
I tried ur cake.it came out very well.
My mom used 2 do this in my childhood days & it's my favorite one.
She used 2 prepare enormous about.
Now bco'z of u,i tried it & it came out very tasty.
my sister used 2 add cardamom powder instad of vanilla essence & ghee instead of oil & in circle shape.
Thank u very much 4 ur illustrated recipe.

Jasmin